agriculture news in Marathi, Heavy rain in state, Maharashtra | Page 2 ||| Agrowon

राज्यात वादळी पावसाचा दणका
टीम अॅग्रोवन
सोमवार, 7 ऑक्टोबर 2019

पुणे : राज्यात ऑक्टोबर हीटचा चटका वाढला असतानाच अनेक भागांत वादळी पावसाने दणका दिला आहे. शुक्रवारपासून सकाळच्या उन्हानंतर दुपारी ढग दाटून येत पडणाऱ्या मुसळधार सरींनी सोयबीन, मका, कपाशीसह खरिपाची पिके, द्राक्षांसह फळबागांना दणका दिला आहे. रविवारी (ता. ६) दुपारनंतर पुणे, नगर, सोलापूर, नांदेड, परभणी, बीड, जालना, हिंगोली तालुक्यांत मुसळधार पाऊस पडला. तर हिंगोली: वसमत तालुक्यातील काही गावांत गारांचा पाऊस झाला. 

पुणे : राज्यात ऑक्टोबर हीटचा चटका वाढला असतानाच अनेक भागांत वादळी पावसाने दणका दिला आहे. शुक्रवारपासून सकाळच्या उन्हानंतर दुपारी ढग दाटून येत पडणाऱ्या मुसळधार सरींनी सोयबीन, मका, कपाशीसह खरिपाची पिके, द्राक्षांसह फळबागांना दणका दिला आहे. रविवारी (ता. ६) दुपारनंतर पुणे, नगर, सोलापूर, नांदेड, परभणी, बीड, जालना, हिंगोली तालुक्यांत मुसळधार पाऊस पडला. तर हिंगोली: वसमत तालुक्यातील काही गावांत गारांचा पाऊस झाला. 

रविवारी (ता. ६) दुपारी परभणी शहरसह पुर्णा, सेलू परिसरात विजांच्या कडकडाटासह पावसाला सुरवात झाली. जालना जिल्ह्यातील पातूर परिसरात  सेवली शिवारात शेतात काम करत असताना वीज पडून तीन मजुरांचा मृत्यू झाला. अंबड तालुक्यात आलमगाव परिसरात वादळी पावसाने कपाशी जमिनीवर आडवी झाली. नांदेड जिल्ह्यातील अर्धापूर तालुक्यात वाऱ्यासह पाऊस पडल्याने कपाशीच्या पिकाचे नुकसान झाले. जोरदार पावसामुळे सोयाबीन पिकात पाणी साचले. हणेगाव (ता. देगलुर) येथे वीज कोसळून दोन गाई, दोन म्हशी ठार झाल्या. बीड जिल्ह्यातील अंबाजोगाई, बीड, केज, आष्टी, किल्ले धारुर भागांत अर्धा तास मध्यम स्वरूपाचा पाऊस झाला. पुणे आणि सोलापूर जिल्ह्यांतही अनेक भागांत पावसाने हजेरी लावली.  

दरम्यान, नाशिक जिल्ह्यात दोन दिवसांपासून पडत असलेल्या पावसाने मोठा फटका बसणार आहे. बागलाण तालुक्यात पावसाच्या तडाख्यात मोसम आणि करंजाड खोऱ्यातील पूर्व हंगामी द्राक्ष बागांचे मोठ्या प्रमाणात नुकसान झाले. ऐन काढणीसाठी आलेला द्राक्ष माल खराब झाल्याने कोट्यवधी रुपयांचे नुकसान झाले. दिंडोरी तालुक्याला सलग दुसऱ्या दिवशी शनिवारी (ता. २) पावसाने झोडपून काढले. तळेगाव, खतवड, गणेश गाव, ढकांबे परिसरात कमी वेळात पावसामुळे नद्या-नाल्यांना पूर आले. सटाणा बाजार समितीमध्ये व्यापारी वर्गाने खरेदी केलेल्या कांदा उघड्यावर असल्याने भिजला. कळवण, देवळा, बागलाण तालुक्यात मक्याचेही मोठे नुकसान झाले आहे. पावसाचा जोर वाढल्याने गंगापूर धरणातून शनिवार पाणी सोडण्यात आले. वीज पडून जिल्ह्यातील पाच जणांचा मृत्यू झाला. 

पुणे जिल्ह्यातील जुन्नर, आंबेगाव, मावळ, बारामती, इंदापूर, दौंड आणि पुरंदर या तालुक्यांमध्ये वादळी वाऱ्यासह पावसाच्या जोरदार सरी बसरल्या. फुलोऱ्यात आलेल्या भात पिकासाठी रब्बी परेण्यांसाठी हा पाऊस लाभदायक ठरणार आहे. जुन्नर, आंबेगाव, खेड तालुक्यांत झालेल्या वादळी पावसाने कांदा रोपे, सोयबीन, काकडी, मिरची, कोबी, फ्लॉवर, मेथी, कोंथिबीर, झेंडू, शेवंती व इतर फुले पिकांचे नुकसान झाले आहे. मावळ तालुक्यातील टाकवे बुद्रुक परिसराला विजेचा कडकडाट आणि मेघगर्जनेसह आलेल्या पावसाने चांगलेच झोडपले. 

नगर जिल्ह्यात झालेल्या जोरदार पावसाने ज्वारीसह इतर पिकांना लाभ होणार आहे. नगर तालुक्‍यातील पूर्व भागातील पावसाने काढणीला आलेल्या बाजरीच्या पिकाला काहीसा फटका बसला आहे. पारनेर तालुक्यात बऱ्याच ठिकाणी नवीन लागवड केलेल्या कांदा पिकांचे नुकसान झाले असले तरी तूर, मका व इतर काही पिकांना चांगला दिलासा मिळणार आहे. श्रीरामपूर तालुक्यात पावसाने शेतात सोयाबीन, मक्‍यासारखी पिकांचे नुकसान झाले आहे. मात्र, रब्बीच्या पेरण्यांसाठी पाऊस फायदेशीर ठरणार आहे.  

