agriculture news in marathi, heavy rain in state, pune, maharashtra | Agrowon

राज्यात सुगीची वेळ, अन्‌ पावसाचा खेळ

टीम अॅग्रोवन
रविवार, 20 ऑक्टोबर 2019

गेल्या तीन ते चार दिवसांपूर्वी अरबी समुद्रात कमी दाबाचे क्षेत्र तयार झाले, यामुळे दोन ते तीन दिवस कोकण, मध्य महाराष्ट्र व मराठवाड्यात जोरदार पाऊस पडेल. विदर्भातही काही प्रमाणात पाऊस पडणार आहे. त्यानंतर पावसाचा जोर कमी होणार आहे.
- डॉ. अनुपम कश्यपी, पुणे विभागाचे प्रमुख, हवामान विभाग, पुणे

पुणे  : अरबी समुद्रात कमी दाबाचे क्षेत्र सक्रिय झाल्याने पावसासाठी पोषक वातावरण तयार झाले आहे. कोकणातील ठाणे, रायगड, रत्नागिरी, सिंधुदुर्ग; मध्य महाराष्ट्रातील पुणे, नाशिक, नगर, सातारा, सोलापूर; मराठवाड्यातील औरंगाबाद, बीड, उस्मानाबाद, लातूर, नांदेड, परभणी; विदर्भातील अकोला, नागपूर जिल्ह्यातील काही भागात हलका ते मध्यम स्वरूपाचा पाऊस पडला. सावंतवाडीत सर्वाधिक १०० मिलिमीटर पाऊस पडल्याची नोंद झाली. काढणी केलेल्या सोयाबीन, कापूस, भात आदी खरीप पिकांचे मोठ्या प्रमाणात नुकसान झाले.

परतीचा पाऊस मार्गी लागल्यानंतर उन्हाचा पारा वाढला होता. शुक्रवारी (ता. १८) सायंकाळनंतर आणि शनिवारी (ता. १९) सकाळपासून पावसाने सुरवात केली. कोकण, मध्य महाराष्ट्र व मराठवाड्यातील अनेक भागांत दिवसभर संततधार सुरू होती, त्यामुळे कमाल तापमानात घट झाली असून, रात्री हवेत काही प्रमाणात गारवा तयार झाला होता.

दोन दिवसांपासून कोकणातील अनेक भागांत शुक्रवारपासून पावसाचे वातावरण तयार झाले. सिंधुदुर्गमधील अनेक भागांत मध्यम ते जोरदार स्वरूपाचा पाऊस पडला. राजापूर, संगमेश्वर या तालुक्यांतही मेघगर्जनेसह पावसाच्या मध्यम ते जोरदार सरी पडल्या. सावंतवाडीनंतर देवगड येथे ९५, वैभववाडी ६०, लांजा ६०, दोडामार्ग ४५, कणकवली ४४, राजापूर ५२ मिलिमीटर पाऊस पडला. अनेक भागांत हलका ते मध्यम स्वरूपाचा पाऊस पडला असून, ठाणे, रायगड, रत्नागिरी या भागातील बहुतांशी ठिकाणी हलका ते मध्यम स्वरूपाच्या सरी पडल्या. शनिवारीही (ता. १९) दिवसभर अनेक भागांत हवामान ढगाळ असून पावसाच्या काही ठिकाणी तुरळक सरी बरसत होत्या.

मध्य महाराष्ट्रातील पुणे जिल्ह्यातील बेल्हे येथे सर्वाधिक ५६ मिलिमीटर पाऊस पडल्याची नोंद झाली. नगर, नाशिक, सोलापूरमध्ये पावसाने तुरळक ठिकाणी चांगली हजेरी लावली. सातारा जिल्ह्यातील बहुतांशी भागांत पाऊस पडला. खानदेशातील जळगाव, धुळे, नंदुरबार या जिल्ह्यांच्या परिसरातही हवामान काही प्रमाणात ढगाळ होते.

मराठवाड्यातही बहुतांशी भागांत ढगाळ हवामानामुळे मुसळधार पाऊस पडला. नांदेड, बीड, उस्मानाबाद, लातूर, परभणी, नांदेड जिल्ह्यातील जवळपास वीसहून अधिक मंडळांत मुसळधार पाऊस पडला. नांदेड जिल्ह्यातील देगलूर येथे ९६, खानापूर ८१, शहापूर ७२, मरखेल ८९ मिलिमीटर पाऊस पडला. औरंगाबाद जिल्ह्यातील गंगापूर परिसरातील अनेक भागांत शेतातील काढणीस आलेल्या कापसाचे नुकसान झाले. नांदेडमधील देगलूर परिसर आणि उस्मानाबादमधील वाशी परिसरात झालेल्या अतिपावसामुळे काढणी केलेल्या सोयाबीन पिकांमध्ये पाणी साचल्याने पिकांचे नुकसान झाले.

विदर्भातील अकोला जिल्ह्यातील पातूर तालुक्यातील अनेक भागांत हलका ते मध्यम पाऊस स्वरूपाचा पाऊस पडला. इतर भागातही पावसाच्या सरी बरसत होत्या. नागपूरमध्येही पावसाच्या हलक्या स्वरूपाच्या सरी पडल्या. तर अमरावती, वाशीम, बुलडाणा, वर्धा, चंद्रपूर, यवतमाळ, भंडारा या जिल्ह्यांच्या परिसरात हवामान अंशतः ढगाळ असून अधूनमधून ऊन पडत होते.  
 
