agriculture news in Marathi, Heavy rain possibility in Central Maharashtra and Marathwada, Maharashtra | Page 2 ||| Agrowon

मध्य महाराष्ट्र, मराठवाड्यात वादळी पावसाचा अंदाज
टीम अॅग्रोवन
मंगळवार, 8 ऑक्टोबर 2019

पुणे : मॉन्सूनच्या परतीच्या प्रवासासाठी पोषक हवामान तयार होत असल्याने राज्यात वादळी वारे, मेघगर्जना, विजांसह मुसळधार पाऊस पडत आहे. पाऊस पडत असलेल्या भागात तापमानात घट झाली आहे. तर उघडीप असलेल्या भागात मात्र ऑक्टोबर हीटचा चटका चांगलाच वाढला आहे. आज (ता. ८) मध्य महाराष्ट्र आणि मराठवाड्यात वादळी पावसाची शक्यता आहे. मध्य महाराष्ट्रात तुरळक ठिकाणी मुसळधार पावसाचा इशाराही हवामान विभागाने दिला आहे.      

पुणे : मॉन्सूनच्या परतीच्या प्रवासासाठी पोषक हवामान तयार होत असल्याने राज्यात वादळी वारे, मेघगर्जना, विजांसह मुसळधार पाऊस पडत आहे. पाऊस पडत असलेल्या भागात तापमानात घट झाली आहे. तर उघडीप असलेल्या भागात मात्र ऑक्टोबर हीटचा चटका चांगलाच वाढला आहे. आज (ता. ८) मध्य महाराष्ट्र आणि मराठवाड्यात वादळी पावसाची शक्यता आहे. मध्य महाराष्ट्रात तुरळक ठिकाणी मुसळधार पावसाचा इशाराही हवामान विभागाने दिला आहे.      

नाशिक जिल्ह्यात रविवारी (ता.६) सलग तिसऱ्या दिवशी झालेल्या पावसाने जिल्हाभर चांगलीच दाणादाण उडवून दिली. येवला आणि बागलाण तालुक्यांमध्ये सर्वाधिक पाऊस झाला. नाशिक शहरात झालेल्या पावसाने गोदावरीला पूर आला. पावसामुळे शेतकऱ्यांचे मोठे नुकसान झाले आहे. प्रामुख्याने द्राक्ष, टोमॅटो, मका, बाजरी, कांदा व इतर भाजीपाला पिकाचे पिकाचे मोठ्या प्रमाणात नुकसान होणार आहे. निफाड तालुक्यातील पिंपळगाव बसवंत येथे पूरपाण्याचा अंदाज न आल्याने फरशी पुलावरून वाहून गेल्याने रामचंद्र फकिरा पवार (वय ४५) यांचा मृत्यू झाला. 

सिंधुदुर्ग जिल्ह्यातील ओटवणे (ता. सावंतवाडी) परिसराला वादळाचा तडाखा बसला. भातशेतीचे मोठे नुकसान झाले आहे, तर जिल्ह्यात सर्वत्र पडत असलेल्या पावसामुळे भातशेती आडवी होत असल्याचे चित्र आहे. भात पिके परिपक्व झालेली असल्यामुळे नुकसान वाढणार आहे. विजांच्या कडकडाटासह झालेल्या पावसाने वैभववाडी, खारेपाटण, भुईबावडा, फोंडाघाट परिसराला झोडपून काढले. 

नांदेड जिल्ह्यात सोयाबीनची सुगी, लवकर लागवड केलेल्या कपाशीची वेचणी, मूग, उडदानंतर रबीची पेरणी सुरू असताना गेल्या काही दिवसांपासून नांदेड, परभणी, हिंगोली जिल्ह्यात सततचा पाऊस नुकसानकारक ठरत आहे. या तीन जिल्ह्यांत रविवारी (ता. ६) दुपारनंतर वादळी वाऱ्यासह झालेला जोरदार पाऊस गारपिटीमुळे खरीप पिके झोडपून निघाली. सोयाबीनच्या शेंगा फुटल्या, कपाशीची पाने, बोंडे गळून पडली. 

बुलडाणा जिल्ह्यात घाटावरील काही तालुक्यांमध्ये रविवारी (ता. ६) जोरदार पाऊस झाला असून बुलडाणा तालुक्यातील काही गावांमध्ये गारपीटही झाली. सोयाबीन ऐन काढणीचे दिवस सुरू असून, सोयाबीनसह कापूस, भाजीपाल्याच्या पिकांचे मोठे नुकसान झाले आहे. पुणे जिल्ह्यातील मुळशी, भोर, मावळ, जुन्नर, आंबेगाव, हवेली या तालुक्यांच्या काही भागांत रविवारी (ता. ६) मुसळधार वादळी पाऊस झाला. जुन्नर तालुक्यात अनेक ठिकाणी पावसाचा जोर अधिक होता. फुलोऱ्यात असलेल्या भात पिकाला आणि रब्बीच्या पेरणीला हा पाऊस पोषक ठरणार आहे. मात्र मुसळधार पावसामुळे भाजीपाला, फुले, कांदारोपांचे मोठ्या प्रमाणावर नुकसान होणार आहे. 

