वादळी पावसाचा मंगळवारपासून अंदाज

बंगालच्या उपसागरावरून होत असलेल्या बाष्पाच्या पुरवठ्यामुळे राज्यात पूर्वमोसमी पावसाला पोषक हवामान आहे.
वादळी पावसाचा मंगळवारपासून अंदाज
वादळी पावसाचा मंगळवारपासून अंदाज

पुणे: बंगालच्या उपसागरावरून होत असलेल्या बाष्पाच्या पुरवठ्यामुळे राज्यात पूर्वमोसमी पावसाला पोषक हवामान आहे. मंगळवारपासून (ता. २४) राज्यात वादळी पावसाचा अंदाज आहे. जोरदार वारे, वावटळी, मेघगर्जनेसह तुरळक ठिकाणी गारपीट होण्याचा इशारा हवामान विभागाने दिला आहे. यातच कमाल तापमान पस्तिशीपार गेल्याने उन्हाचा चटकाही असह्य होऊ लागला आहे. उन्हाचा ताप वाढल्याने शनिवारी (ता. २१) सकाळपर्यंतच्या २४ तासांमध्ये सोलापूर येथे उच्चांकी ३७.९ अंश सेल्सिअस तापमानाची नोंद झाली. मालेगाव, सांगली, परभणी, अकोला येथे ३७ अंशांपेक्षा अधिक, धुळे, अमरावती, चंद्रपूर येथे ३६ अंशापेक्षा अधिक, तर जळगाव, कोल्हापूर, सातारा, नांदेड, नागपूर, वर्धा येथे तापमान ३५ अंशांच्या पुढे गेले आहे. किमान तापमानातही चढ-उतार सुरूच असून, निफाड येथे नीचांकी ११.२ अंशा सेल्सिअस तापमानाची नोंद झाली.   बंगालच्या उपसागरात केंद्रभागी अधिक दाब असलेली चक्राकार वाऱ्यांची स्थिती आहे. यामुळे गेल्या काही दिवसांपासून पूर्व आणि मध्य भारतात सातत्याने बाष्पाचा पुरवठा होत आहे. पश्‍चिम विदर्भापासून तमिळनाडूपर्यंत हवेचा कमी दाबाचा पट्टाही सक्रिय आहे. मंगळवारपर्यंत राज्यात उन्हाच्या झळा वाढणार असून, ढगाळ व दमट हवामानाची शक्यता हवामान विभागाने वर्तविली आहे.  शनिवारी (ता. २१) सकाळपर्यंतच्या २४ तासांमध्ये राज्यातील विविध ठिकाणचे किमाल व किमान (कंसात) तापमान, (अंश सेल्सिअसमध्ये) : पुणे ३४ (१४.२), धुळे ३६ (१२.६), जळगाव ३५ (१६.०), कोल्हापूर ३५.६ (२०.५), महाबळेश्‍वर ३०.१ (१६.४), मालेगाव ३७ (१७), नाशिक ३१.८ (१५.४), निफाड ३० (११.२), सांगली ३७ (१७.३), सातारा ३५.५ (१५.८), सोलापूर ३७.९ (२२.२), अलिबाग ३०.२ (२०.१), डहाणू ३०.४ (२१.६), सांताक्रूझ ३१.७ (२०.२), रत्नागिरी ३४.३ (२०.६), औरंगाबाद ३४.६ (१५.७), परभणी ३७.१(१८.२), नांदेड ३५.५ (२१.५), अकोला ३७.५ (१८.५), अमरावती ३६.४ (१८.८), बुलडाणा ३४.२ (१८.६), चंद्रपूर ३६.५ (२०.५), गोंदिया ३१.२ (१८.८), नागपूर ३५.२ (१९.२), वर्धा ३५.५ (१९.८).

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com