agriculture news in marathi heavy rain in mumbai and konkan region | Agrowon

मुंबईसह, कोकणात दमदार पाऊस

टीम अॅग्रोवन
रविवार, 5 जुलै 2020

कोकण किनारपट्टीलगतच्या समुद्रात ढगांची चांगलीच दाटी झाल्याने मुंबई, सिंधुदुर्ग, रत्नागिरी, पालघर, रायगड जिल्ह्यांसह घाटमाथ्यावर पावसाने दमदार हजेरी लावली.

पुणे : कोकण किनारपट्टीलगतच्या समुद्रात ढगांची चांगलीच दाटी झाल्याने मुंबई, सिंधुदुर्ग, रत्नागिरी, पालघर, रायगड जिल्ह्यांसह घाटमाथ्यावर पावसाने दमदार हजेरी लावली. कोकणात अतिवृष्टी होत असल्याने नद्यांना पूर आले आहेत. नद्यांवरील पूल पाण्याखाली गेल्याने गावांचा संपर्क तुटला असून, शेतपिके पाण्याखाली गेली आहेत. शनिवारी दिवसभर अनेक ठिकाणी पावसाचा जोर कायम होता. 

शनिवारी (ता. ४) सकाळापर्यंतच्या २४ तासांमध्ये सिंधुदुर्गात मुसळधार पाऊस झाला असून, मालवण येथे सर्वाधिक १९३ मिलिमीटर पावसाची नोंद झाली आहे. नदी, नाले पुररेषा ओलांडण्याच्या स्थितीत आहेत. कुडाळ तालुक्यातील आबेंरी पुलावरून पुराचे पाणी वाहत असल्यामुळे तेथील २७ गावांचा सपंर्क तुटला आहे. भंगसाळ नदीचे जुने पूल पुराच्या पाण्याखाली गेले आहेत. शनिवारी (ता. ४) सकाळपासून पावसाची संततधार सुरूच आहे.

रत्नागिरी जिल्ह्याच्या चिपळूण तालुक्यात मुसळधार पावसामुळे वाशिष्टी नदीला पूर आला. किनाऱ्यावरील संपूर्ण लागवडीखालील शेती पाण्याखाली गेली. 
सातारा जिल्ह्यात अनेक ठिकाणी तुरळक पावसाने हजेरी लावली आहे. शुक्रवारी पश्चिमेकडील सातारा, जावली, पाटण, कऱ्हाड तालुक्यांत पावसाच्या हलक्या सरी येत आहेत. नगर जिल्ह्यातील अकोले तालुक्याच्या पश्चिम भागातील भंडारदरा धरणाच्या पाणलोट क्षेत्रात पावसाला सुरुवात झाली आहे. आदिवासी पट्ट्यातील घाटघर, उडदावणे, पांजरे, मुतखेल, रतनवाडी, चिंचोडी, शेंडी, वाकी, पेंडशेत, बारी भागांतील गावांमध्ये पावसाने जोरदार हजेरी लावली आहे.

यवतमाळ जिल्ह्यातील अनेक भागांत मुसळधार पावसाला सुरुवात झाली आहे. मुसळधार पावसाने शेतजमीनी खरडून गेले आहे. अनेक शेतात पाणी साचल्याने निघालेले पीक पाण्यात असून शेतकऱ्यांसमोर नवं संकट उभे ठाकले आहे.  

शनिवारी (ता. ४) सकाळपर्यंतच्या २४ तासांमध्ये राज्यात विविध ठिकाणी पडलेला पाऊस, मिलिमीटरमध्ये (स्त्रोत : हवामान विभाग) : कोकण : कुलाबा १६९, सांताक्रुझ १५७, पालघर ५२, वसई ७६, विक्रमगड ४१, भिरा ५९, खालापूर ३४, माणगाव ६०, माथेरान ४६, म्हसळा ६५, मुरूड ६९, पनवेल ९२, पेण ४०, पोलादपूर ४८, रोहा ८३, श्रीवर्धन ८८, सुधागडपाली ६५, तळा १४१, उरण, ७३, चिपळूण ९६, दापोली १४२, गुहागर ११०, हर्णे १६५, खेड ६०, लांजा ७९, मंडणगड ६०, राजापूर ९८, रत्नागिरी ६९, संगमेश्वर ४३, देवगड १००, दोडामार्ग ६९, कणकवली ६६, कुडाळ ११०, मालवण १९३, रामेश्वर ८२, सावंतवाडी १०४, वैभववाडी ६७, वेंगुर्ला १४५, आंबरनाथ ८३, भिवंडी ५५, कल्याण ६०, ठाणे ७१, उल्हासनगर ८०.  मध्य महाराष्ट्र : साक्री ४३, गगणबावडा ८३, चंदगड ३०, देवळा ३१, लोणावळा कृषी ३०, महाबळेश्वर ७०.मराठवाडा : कन्नड ३२, धारूर ४४, घनसांगवी ६२, हिमायतनगर ३६, किनवट ६१,विदर्भ : सिंदेवाही ३७, सिरोंचा ३७, कामठी ४१, हिंगणघाट ३९, मानोरा ४७, दारव्हा ४३, नेर ३३.

