agriculture news in Marathi heavy rain possibility in several places Maharashtra | Agrowon

काही ठिकाणी जोरदार सरी

टीम अॅग्रोवन
रविवार, 25 ऑक्टोबर 2020

राज्यातील काही भागांत पावसाचा जोर कमी झाला आहे. मात्र, मध्य महाराष्ट्रातील नगर, पुणे, सातारा, कोल्हापूर जिल्ह्यात काही ठिकाणी पावसाने हजेरी लावली आहे. 

पुणे ः राज्यातील काही भागांत पावसाचा जोर कमी झाला आहे. मात्र, मध्य महाराष्ट्रातील नगर, पुणे, सातारा, कोल्हापूर जिल्ह्यात काही ठिकाणी पावसाने हजेरी लावली आहे. कोकणातही हलक्या सरी पडत आहे. तर मराठवाडा व विदर्भात पावसाने काहीशी उघडीप दिली आहे. मध्य महाराष्ट्रात सततच्या पावसाने नुकसानीत वाढ होत आहे. 

गेल्या पंधरा ते वीस दिवसांपासून परतीच्या पावसाने चांगलाच धुमाकूळ घातला. सोयाबीन, कांदा, बाजरी पिके सडल्यात जमा झाली आहेत. ऊस पिकेही आडवी झाल्याने वजन कमी होण्यास सुरूवात झाली आहे. शेतातील पाणी अजूनही कमी न झाल्याने पिके पूर्णता वाया गेली आहेत. ज्या ठिकाणी पावसाने उघडीप दिली आहेत. तेथे भात काढणीला सुरूवात झाली असली तरी तुरळक ठिकाणी होत असलेल्या पावसाने भात कामे खोळंबत आहे. अनेक भागांत भात काढणी केलेली पिके पाण्यातच असल्याचे चित्र आहे. 

मध्य महाराष्ट्रातील अनेक भागांत पावसाने शुक्रवारी (ता.२३) सायंकाळी चांगलीच हजेरी लावली. इंदापूर, राजगुरुनगर येथे ४६ मिलिमीटर पाऊस पडल्याची नोंद झाली आहे. तर नगरमधील श्रीगोंदा येथेही जोरदार पाऊस पडला. कोल्हापूर, सातारा, सांगली भागातही पावसाच्या बऱ्यापैकी सरी पडल्या. मराठवाडा व विदर्भात पावसाचा जोर ओसरला आहे. हलक्या जमीनी असलेल्या भागात वाफसा येत असल्याने शेती कामांना वेग येत आहे. त्यामुळे शेतात बाजरी, सोयाबीन, कापूस पिकांची काढणी सुरू आहे. 

विदर्भात गेल्या आठवड्यापासून पाऊस नसल्याने रब्बी हंगामाची तयारी वेगाने सुरू आहे. काही ठिकाणी रब्बी ज्वारीच्या पेरण्या झाल्या. पाऊस नसल्याने ओढे, नाल्यातील पाण्याचा प्रवाह कमी झाल्याने धरणातील पाण्याचा विसर्ग बंद केल्या असून पाण्याची स्थिती स्थिर झाली आहे. 

शनिवारी (ता.२४) सकाळी आठ वाजेपर्यंत झालेला पाऊस (मिलिमीटर) स्त्रोतः हवामान विभाग 
कोकण : सावंतवाडी १०. 
मध्य महाराष्ट्र : श्रीगोंदा २३, राधानगरी २६, निफाड १३.४, येवला ३०, बारामती १७.६, भोर ६५, इंदापूर ४६, राजगुरुनगर ४६, शिराळा ३२. दहीवडी ३५, कराड २९, खटाव २४.३, सातारा १३.९. 
मराठवाडा ः पैठण १६. 
 


इतर बातम्या
महाटीत उपसरपंचपदासाठी साडेदहा लाखांची...नांदेड ः ग्रामपंचायत निवडणुकीपूर्वी उपसरपंचपदाचा...
राज्यात शनिवारपासून ‘जनप्रबोधन यात्रा’नगर/पुणे ः शेतकरी आत्महत्येला कारणीभूत असलेल्या...
फळांपासून वाइननिर्मितीसाठी महाराष्ट्र...नाशिक : द्राक्षाबरोबर डाळिंब, जांभूळ,...
सोलापूर जिल्ह्यात ऊसदरासाठी शेतकरी...सोलापूर ः सोलापूर जिल्ह्यातील सर्व कारखानदार...
शेतकऱ्याने १८ एकरांतील कपाशीत घातली...अकोला ः जिल्ह्यातील कापूस क्षेत्र यंदा बोंड अळीने...
गोदावरी खोरे सिंचन आराखडा सरकारने...नांदेड : आपल्या शासनाच्या काळात मराठवाड्यातील...
शिराळा तालुक्यात गुऱ्हाळघरांना उशिरा...सांगली ः शिराळा तालुक्यात यंदा गूळ उत्पादनाचा...
केंद्रीय पथकाकडून कापूस पिकाची पाहणीआरेगाव, यवतमाळ ः गुलाबी बोंड अळीचा प्रादुर्भाव...
नाशिक बाजार समितीत व्यापाऱ्याकडून...नाशिक : येथील कृषी उत्पन्न बाजार समितीत...
धान उत्पादकांना प्रतिक्विंटल सातशे...मुंबई: आधारभूत किंमत खरेदी योजनेअंतर्गत खरीप पणन...
पंढरपुरात कार्तिकी वारीचा उद्या मुख्य...सोलापूर: कार्तिकी वारी यात्रेचा मुख्य सोहळा उद्या...
‘सौर कृषिपंपा’चा लक्ष्यांक संपल्याने...पुणे : मुख्यमंत्री सौर कृषिपंप योजनेसाठी मोठ्या...
आंतरराष्ट्रीय बाजारात साखरेला दराचा...कोल्हापूर : आंतरराष्ट्रीय बाजारात गेल्या पंधरा...
मराठवाडा, विदर्भात हलक्या पावसाची शक्यतापुणे ः बंगालच्या उपसागराच्या नैर्ऋत्य भागात ‘...
पीककर्जाची प्रकरणे तत्काळ मार्गी लावा...नाशिक ः ‘‘छत्रपती शिवाजी महाराज सन्मान...
नाशिक जिल्ह्यातील कांद्याच्या दरात...नाशिक : सोमवारी (ता. २३) जिल्ह्यातील प्रमुख बाजार...
कुरखेड्यात ‘महावितरण’वर शेतकऱ्यांचा...गडचिरोली : कृषी पंपाच्या फिडरवर सुरू असलेले...
बुलडाणा जिल्ह्यात गुलाबी बोंडअळीने...बुलडाणा : जिल्ह्यात सुमारे १७४ गावांत गुलाबी...
मठपिंपळगाव-गोलापांगरीत द्राक्षात खर्च,...अंबड, जि. जालना : मठपिंपळगाव-गोलापांगरी परिसरातील...
`नांदेड जिल्ह्यातील नुकसानग्रस्तांना...नांदेड : अतिवृष्टी तसेच परतीच्या पावसामुळे...