agriculture news in Marathi, heavy rain in ratnagiri, Maharashtra | Agrowon

रत्नागिरीत मुसळधार पाऊस

टीम अॅग्रोवन
बुधवार, 24 जुलै 2019

रत्नागिरी: मुसळधार पावसाने रत्नागिरीत कहर केला असून, ठिकठिकाणी पाणी भरले आहे. तालुक्यातील केळेये-मजगाव पुलावरून पाणी गेल्यामुळे वाहतूक कोंडी झाली आहे. रत्नागिरी शहरातही पावसाचे ठिकठिकाणी साचले आहे. गणपतीपुळे-मालगुंड येथे घरात पाणी शिरल्यामुळे मोठे नुकसान झाले आहे. धामणसे-ओरी आणि केळ्ये येथे रस्ता खचल्याने वाहतूक खंडित झाली आहे.

रत्नागिरी: मुसळधार पावसाने रत्नागिरीत कहर केला असून, ठिकठिकाणी पाणी भरले आहे. तालुक्यातील केळेये-मजगाव पुलावरून पाणी गेल्यामुळे वाहतूक कोंडी झाली आहे. रत्नागिरी शहरातही पावसाचे ठिकठिकाणी साचले आहे. गणपतीपुळे-मालगुंड येथे घरात पाणी शिरल्यामुळे मोठे नुकसान झाले आहे. धामणसे-ओरी आणि केळ्ये येथे रस्ता खचल्याने वाहतूक खंडित झाली आहे.

मंगळवारी (ता. २३) सकाळी ८.३० वाजेपर्यंतच्या चोवीस तासांत जिल्ह्यात सरासरी ९९.८९ मिमी पावसाची नोंद झाली. त्यात मंडणगड १८, दापोली १०१, खेड १८, गुहागर ११६, चिपळूण १९, संगमेश्‍वर ४७, रत्नागिरी २१२, लांजा ११७, राजापूर २५१ मि.मी.ची नोंद झाली आहे. जिल्ह्याच्या दक्षिण भागात सोमवारपासून पावसाने कहर केला आहे. त्याचा सर्वाधिक फटका गणपतीपुळे - मालगुंड परिसराला बसला आहे. मालगुंड रहाटाघर येथे असणाऱ्या तीन घरांमध्ये पाणी शिरले असून, पूरजन्य परस्थिती निर्माण झाली आहे. घरातील वस्तूदेखील वाहून गेल्या आहेत. श्‍याम सुर्वे, रश्मी पाटील आणि हरिश्चंद्र मयेकर यांच्या घरात रात्री पाणी शिरले होते. 

मंगळवारीही पाऊस अधूनमधून पडत राहिल्यामुळे पाणी ओसरलेले नाही. त्यामुळे रात्रभर या पाण्यात इथल्या लोकांना राहावे लागले. लाखो रुपयांचे नुकसान झाले आहे. गणपतीपुळे खाडीचे पाणी पात्राबाहेर आल्याने सुर्वे यांच्या घरात पाणी शिरले. गणपतीपुळे मंदिराच्या बाहेरून असलेल्या प्रदक्षिणा मार्गावरील भिंत कोसळून १५ लाखांचे नुकसान झाले आहे. भिंतीची माती, दगड शेजारील दुकानावर कोसळली आहे. हा मार्ग सध्या बंद झाला आहे. या पावसामुळे सोमवारी रात्री मिरजोळे-पाटीलवाडी येथे पाणी भरले होते. शिळकडे जाणार मार्गही बंद झाला.

 पावसामुळे केळेये येथे नदीचे पाणी पुलावरून वाहत होते. गावात जाणारे ग्रामस्थ रात्रभर अडकून पडले होते. भांडरपुळे येथेही पाणी भरल्याने गणपतीपुळेकडे जाणार मार्ग बंद झाला होता. पावसाचा जोर ओसरल्यानंतर विस्कळित झालेले जनजीवन पूर्वपदावर आले. कुवारबाव येथेही मुख्य रस्त्यावर पाणी आल्याने वाहतुकीला अडथळा निर्माण झाला होता. केळ्ये येथील रस्ता खचला असून, वाहुकीत अडथळा निर्माण झाला आहे. धामणसे-ओरी येथे रस्तावर माती आली असून, तो मार्ग बंद ठेवण्यात आला आहे.
 


इतर अॅग्रो विशेष
मटण दरवाढीचा लाभ पशुपालकांना कधी?शेळीपालनाबरोबरच मेंढीपालनातही समस्यांचा ऊहापोह...
जैवविविधतेची नोंदणी गांभीर्याने घ्याराज्यातील खेड्यापाड्यांसह शहरांमध्ये असलेल्या...
‘पोकरा’अंतर्गत तांत्रिक सहकार्यासाठी...औरंगाबाद: नानाजी देशमुख कृषी संजीवनी प्रकल्पाच्या...
अनियमित थंडी ऊस रिकव्हरीच्या मुळावरकोल्हापूरः जानेवारीच्या पहिल्या आठवड्यातही ऊस...
देशात केवळ ३५ तेलबिया हबनिर्मितीनवी दिल्ली: देशातील तेलबिया उत्पादन वाढावे आणि...
राज्यात गारठा कमी, उकाडा वाढलापुणे : उत्तरेकडून येणाऱ्या थंड वाऱ्यांचे प्रवाह...
अलिबागचा पांढरा कांदा ‘जीआय’च्या वाटेवरपुणे : औषधी गुणधर्मांसाठी प्रसिद्ध असलेल्या...
बेकायदा विदेशी खत आयातीचे परवाने रद्दपुणे : विद्राव्य खतांची बेकायदा आयात व विक्री...
‘सुधाकर सीडलेस’ द्राक्ष वाणाचे...नाशिक : शिवडी (ता. निफाड) येथील शेतकरी सुधाकर...
यांत्रिकीरणातून शेती केली सुलभ,...नगर जिल्ह्यातील बेलापूर येथील बाळासाहेब मारुतराव...
चार आने की मुर्गी...केंद्र सरकारने मागील लोकसभा निवडणुकीच्या तोंडावर...
मटणाचे वाढते दर अन् शेळी-मेंढीपालन मागणी, पुरवठा आणि किंमत या बाबींच्या...
एरियल फवारणीसाठी हवी ‘सीआयबी’ची परवानगीनागपूर ः देशात एरियल (आकाशातून) फवारणीकामी...
कणेरी मठात ३० पासून राष्ट्रीय कृषी...कोल्हापूर : कणेरी (ता. करवीर) येथील सिद्धगिरी...
शेतकरी गट, ‘एफपीओ’ची सबलीकरणाची वाट अवघडऔरंगाबाद : गटशेती सबलीकरण योजनेंतर्गत निवडलेल्या...
‘स्मार्ट’ची तयारी पूर्ण; दिल्लीत होणार...पुणे : महाराष्ट्र राज्य कृषी व्यवसाय व ग्रामीण...
कृषी विज्ञान केंद्राच्या तंत्रज्ञान...सोलापूर ः ‘‘सोलापुरातील कृषी विज्ञान केंद्राच्या...
देशात यंदा कडधान्य आयात ४६ टक्के वाढलीनवी दिल्ली: देशात यंदा कडधान्य उत्पादन...
थंडी गायब; किमान तापमानात वाढ पुणे : उत्तरेकडून येणाऱ्या थंड वाऱ्यांचे प्रवाह...
हिंगणघाट झाले कापूस व्यवहाराचे ‘हब’कापूस प्रक्रिया उद्योगाचे जाळे विस्तारले गेल्याने...