मराठवाड्यातील अनेक ठिकाणी हलका ते मध्यम पाऊस झाला. उस्मानाबाद जिल्ह्यातील ईट मंडळामध्ये सर्वाधिक पाऊस पडला. परभणी, हिंगोली, नांदेड जिल्ह्यांतील अनेक मंडळांमध्ये वादळी वाऱ्यामुळे कपाशी, तूर, ऊस पिके आडवी झाली. काढणी सुरू असलेले सोयाबीन भिजल्याने नुकसान होणार आहे. रविवारी (ता. ६) दुपारी परभणी शहर तसेच परिसरात विजांच्या कडकडात पाऊस झाला.

रविवारी (ता. ६) सकाळपर्यंतच्या २४ तासांमध्ये राज्यात विविध ठिकाणी पडलेला पाऊस, मिलिमीटरमध्ये (स्रोत : हवामान विभाग) : 

कोकण : कर्जत ६५, माथेरान ४६, पोलादपूर ६७, सुधागडपाली ५४, देवगड ३३, दोडामार्ग ५७, कणकवली ४४, कुडाळ ४१, सावंतवाडी ४९, वैभववाडी ५२, अंबरनाथ ६१, उल्हासनगर ३४.

मध्य महाराष्ट्र : संगमनेर ६७, श्रीरामपूर १०७, चंदगड ५५, गडहिंग्लज ४०, दिंडोरी ३१, हर्सूल ८१, इगतपुरी ४०, नाशिक ३४, ओझरखेडा ८१, सटाना ४४, येवला ५९, बारामती ५२, पौड ३१, वडगाव मावळ ३०, आटपाडी ५४, जत ६४, विटा ३९, वाई ३१, अक्कलकोट ३१.

मराठवाडा : खुलताबाद २२, वैजापूर २८, बदनापूर ५२, घनसांगवी ३५, शिरूर अनंतपाळ २५, जाफ्राबाद २५, कळंब ४०.

इतर अॅग्रो विशेष
गैरकृत्यांवर नियंत्रण गरजेचेचनिवडणुकीच्या रणधुमाळीत काही विषय मागे पडतात. कारण...
प्रयोगशील, प्रगतिशील शेतीत रमलेले जाधव...नाशिक जिल्ह्यातील कसबे सुकेणे (ता. निफाड) येथे...
आर्थिक प्रगती युवकाने निवडला फूलशेतीचा...बी.कॉम, एमबीए पदवी घेतल्यानंतर नोकरीच्या पाठी न...
शेतकऱ्यांना न्याय मिळण्याची आशा धूसर :...‘लोकांच्या डोळ्यांवर धर्मांधतेची झापड चढविण्यात...
कर्जफेडीची क्षमता देणाऱ्या धोरणांची गरजविधानसभा निवडणुकीच्या प्रचारामध्ये राजकीय...
महामंडळाने ‘उद्योग’ बंद केले तरच विकासराज्यातील कृषी उद्योगाला चालना देण्यासाठी ‘...
नाशिक जिल्ह्यात ओला दुष्काळ जाहीर...नाशिक : जिल्ह्यासह बागलाण तालुक्यात अतिवृष्टीमुळे...
दूध पावडर अनुदानाचा प्रस्ताव फेटाळलापुणे : राज्यातील दूध पावडर (भुकटी) प्रकल्पांना...
विदर्भातून मॉन्सून परतला  पुणे : नैर्ऋत्य मोसमी वाऱ्यांनी (मॉन्सून)...
गुरुवारपासून पुन्हा वादळी पावसाचा इशारापुणे : राज्यात वादळी पावसाने काहीशी उसंत घेतली...
राज्यातील कांदा उत्पादकांना ५५० कोटींचा...नाशिक ः दसरा-दिवाळीच्या तोंडावर कांद्याला चांगला...
‘ती’चा गावगाड्याला मिळतोय आधारसोलापूर : चूल अन्‌ मूल या मर्यादेला बगल देत महिला...
राजद्रोह कायद्याची गरज काय?का ही वर्षांपूर्वीची ही घटना आहे. एका...
को-मार्केटिंगचा घोळबियाणे, खते, कीडनाशके या कृषी उत्पादनासाठीच्या...
नाशिक जिल्ह्यात पावसाचा टोमॅटो पिकाला...नाशिक: जिल्ह्यात मागील दोन आठवड्यांत झालेल्या...
झोपडीचा आधार बांबू पोचला सातासमुद्रापारवेलतूर, जि. नागपूरः गरिबांच्या झोपडीचा आधार...
देशाच्या उत्तर-मध्य बहुतांश भागातून...पुणे : नैर्ऋत्य मोसमी वारे (मॉन्सून) मजल-दरमजल...
रब्बीसाठी अनुदानित हरभरा बियाणे उपलब्धपुणे: राज्यात गेल्या रब्बी हंगामात अनुदानित हरभरा...
बुधवारपासून पावसाची शक्यतापुणे: देशातून मॉन्सूनचा परतीचा प्रवास वेगाने सुरू...
पावासामुळे खरीप पिके, भाजीपाल्यासह...पुणे : राज्यात ऑक्टोबर महिन्यात झालेल्या वादळी...