सोमवारपर्यंत ठिकठिकाणी मुसळधार पावसाचा अंदाज 

पुणे : गेल्या काही दिवसांपासून कोकणासह, मध्य महाराष्ट्र, मराठवाड्यात जोरदार पाऊस पडत आहे. सोमवारपर्यंत कोकण, मध्य महाराष्ट्र व विदर्भात काही ठिकाणी जोरदार पाऊस पडण्याची शक्यता आहे. त्यानंतर पावसाचा जोर काहीसा कमी होण्याचा अंदाज आहे. आज (ता. २३) आणि उद्या (ता. २४) कोकण, पुणे, सातारा, कोल्हापूर जिल्ह्यांना आँरेज अलर्ट हवामान विभागाने दिला आहे. 

अरबी समुद्रात पश्‍चिम किनारपट्टीला समांतर असलेला हवेचा कमी दाबाचा पट्टा दक्षिण गुजरातपासून कर्नाटकपर्यंत विस्तारला आहे. या पट्ट्याची तीव्रता कमी होऊ लागल्याने कोकणातील पावसाचा प्रभाव काहीसा कमी होण्याची स्थिती आहे. तर फिरोजपूर, रोहतक, अलिगड, चुर्क, रांची बालासोर या भागात मॉन्सूनचा ट्रफ असून, बंगाल उपसागराच्या वायव्य भागात तीव्र कमी दाबाचे क्षेत्र सक्रिय होण्याचे संकेत आहेत. ही स्थिती समुद्रसपाटीपासून ९०० मीटर उंचीवर आहे. ही पोषक ठरल्याने कोकण, घाटमाथा, मध्य महाराष्ट्र, मराठवाड्यात दोन ते तीन दिवस पावसाचा जोर कायम राहणार आहे. 

सध्या राज्यात सर्वदूर हलका पाऊस पडत आहे. कोकणात मुसळधार पाऊस बरसत आहे. त्यामुळे हवेत गारवा तयार झाला आहे. कमाल तापमानात सरासरीच्या तुलनेत पाच अंश सेल्सिअसपर्यंत घट झाली आहे. गुरुवारी (ता.२२) सकाळी आठ वाजेपर्यंत जळगाव येथे ३० अंश सेल्सिअस एवढ्या कमाल तापमानाची नोंद झाली.  येथे होणार जोरदार पाऊस  शुक्रवार ः संपूर्ण कोकण, पुणे, सातारा, कोल्हापूर, वाशीम, चंद्रपूर, वर्धा, यवतमाळ.  शनिवार ः संपूर्ण कोकण, पुणे, सातारा, कोल्हापूर, अकोला, अमरावती.  रविवार ः ठाणे, रत्नागिरी, सिंधुदुर्ग, पुणे, सातारा, कोल्हापूर.  सोमवार ः रायगड, रत्नागिरी, सिंधुदुर्ग.  राज्यातील प्रमुख शहरांमध्ये गुरुवारी (ता. २२) सकाळी आठ वाजेपर्यंत नोंदवले गेलेले कमाल तापमान (अंश सेल्सिअसमध्ये) कंसात सरासरीच्या तुलनेत झालेली वाढ :