agriculture news in Marathi heavy rain possibility in state from today Maharashtra | Agrowon

राज्यात आजपासून वादळी पावसाचा अंदाज

टीम अॅग्रोवन
मंगळवार, 24 मार्च 2020

राज्यात पूर्वमोसमी पावसाला पोषक हवामान असल्याने आज (ता. २४) दुपारनंतर आकाशात ढग दाटून येत वादळी वाऱ्यासह पावसाचा अंदाज आहे.

पुणे: राज्यात पूर्वमोसमी पावसाला पोषक हवामान असल्याने आज (ता. २४) दुपारनंतर आकाशात ढग दाटून येत वादळी वाऱ्यासह पावसाचा अंदाज आहे. मध्य महाराष्ट्र, मराठवाड्यात गारपीट होण्याचा इशाराही हवामान विभागाने दिला आहे. राज्यात उन्हाचा चटका वाढला असून, कमाल तापमानातही वाढ होत आहे.

बंगालच्या उपसागरावरून होत असलेला बाष्पाचा पुरवठा, विदर्भापासून तमिळनाडूपर्यंत असलेली खंडित वाऱ्यांची स्थिती, यामुळे राज्यात वादळी पावसाची शक्यता आहे. अनेक भागांत जोरदार वारे, विजा, मेघगर्जनेसह पाऊस पडण्याचा अंदाज आहे. तर मध्य महाराष्ट्रातील नगर, कोल्हापूर, सांगली, सातारा, सोलापूर, मराठवाड्यातील उस्मानाबाद, औरंगाबाद, जालना, बीड, लातूर, नांदेड, परभणी, हिंगोली जिल्ह्यांत गारपीट होण्याचा इशारा आहे. तर विदर्भातही मेघगर्जना, विजांसह पाऊस पडण्याचा अंदाज आहे.  

राज्याच्या तापमानात चांगलीच वाढ झाली आहे. सोमवारी (ता. २४) सकाळपर्यंतच्या २४ तासांमध्ये सोलापूर येथे उच्चांकी ३८.१ अंश सेल्सिअस तापमानाची नोंद झाली. तर, बहुतांश ठिकाणी तापमानाचा पारा ३५ ते ३६ अंशांदरम्यान असल्याने उन्हाच्या झळा तीव्र झाल्या आहेत. अंशत: ढगाळ हवामानामुळे राज्याच्या उकाड्यात वाढ होऊन घामाच्या धारा वाहू लागल्या आहेत. पावसाळी वातावरणामुळे तापमानात चढ-उतार होण्याची शक्यता आहे.

सोमवारी (ता. २३) सकाळपर्यंतच्या २४ तासांमध्ये राज्यातील विविध ठिकाणचे किमाल व किमान (कंसात) तापमान, (अंश सेल्सिअसमध्ये) : पुणे ३६.२ (१७.६), धुळे ३५.८ (१६.०), जळगाव ३६.४ (१७.०), कोल्हापूर ३६.७ (२१.९), महाबळेश्‍वर ३१.६ (१८.४), मालेगाव ३६.० (२१.२), नाशिक ३४.९ (१९.८), निफाड ३४.० (१३.२), सांगली ३७.८ (२०.६), सातारा ३६.६ (१८.५), सोलापूर ३८.१ (२१.५), अलिबाग २९.२ (२१.८), डहाणू ३१.५ (२३.०), सांताक्रूझ ३१.९ (२३.२), रत्नागिरी ३२.३ (२२.९), औरंगाबाद ३५.३ (२०.८), परभणी ३७.६ (१८.९), अकोला ३७.३ (१९.१), अमरावती ३६.६ (१९.६), बुलडाणा ३४.४ (२१.२), चंद्रपूर (२०.०), गोंदिया ३२.५ (१९.३), नागपूर ३६.५ (१६.५), वर्धा ३६.४ (१९.९).


इतर अॅग्रो विशेष
राज्यात कोरोना रुग्णसंख्या ७४८;...मुंबई : राज्यातील कोरोनाचा विळखा वाढत चालला...
केंद्र सरकारकडून रासायनिक खत अनुदानात...पुणे: ऐन लॉकडाऊनच्या गोंधळात केंद्र सरकारने...
शेतकरी कंपन्यांची संकलन केंद्रे...पुणे:  ‘ई-नाम’ प्रणालीत गेल्या दोन...
कोरोनामुळे हापूस अडचणीत; मुंबई बाजार...मुंबई : मुंबई कृषी उत्पन्न बाजार समितीच्या वाशी...
कोरोनामुळे ‘टोमॅटो बेल्ट’ लॉकडाऊन; पुणे...पुणेः गेल्या काही वर्षात जिल्‍ह्यातील जुन्नर, खेड...
कोल्हापूर कृषी महाविद्यालयाकडून...कोल्हापूर : येथील कोल्हापूर कृषी महाविद्यालयाच्या...
राज्यात उष्ण, दमट हवामानाचा अंदाज;...पुणे : तापमानाचा पारा चाळीशी पार गेल्याने उन्हाचा...
राज्यात आत्तापर्यंत तेरा हजार टन...नगर ः कोरोना संसर्गाच्या पार्श्‍वभूमीवर...
प्रयोगशीलतेतून मिळवले आर्थिक स्थैर्यनाशिक जिल्ह्यातील आडगाव येथील शिवाजी शंकर देशमुख...
...शेतकरी मात्र 'फार्म क्वाॅरंटाइन' !सांगली : कोरोनाने सर्वांची झोप उडाली आहे. संपूर्ण...
केसरची चव यंदा दुर्मिळ; संकटांमुळे आंबा...औरंगाबाद: यंदा बहुतांश आंबा बागांना मोजकाच मोहर...
राज्यातील कोरोना बाधित रुग्णांची संख्या...मुंबई : राज्यात कोरोनाबाधित १४५ नवीन रुग्णांची आज...
दूध भुकटी योजनेसाठी १८७ कोटी मंजूर मुंबई: कोरोना विषाणूमुळे उद्भवलेल्या विपरीत...
फळे, भाजीपाला थेट विक्रीसाठी ...नगर : फळे, भाजीपाला विक्रीसाठी नगर जिल्ह्यामधील...
पहिल्याच दिवशी २६० किलो मोसंबी वाजवी...औरंगाबाद : आधी बागवानाने मागितली तेव्हा दिली नाही...
कृषी उत्पादनांसह निर्धारीत अत्यावश्‍यक...नवी दिल्ली: देशात कोरोना विषाणूचा प्रसार...
समाजविघातक वृत्तींवर कडक कायदेशीर...मुंबई: कृपा करून शिस्त पाळा, सहकार्य करा असे मी...
शेती अवजारे, स्पेअरपार्टस् दुकानांना...नवी दिल्ली: केंद्रीय गृहमंत्रालयाने शुक्रवारी (ता...
मराठवाड्यात आजही वादळी पावसाची शक्यता पुणे: उन्हाचा ताप वाढल्याने सोलापूर, मालेगाव,...
करडई संशोधन प्रकल्‍पास मान्यता परभणी: वसंतराव नाईक मराठवाडा कृषी विद्यापीठातील...