agriculture news in Marathi heavy rain prediction in Vidarbha Maharashtra | Page 3 ||| Agrowon

विदर्भात मुसळधारेची शक्यता 

टीम अॅग्रोवन
शुक्रवार, 18 जून 2021

उत्तरेकडे मॉन्सून गेल्यानंतर राज्यातील बहुतांशी भागात बदल होत आहे. कोकणातील पावसाचा प्रभाव कमी होणार असून, मध्य महाराष्ट्र, मराठवाड्यात पावसाची शक्यता कमी आहे.

पुणे : उत्तरेकडे मॉन्सून गेल्यानंतर राज्यातील बहुतांशी भागात बदल होत आहे. कोकणातील पावसाचा प्रभाव कमी होणार असून, मध्य महाराष्ट्र, मराठवाड्यात पावसाची शक्यता कमी आहे. विदर्भात पावसाचा जोर वाढणार असून, काही ठिकाणी मेघगर्नजेसह जोरदार पावसाचा अंदाज हवामान विभागाच्या सूत्रांनी वर्तविला. 

सध्या मध्य महाराष्ट्रातील काही भागांत ढगाळ वातावरण आहे. तर कोकण व विदर्भाच्या काही भागांत मध्यम ते जोरदार स्वरूपाचा पाऊस पडत आहे. मराठवाड्यात पावसाची उघडीप असून तापमानात काहीशी वाढ झाली आहे. कोकण व मध्य महाराष्ट्रातील तापमानात सरासरीच्या तुलनेत चार अंश सेल्सिअसपर्यंत घट झाली आहे. त्यामुळे तापमानाचा पारा १९.५ अंश सेल्सिअसपर्यंत खाली आला आहे. गुरुवारी (ता.१७) सकाळच्या आठ वाजेपर्यंत खानदेशातील जळगाव येथे ३९ अंश सेल्सिअस कमाल तापमानाची नोंद झाली. 

कोकणात होत असलेल्या पावसामुळे कमाल तापमान २६ ते ३३ अंश सेल्सिअसच्या दरम्यान होते. मध्य महाराष्ट्रातही तापमानात सरासरीच्या तुलनेत दोन ते तीन अंश सेल्सिअसने घट झाली आहे. कमाल तापमानाबरोबर किमान तापमानही किंचित कमी झाले आहे. या भागात १९ ते ३९ अंश सेल्सिअसच्या दरम्यान कमाल तापमान होते. मराठवाड्यातही तापमान ३३ ते ३५ अंश सेल्सिअस, तर विदर्भात ३२ ते ३५ अंश सेल्सिअसच्या दरम्यान होते. 

मॉन्सूनला पोषक वातावरण 
उत्तर भारतात मॉन्सून पोषक वातावरण नसल्याने तीन दिवसांपासून रेंगाळला आहे. मात्र गुजरात व उत्तर प्रदेशच्या काही भागांत पुढे सरकण्यासाठी पोषक वातावरण तयार होत आहे. एक ते दोन दिवसांत या भागांत मॉन्सून हळूहळू सरकण्याचे संकेत हवामान विभागाच्या सूत्रांनी दिले. रविवारपासून मॉन्सून दीव, सुरत, नंदुरबार, भोपाळ, नाऊगाऊ, हमिरपूर, बाराबंकी, बरेली, शहारानपूर, अंबाला आणि अमृतसरच्या भागातच आहे. राजस्थान, गुजरात, पंजाब, हरियाना आणि दिल्ली भागांत अजूनही मॉन्सूनची प्रतीक्षा आहे. राजस्थानचा पूर्व भाग ते बंगालचा उपसागराचा वायव्य भाग या दरम्यान असलेल्या मध्य मध्य प्रदेश, उत्तर प्रदेशचा नैर्ऋत्य भाग, दक्षिण बिहार झारखंड, पश्‍चिम बंगाल या भागात गेल्या तीन दिवसांपासून कमी दाबाचा पट्टा सक्रिय आहे. तसेच उत्तर प्रदेशच्या पश्‍चिम भागात व परिसरात चक्रीय वाऱ्याची स्थिती आहे. 

