नगर ः नगर जिल्ह्यात रविवारी (ता. ३१) दहा तालुक्यांत पूर्वमोसमी पावसाने हजेरी लावली. रविवारच्या पावसाची सरासरीच्या पाच टक्के नोंद झाली आहे. श्रीरामपूर, पारनेर तालुक्यांत बारा टक्के पाऊस झाला आहे. या पावसाने खरिपाच्या कामाला वेग येणार आहे.
नगर जिल्ह्यात रविवारी पूर्वमोसमी पावसाने हजेरी लावली. सायंकाळी सहा वाजता कर्जत, पारनेर, पाथर्डी भागात तर रात्री आठ नंतर अन्य भागात पाऊस झाला. कर्जत, पारनेरमध्ये वादळही झाले. रात्रभर पावसाच्या सरी सुरू होत्या. या पावसामुळे काही प्रमाणात फळे, भाजीपाल्याला फटका बसला असला तरी खरिपाच्या शेतमशागतीला वेग येणार आहे.
पहिल्याच दिवशी दहा तालुक्यांत चांगला पाऊस झाला. प्रशासनाकडे झालेल्या नोंदीनुसार सोमवारी सकाळी आठपर्यंत सरासरीच्या ५ टक्के पावसाची नोंद झाली आहे. श्रीरामपूर, पारनेर तालुक्यांत बारा टक्के पाऊस झाला आहे. सोमवार (ता. १) दुसऱ्या दिवशी दिवसभर ढगाळ वातावरण होते.
Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.
ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.