१०० मिलिमीटरपेक्षा अधिक पाऊस पडलेली ठिकाणे
कुलाबा १६९, सांताक्रुझ १५७ (मुंबई), तळा १४१ (जि. रायगड), दापोली १४२, हर्णे १६५, गुहागर ११०, (जि. रत्नागिरी), मालवण १९३, वेंगुर्ला १४५, कुडाळ ११०, सावंतवाडी १०४, देवगड १००, (जि. सिंधुदुर्ग).

कोकणात जोरदार पावसाची शक्यता 
अरबी समुद्रातून होत असलेला बाष्पाचा पुरवठा, गुजरातपासून कर्नाटकपर्यंत विस्तारलेला किनारपट्टीला समांतर कमी दाबाचा पट्टा पावसाला पोषक हवामान आहे. आज (ता. ५) कोकणात अनेक ठिकाणी, मध्य महाराष्ट्रात तुरळक ठिकाणी जोरदार पावसाची शक्यता आहे. विदर्भात वादळी पावसाचा अंदाज आहे. मुंबईसह उत्तर कोकणातील ठाणे, पालघर, रायगडमध्ये मुसळधार पावसाचा ‘रेड आलर्ट’, सिंधुदुर्ग, रत्नागिरी, पुणे, नाशिकमध्ये ‘ऑरेंज अलर्ट’ हवामान विभागाने दिला आहे.  


इतर अॅग्रो विशेष
अभियान नको, योजना हवीकेंद्र सरकारने आत्मनिर्भर योजनेंतर्गत शेतमाल...
इर्व्हिनिया रॉट रोगाची केळी पिकात समस्या जळगाव ः जिल्ह्यात केळी पिकात...
`पोकरा`मधून शेतमजुरांना प्रशिक्षण द्याऔरंगाबाद: नानाजी देशमुख कृषी संजीवनी...
ऑगस्टमध्ये प्रथमच भरले सीना धरण नगर: दुष्काळी कर्जत, श्रीगोंदा आणि आष्टी...
कोल्हापूर : जनावरे बाजारातील...कोल्हापूर: `कोरोना’च्या पार्श्वभूमीवर लॉकडाउनमुळे...
साखर निर्यातवाढीसाठी केंद्राची ‘रॅपिड अ...कोल्हापूर: देशातून जास्तीत जास्त साखर निर्यात...
परभणीत सोळा हजार शेतकऱ्यांचे आधार...परभणी ः महात्मा जोतिराव फुले शेतकरी कर्जमुक्ती...
सोयाबीन बियाणेप्रकरणात शेतकऱ्यांना एक...अमरावती : विभागातील पाच जिल्ह्यांत सोयाबीन बियाणे...
‘ई-नाम’, शीतसाखळी बळकट करण्याची गरज;...पुणे: चीनशी व्यापारी संबंध डळमळीत झाल्यानंतर...
‘सिट्रस नेट’वर केवळ दोनशे शेतकऱ्यांची...नागपूर : प्रशासकीय यंत्रणांच्या उदासीनतेमुळे ‘...
मका खरेदी केंद्रांवर शेतकरी ठाण मांडून औरंगाबाद: हमीभावाने खरेदीसाठी ३१ जुलैपर्यंत...
पावसाचा जोर वाढण्याची शक्यता  पुणे ः  बंगालच्या उपसागरात कमी दाबाचे...
भाजीपाला शेतीतून अर्थकारणाला गतीडोंगरगाव (ता.जि.अकोला) शिवारातील योगेश नागापुरे...
राज्यात धरणांमध्ये ३८ टक्के साठापुणे : मॉन्सूनचा पाऊस सुरू झाल्यानंतर जून...
जुलैअखेर पावसाने सरासरी गाठलीपुणे : नैर्ऋत्य मोसमी वारे (मॉन्सून) हंगामाची...
सांगली जिल्ह्यात २६ हजार हेक्टरने ऊस...सांगली : जिल्ह्यातील दुष्काळी पट्ट्यासह अन्य...
मुगावर काय फवारायचे?अकोला ः कडधान्य वर्गीय पिकांपैकी एक प्रमुख...
कीडनाशकांवरील बंदी- शेतकऱ्यांसाठी तारक...केंद्रीय कृषी मंत्रालयाने २७ कीडनाशकांवर बंदी...
दूध दर आंदोलनाचा राज्यभर एल्गारपुणे: दूध उत्पादक शेतकरी संघर्ष समिती व...
पीकविमा नोंदणीत महाराष्ट्राची आघाडीपुणे: डिजिटल तंत्राचा वापर करून पंतप्रधान पीकविमा...