पाऊस दृष्टिक्षेपात

  • सावंतवाडी येथे सर्वाधिक १०० मिलिमीटर पाऊस पडल्याची नोंद
  • डोकेवाडी (ता. भूम) येथील आंबेमोहोळ नदी दुथडी भरून वाहिल्याने लेंढी नदीला पूर
  • देगलूर, वाशी परिसरात अतिपावसामुळे सोयाबीन पिकांमध्ये पाणी साचल्याने पिकांचे नुकसान  
  • खुपसंगी (ता. मंगळवेढा) येथील तुकाराम चौगुले, सोमा चौगुले यांचा विजेचा शॉक लागून मृत्यू  

आज, उद्या पावसाचा अंदाज कायम
अरबी समुद्रात कमी दाबाच्या क्षेत्राचे चक्राकार वाऱ्यांमध्ये रूपांतर झाले आहे. ही चक्राकार वाऱ्याची स्थिती समुद्रसपाटीपासून साडेचार किलोमीटर उंचीवर आहे. तसेच, बंगालचा उपसागर आणि श्रीलंका या दरम्यान कमी दाबाचा पट्टा तयार झाला आहे. याशिवाय मध्य प्रदेशातही चक्राकार वाऱ्याची स्थिती तयार झाली आहे. त्यामुळे राज्यातील कोकण, मध्य महाराष्ट्र, मराठवाडा व विदर्भातील काही भागांत पावसासाठी पोषक हवामान तयार झाले आहे. ही स्थिती पुढील दोन ते तीन दिवस राहणार आहे, त्यामुळे राज्याच्या किनारपट्टीवर सोसाट्याचा वारा वाहणार असून आज आणि उद्या राज्यात मेघगर्जना व विजांच्या कडकडाटासह तुरळक ठिकाणी मुसळधार पाऊस पडण्याचा अंदाज हवामान विभागाच्या सूत्रांनी वर्तविला आहे.

 


इतर अॅग्रो विशेष
निर्यातवृद्धीचे शुभसंकेतपावसाळ्यानंतरही सातत्याचे ढगाळ हवामान आणि...
फळांचा राजा संकटाच्या फेऱ्यातमागील नोव्हेंबर महिन्यात झालेल्या अतिवृष्टीचा...
पूर्णा येथे रेशीम कोषास प्रतिकिलोस ५१५...परभणी : पूर्णा (जि. परभणी) येथील रेशीम कोष...
सांगली जिल्ह्यातून डाळिंब निर्यातीसाठी...सांगली ः जिल्ह्यातून गतवर्षी ८०० टन डाळिंबाची...
‘व्हीएसआय’ची आंतरराष्ट्रीय साखर परिषद...पुणे: वसंतदादा साखर संस्थेच्या वतीने आयोजित...
धोरणात्मक निर्णय, सिंचनाच्या सुविधेमुळे...नवी दिल्ली: धोरणात्मक निर्णय आणि पुढाकार;...
इथेनॉल प्रकल्पासाठी ३६ कारखान्यांनाच...नवी दिल्ली: पेट्रोलमध्ये १० टक्के इथेनॉल...
मोहाडीची मिरची निघाली दुबईलाभंडारा ः शेतकरी उत्पादक कंपनीच्या पुढाकारातून...
खाद्यतेल आयात शुल्क घटविण्याचा प्रस्ताव...पुणे : काही दिवसांपूर्वी केंद्र सरकार खाद्यतेल...
‘माफसू’ला मिळाले `केव्हीके`नागपूर ः पशू व मत्स्य विज्ञानाचा प्रसार प्रचार...
गोंदिया, नागपूर, वर्धा येथे पावसाची...पुणे: राज्यात पावसाला पोषक हवामान होत आहे....
फेब्रुवारीअखेरपासून कर्जमाफीची रक्कम...पुणे : महात्मा फुले कर्जमाफी योजनेत दोन...
`व्हिएसआय`च्या ऊस प्रक्षेत्रांना दोन...पुणे : वसंतदादा शुगर इन्स्टिट्यूटच्या (व्हीएसआय)...
सौर पंप तंत्राद्वारे फुलतेय तेवीस...डोर्ले (ता. जि. रत्नागिरी) येथील अजय तेंडूलकर...
व्यवसाय स्वातंत्र्यावर गदा नकोचशेतकरीविरोधी कायदे रद्द करण्याबाबतची एक चळवळ...
क्रयशक्ती वाढविणारा हवा अर्थसंकल्पकेंद्रीय अर्थमंत्री निर्मला सीतारामण १ फेब्रुवारी...
कमी फॅटचे दुध पिल्यास म्हतारपण कमी होतं...कमी फॅट(मेद)युक्त दुधाचा आहारामध्ये वापर केल्यास...
विदर्भ, कोकणात आज हलक्या पावसाचा अंदाज पुणे : उत्तरेकडील थंड वाऱ्यांअभावी राज्यात थंडी...
नाशिक जिल्ह्यातील द्राक्ष निर्यातीत ५७...नाशिक : राज्यातून होणाऱ्या द्राक्ष निर्यातीत...
दूध उत्पादक महत्त्वाचा दुवा: हरिभाऊ...औरंगाबाद : जिल्हा दूध संघाच्या एकूणच...