या जिल्ह्यांमध्ये होणार पाऊस 
शुक्रवार ः
मुंबई, ठाणे, पालघर, रायगड, रत्नागिरी, सिंधुदुर्ग, पुणे, सातारा, कोल्हापूर, संपूर्ण विदर्भ 
शनिवार ः मुंबई, ठाणे, पालघर, रायगड, रत्नागिरी, सिंधुदुर्ग, पुणे, सातारा, कोल्हापूर, संपूर्ण विदर्भ 
रविवार ः रत्नागिरी, सिंधुदुर्ग, संपूर्ण विदर्भ 
सोमवार ः रत्नागिरी, सिंधुदुर्ग, भंडारा, चंद्रपूर, गडचिरोली, गोंदिया, नागपूर, 

गुरुवारी (ता.१७) सकाळपर्यंतच्या २४ तासांत विविध शहरांतील कमाल तापमान (अंश सेल्सअसमध्ये) 

  • मुंबई (सांताक्रूझ) २९.५ 
  • अलिबाग - २६.४ 
  • रत्नागिरी - २७.७ 
  • डहाणू - ३३.१ 
  • पुणे - २८.१ 
  • जळगाव -- ३९ 
  • कोल्हापूर - २५.६ 
  • महाबळेश्‍वर - १९.५ 
  • मालेगाव - ३६.८ 
  • नाशिक - २९.५ 
  • सांगली - २७.४ 
  • सातारा - २६.४ 
  • सोलापूर - ३२.८ 
  • औरंगाबाद - ३३ 
  • परभणी -- ३५.१ 
  • बीड -- ३५ 
  • अकोला - ३५.७ 
  • अमरावती - ३४.४ 
  • बुलडाणा - ३५.० 
  • ब्रह्मपुरी - ३४.७ 
  • चंद्रपूर - ३२.८ 
  • गोंदिया - ३३.५ 
  • नागपूर - ३५ 
  • वर्धा - ३५.८ 

इतर अॅग्रो विशेष
पूर परिस्थितीवर मात करण्यासाठी यापुढे...कोल्हापूर : सातत्याने निर्माण होणाऱ्या पूर...
दोष पीकविमा कंपन्यांचा, रोष आमच्यावर;...पुणे ः पीकविमा योजनेचे कंत्राट मिळवलेल्या खासगी...
दिवेकर, ताटेंसह १४ कृषी उपसंचालकांच्या...पुणे ः राज्याच्या कृषी आयुक्तालयातील ठिबक कक्षाचे...
मध्य महाराष्ट्र, कोकण, घाटमाथ्यावर हलका...पुणे : राज्यातील धरणक्षेत्रात पावसाचा जोर कमी...
पीकविमा तक्रार निवारण व्यवस्थेचे तीन...पुणे ः पंतप्रधान पीकविमा योजनेबाबत समस्या किंवा...
यवतमाळ जिल्ह्यात वाघांची संख्या वीस यवतमाळ : वनसंपदेने नटलेल्या यवतमाळ जिल्ह्यात...
बावीस जिल्ह्यांत उभारणार तेलघाणे नागपूर ः विदर्भात तेलबियावर्गीय पिकांना...
सोयाबीन पिकाची किडीकडून चाळणआर्णी, जि. यवतमाळ : तालुक्यातील लोणी येथील...
‘आयटी’ मित्रांची शेती व्यवस्थापन कंपनीतुमची शेती आमच्यावर सोपवा, आम्ही आधुनिक...
लवांडे यांनी उभारली चारा पिकांची...फत्तेपूर (जि.. नगर) येथील अल्पभूधारक सोमेश्वर...
‘एफपीओं’ना बनवा अधिक कार्यक्षमशेतीसाठीच्या सध्याच्या अत्यंत प्रतिकूल अशा...
विदर्भ, कोकण, मध्य महाराष्ट्रात हलक्या...पुणे : बंगालच्या उपसागरातील कमी दाब क्षेत्रामुळे...
नुकसानीच्या दोन लाखांहून अधिक सूचना...पुणे ः राज्यभर कृषी विभागाच्या कार्यालयांमध्ये...
विमा कंपन्यांच्या नफेखोरीला सरकारी...पुणे ः पंतप्रधान पीकविमा योजनेचा कारभार गेल्या...
राज्यात हलका, मध्यम पावसाची हजेरी पुणे : गेल्या पाच ते सहा दिवसांपासून पावसाने...
महाराष्ट्र सेंद्रिय प्रमाणीकरण यंत्रणा...मुंबई : महाराष्ट्र सेंद्रिय प्रमाणीकरण यंत्रणेची...
केबल शेडनेटला आता अनुदान पुणे ः राज्याच्या संरक्षित शेतीला चालना...
शेळीपालनापाठोपाठ घरालाही दिले ‘ॲग्रोवन...औरंगाबाद : शेतकऱ्याचं ‘ॲग्रोवन’वरचं प्रेम पुन्हा...
शेतकरी कंपन्यांसाठी २०० कॉपशॉप साकारणार पुणे : राज्यातील शेतकरी उत्पादक कंपन्यांना...
एकोप्याच्या बळावर बदलले वडगाव गुप्ताचे...दुष्काळाशी संघर्ष करणाऱ्या वडगाव गुप्ता (ता. जि....