सोमवारी (ता. ७) सकाळी साडेआठ वाजेपर्यंतच्या २४ तासांत राज्यातील विविध ठिकाणचे कमाल तापमान, कंसात सरासरीच्या तुलनेत वाढ, घट (अंश सेल्सिअसमध्ये) : पुणे २९.७ (-१.१), जळगाव ३४.०(-०.६), कोल्हापूर ३०.५(०.१), महाबळेश्वर २३.८ (-०.८), मालेगाव ३३.२ (०.४), नाशिक ३०.८ (-०.८), सातारा ३०.७ (०.८), सोलापूर २९.८ (-२.५), अलिबाग ३३.६ (२.४), डहाणू ३२.३ (०.४), सांताक्रूझ ३४.५ (२.५), रत्नागिरी ३२.१ (१.५), औरंगाबाद ३०.६ (-१.०), परभणी ३२.० (-०.७), नांदेड ३२.० (-१.६), अकोला ३३.५ (-१.२), अमरावती ३३.० (-०.७), बुलडाणा २६.० (-२.०), ब्रह्मपुरी ३४.४ (१.९), चंद्रपूर ३४.०(०.८), गोंदिया ३२.५(-०.३), नागपूर ३४.२ (१.१), वर्धा ३३.४ (०.४), यवतमाळ ३२.०(०.०).

सोमवारी (ता.७) सकाळपर्यंतच्या २४ तासांमध्ये राज्यात विविध ठिकाणी पडलेला पाऊस, मिलिमीटरमध्ये (स्त्रोत - हवामान विभाग) :

कोकण : मोखेडा २३. 

मध्य महाराष्ट्र : कर्जत ५५, पारनेर ३८, धुळे ५६, साक्री २६, कळवण २७, नाशिक ४२, सिन्नर ३८, खटाव ३४, 

मराठवाडा : अंबाजोगाई ७३, बीड २३, गेवराई २८, माजलगाव ४०, हिमायतनगर ४१, कंधार ४५, लोहा ३७, नांदेड २०, कळंब २०, मानवत ३८, पालम ३०, परभणी २९, पुर्णा २६.

विदर्भ : देऊळगाव २०. 

मॉन्सूनचा परतीचा प्रवास गुरुवारपासून
पश्चिम राजस्थानसह उत्तरेकडील राज्यात पावसाने उघडीप दिली आहे. हवामान कोरडे झाल्याने नैऋत्य मोसमी वाऱ्यांच्या (मॉन्सून) परतीसाठी पोषक स्थिती तयार झाली आहे. गुरुवारपासून (ता. १०) मॉन्सूनचा परतीचा प्रवासाला निघण्याची शक्यता आहे. १४ ऑक्टोबरपर्यंत देशाच्या वायव्य आणि मध्य भारतातील बहुतांशी भागातून मॉन्सून काढता पाय घेईल, असेही हवामान विभागाने स्पष्ट केले आहे. तर महाराष्ट्रातून साधारणत: २० ऑक्टोबरपर्यंत मॉन्सून परतण्याचे संकेत आहेत. 

. . . . . .

इतर बातम्या
वऱ्हाडात टेक्स्टटाइल, अन्न प्रक्रिया...अकोला  ः विदर्भातील वऱ्हाड हा भाग...
येतो मी... मॉन्सूनने घेतला देशाचा निरोप...पुणे : नैर्ऋत्य मोसमी वाऱ्यांनी (मॉन्सून) बुधवारी...
दूध पावडर निर्यात अनुदान नाकारल्याने...पुणे : निर्यात केलेल्या दूध पावडरला प्रोत्साहन...
उर्वरित विमा रक्‍कम द्या देण्याचे...जामखेड, जि. जालना  : विमासंरक्षित रकमेनुसार...
लातूर, उस्मानाबाद, नांदेड, हिंगोली,...उस्मानाबाद : मराठवाड्यातील लातूर, उस्मानाबाद...
सरपंच, उपसरपंचांचे  मानधन आता ऑनलाइन पुणे : राज्यातील सर्व सरपंच, उपसरपंचांचे मानधन...
राजापुरात भातावर लष्करी अळीरत्नागिरी : राजापूर तालुक्यात परिपक्व झालेल्या...
मॉन्सून आज घेणार महाराष्ट्राचा निरोपपुणे : नैर्ऋत्य मोसमी वाऱ्यांनी (मॉन्सून)...
धुळे : कांदा दरप्रश्‍नी शेतकरी संघटनेचे...धुळे  ः कांद्याचे दर बऱ्यापैकी वाढल्याने...
शिराळा तालुक्यात भाताचे उत्पादन २०...सांगली : शिराळा पश्‍चिम भाग हा भातपिकाचे माहेरघर...
शेतकऱ्यांना दरवर्षी दहा हजार देणारच :...इस्लामपूर, जि. सांगली  : ‘‘ गेल्या पाच...
पूरग्रस्तांच्या मदतीसाठी आचारसंहितेची...सोलापूर : सांगली, सातारा, कोल्हापूर, सोलापूरसह २५...
‘ऑक्टोबर हीट’ने महाराष्ट्र तापला पुणे : पावसाच्या उघडिपीनंतर राज्यात ‘ऑक्टोबर हीट’...
उत्पादन खर्चावर आधारित दर हवेत :...भारत हा शेतीप्रधान देश असे आपण म्हणत असतो. मात्र...
शेतकऱ्यांचा सातबारा कोरा करणारच : उध्दव...सोलापूर : ‘‘शिवसेना बोलते ते करते, आम्ही...
अकोला जिल्ह्यात शासनाच्या हमीभाव...अकोला ः शेतमालाला किमान आधारभूत किंमत मिळवून...
पीकविम्याबाबत असुरक्षिततेचीच भावना...केंद्र सरकारने मोठा गाजा-वाजा करीत जाहीर केलेल्या...
`चासकमान`मधील आवर्तन तब्बल ८९...चास, जि. पुणे  ः चासकमान (ता. खेड) धरणातून...
पाण्याची कार्यक्षमता वाढविण्यावर भर...आपला देश सध्या आर्थिक संकटातून जात आहे. हे संकट...
परभणीत सरासरीपेक्षा जास्त क्षेत्रावर...परभणी : जिल्ह्यातील यंदाच्या रब्बी हंगामातील...