agriculture news in marathi, heavy rain in Sangli, Ratnagiri, Sindhudurga | Agrowon

सांगली, रत्नागिरी, सिंधुदुर्गात मुसळधार

टीम अॅग्रोवन
मंगळवार, 6 ऑगस्ट 2019

सांगली : सांगलीत कृष्णा नदीच्या पाणीपातळीत वाढ झाली आहे. सोमवारी (ता. ५) दुपारी बारा वाजता आयर्विन पुलाजवळ पाण्याची पाण्याची पातळी ४५ फूट पाच इंच इतकी झाली. नदीने धोक्याची पातळी ओलांडली आहे. पुराचे पाणी शिवशंभू चौकात आल्यामुळे सांगली इस्लामपूर मार्ग सकाळपासून बंद करण्यात आला. कोयना आणि वारणा धरणांतून मोठ्या प्रमाणात पाण्याचा विसर्ग सुरू असल्याने महापुराचा धोका आणखी गडद झाला आहे. दुसरीकडे मुसळधार पावसाचा रत्नागिरी जिल्ह्यातील धुमाकूळ अजूनही सुरूच आहे. काजळी नदीच्या रौद्ररूपाने जुवे, हातीस, चांदेराई, पोमेंडी, सोमेश्‍वरला बसला.

सांगली : सांगलीत कृष्णा नदीच्या पाणीपातळीत वाढ झाली आहे. सोमवारी (ता. ५) दुपारी बारा वाजता आयर्विन पुलाजवळ पाण्याची पाण्याची पातळी ४५ फूट पाच इंच इतकी झाली. नदीने धोक्याची पातळी ओलांडली आहे. पुराचे पाणी शिवशंभू चौकात आल्यामुळे सांगली इस्लामपूर मार्ग सकाळपासून बंद करण्यात आला. कोयना आणि वारणा धरणांतून मोठ्या प्रमाणात पाण्याचा विसर्ग सुरू असल्याने महापुराचा धोका आणखी गडद झाला आहे. दुसरीकडे मुसळधार पावसाचा रत्नागिरी जिल्ह्यातील धुमाकूळ अजूनही सुरूच आहे. काजळी नदीच्या रौद्ररूपाने जुवे, हातीस, चांदेराई, पोमेंडी, सोमेश्‍वरला बसला. शेकडो घरात पाणी घुसले असून, त्यांना स्थलांतर करण्याची वेळ आली आहे. राजापूर, चिपळूण, संगमेश्‍वरमध्येही तीच परिस्थिती आहे. अनेक गावांचा संपर्क तुटला आहे. शेकडो एकर भातशेती पुराच्या पाण्याखाली गेली आहे. जिल्ह्यात मुसळधार पाऊस सुरूच असून, पूरसदृश स्थिती निर्माण झाली आहे. याशिवाय सिंधुदुर्ग आणि पश्‍चिम महाराष्ट्राचा संपर्क तुटण्याची शक्यता आहे. वादळी वाऱ्यांमुळे घरे, गोठे कोसळण्याचे प्रकार सुरू आहेत. मसुरे येथील जुवा बेटाला समुद्राच्या पाण्याने वेढले आहे. पश्‍चिम महाराष्ट्राला जोडणाऱ्या अनेक मार्गावरील वाहतूक ठप्प झाली आहे.

सांगलीत जनजीवन विस्कळित

प्रशासन आणि आपत्ती व्यवस्थापन यंत्रणेने नागरिकांना मदतकार्य सुरू केले आहे. त्यामुळे वारणा आणि कृष्णा नद्यांच्या पाणीपातळीत वाढ झाली असून, या भागातील जनजीवन विस्कळित झाले आहे. जिल्ह्यात राष्ट्रीय आपत्ती निवारण पथकाला पाचारण करण्यात आले आहे. 

चांदोली धरण क्षेत्रात पावसाचा जोर कमी नाही. धरणातील पाणीसाठा ३३.८८ टीएमसी झाला आहे. त्यामुळे धरणातून पाण्याचा विसर्ग वाढविण्यात आला आहे. वारणा आणि कृष्णा नद्यांनी रौद्र रूप धारण केले आहे. पिके पाण्याखाली गेली आहेत. जिल्हा प्रशासनाने महापुराच्या शक्यतेमुळे शाळांना सुटी दिली. कृष्णा नदीची पाणीपातळी धोक्याच्या पातळीवर पोचली. त्यामुळे दुपारनंतर पाणी आणखी काही उपनगरांमध्ये घुसण्याची शक्यता आहे. नदीच्या जवळ असलेल्या सिद्धार्थ परिसर राजीव गांधीनगर, मारुती चौक टिळक स्मारक चौक या भागाला पुराचा धोका निर्माण झाला आहे. 

मुसळधारेने रत्नागिरी जलमय

सोमवारी (ता. ५) सकाळी ८.३० वाजेपर्यंतच्या चोवीस तासांत जिल्ह्यात सरासरी १८१ मिमी पावसाची नोंद झाली आहे. त्यात मंडणगड १९०, दापोली १०७, खेड १६५, गुहागर १३२, चिपळूण २२०, संगमेश्‍वर १९९, रत्नागिरी २२७, लांजा २०९, राजापूर येथे १८० मिमी पावसाची नोंद झाली आहे. मुसळधार पावसामुळे पावसाने गतवर्षीची सरासरी ओलांडली आहे. रविवारचा पावसाचा जोर वादळी वाऱ्यासह सोमवारीही कायम होता. या पावसाने जिल्ह्यातील सगळ्याच मोठ्या नद्यांना पूर आले. रत्नागिरीसह आजूबाजूच्या जिल्ह्यातील पावसाने धुमाकूळ झाला आहे. कोयना धरणातील पाणी सातत्याने नदीपात्रात सोडण्यात आल्याने वाशिष्ठी नदीने रुद्रावतार धारण केला आहे. किनाऱ्या‍वरील भातशेती, पूल, रस्ते पाण्याखाली गेले. अनेक गावांचा शहराशी संपर्क तुटला आहे. काजळी नदी किनाऱ्यावरील साटवली, हरचिरी, चांदेराई, हातीस, पोमेंडी, सोमेश्‍वर येथील सुमारे पन्नास ते साठ घरांमध्ये पाणी भरले. हातीस येथील प्रसिद्ध दर्ग्यातही पाणी घुसले. त्यामुळे ग्रामस्थांचे प्रचंड हाल झाले. नदीकिनाऱ्यावरील भातशेतांमध्येही पाणी घुसल्याने मोठे नुकसान होण्याची भीती वर्तविण्यात आली आहे. रत्नागिरी तालुक्यात २००५ नंतर प्रथमच अशी पूरस्थिती निर्माण झाल्याचे सांगण्यात येत आहे.

साटवली (लांजा) येथे नदीचे पाणी घरात शिरले. चार घरे, एक मदरसा व एक दर्गा पाण्याने वेढला गेला. तेथील लोकांचे तात्पुरते स्थलांतर करण्यात आले. लांजा तालुक्यातील असोडे धरणाच्या दोन कॉलम वाहून गेले आहेत. अतिवृष्टीमुळे शीळ धरणाच्या येथे सांडव्याच्या डाव्या बाजूकडील ७० मीटर लांबीची संरक्षक भिंत पूर्णपणे कोसळली.

सिंधुदुर्गात पूरस्थिती; वाहतूक ठप्प

पावसामुळे भातशेती, बागायतीमध्ये पुराचे पाणी घुसून नुकसान झाले. दरम्यान कोकण रेल्वेमार्गावरील वाहतूक धीम्या गतीने सुरू आहे. जिल्ह्यात मुसळधार पाऊस सुरूच असून, सोमवारी (ता. ५)  सकाळपासून पावसाचा जोर आणखीनच वाढला आहे. त्यामुळे जिल्ह्यात पूरसदृश स्थिती निर्माण झाली आहे. जिल्ह्यातील अनेक पुलांवरून पाणी वाहत असल्यामुळे त्या मार्गावरील वाहतूक ठप्‍प करण्यात आली आहे. आंब्रड पुलावरूनदेखील पुराचे पाणी वाहत आहे. जिल्ह्यातून पश्‍चिम महाराष्ट्राला जाणाऱ्या तळेरे-कोल्हापूर, सांवतवाडी-कोल्हापूर, आंबोली-आजरा गडहिग्लंज या मार्गांवर पुराचे पाणी आल्यामुळे या मार्गांवरील वाहतूक ठप्प झाली आहे.
वादळी वाऱ्यांमुळे पडझडीचे प्रकार वाढीस लागले आहेत.

जिल्ह्यातील मुळदे, सडुरे, साळशी, माईण, आंब्रड या भागांतील काही घरे व गोठ्यांचे वादळामुळे नुकसान झाले आहे. वादळामुळे वेंगुर्ला तालुक्यातील आडेली-वेंगुर्ला रस्त्यावर झाड कोसळल्यामुळे मार्गावरील वाहतूक ठप्प झाली. वैभववाडी तालुक्यातील कुसूरमध्ये पूरसदृश स्थिती निर्माण झाली. कुसूरमध्ये भातशेतीमध्ये पुराचे पाणी घुसल्यामुळे शेतीचे नुकसान झाले आहे. मालवण, देवगड आणि वेंगुर्ला किनारपट्टीचा उधाणाचा धोका कायम आहे. 


इतर बातम्या
पीक व्यवस्थापनासाठी तंत्रज्ञानाची कास...औरंगाबाद ः यंदा मराठवाड्यात पाऊस नियमित आणि भरपूर...
नगर जिल्ह्यात सततच्या पावसाने मुगाचे...नगर  ः नगर जिल्ह्यात गेल्या काही दिवसापासून...
नांदेड जिल्ह्यात साडेसात लाख हेक्टरवर...नांदेड ः यंदा नांदेड जिल्ह्यातील खरिपाच्या पेरणी...
इर्व्हिनिया रॉट रोगाची केळी पिकात समस्या जळगाव ः जिल्ह्यात केळी पिकात...
`पोकरा`मधून शेतमजुरांना प्रशिक्षण द्याऔरंगाबाद: नानाजी देशमुख कृषी संजीवनी...
ऑगस्टमध्ये प्रथमच भरले सीना धरण नगर: दुष्काळी कर्जत, श्रीगोंदा आणि आष्टी...
कोल्हापूर : जनावरे बाजारातील...कोल्हापूर: `कोरोना’च्या पार्श्वभूमीवर लॉकडाउनमुळे...
साखर निर्यातवाढीसाठी केंद्राची ‘रॅपिड अ...कोल्हापूर: देशातून जास्तीत जास्त साखर निर्यात...
पुणे जिल्ह्यात भात लागवडीसाठी पट्टा...पुणे  ः चालू वर्षी खरीप हंगामात ड्रम सीडर...
दोंडाईचा मालधक्क्यावर अधिकाऱ्यांच्या...धुळे ः युरिया वितरणातील घोळ, शेतकऱ्यांच्या...
नगर जिल्ह्यात फळबाग लागवड वाढण्याचा...नगर  ः यंदा पाऊस चांगला, शिवाय मागील काही...
परभणीत सोळा हजार शेतकऱ्यांचे आधार...परभणी ः महात्मा जोतिराव फुले शेतकरी कर्जमुक्ती...
सोयाबीन बियाणेप्रकरणात शेतकऱ्यांना एक...अमरावती : विभागातील पाच जिल्ह्यांत सोयाबीन बियाणे...
कोल्हापुरात अर्धा टक्के शेतकऱ्यांनी ...कोल्हापूर : राज्यात पंतप्रधान पीक विमा योजनेला...
रत्नागिरी जिल्ह्यात पशुसंवर्धन विभागाची...रत्नागिरी  ः महात्मा गांधी राष्ट्रीय ग्रामीण...
‘ई-नाम’, शीतसाखळी बळकट करण्याची गरज;...पुणे: चीनशी व्यापारी संबंध डळमळीत झाल्यानंतर...
अकोला जिल्ह्यातील दोन लाखांवर ...अकोला  : जिल्ह्यात यंदाच्या खरीप हंगामात...
‘सिट्रस नेट’वर केवळ दोनशे शेतकऱ्यांची...नागपूर : प्रशासकीय यंत्रणांच्या उदासीनतेमुळे ‘...
मका खरेदी केंद्रांवर शेतकरी ठाण मांडून औरंगाबाद: हमीभावाने खरेदीसाठी ३१ जुलैपर्यंत...
नागपूर कृषी महाविद्यालय राबवणार ‘ई-...नागपूर  : ‘कोरोना’च्या पार्श्वभूमीवर लॉकडाउन...