agriculture news in marathi, heavy rain at three revenue areas, nagar, maharashtra | Page 2 ||| Agrowon

नगर जिल्ह्यातील तीन महसूल मंडळांत अतिवृष्टी 

टीम अॅग्रोवन
सोमवार, 7 ऑक्टोबर 2019

नगर  ः हस्त नक्षत्राच्या उत्तरार्धात शुक्रवारी नगर तालुक्‍यातील पूर्व भागात, तर शनिवारी पश्‍चिम भागात दमदार पाऊस झाल्याने ज्वारीसह इतर पिकांना आधार मिळाला आहे. नवरात्रोत्सवात काही गावांत पाचव्या आणि सातव्या माळेला मोठ्या यात्रा भरतात. गेल्या दोन-तीन दिवसांच्या पावसाने या यात्रोत्सवावर परिणाम झाला. श्रीरामपूर, बेलापूर, संगमनेर येथे अतिवृष्टी झाल्याची नोंद आहे. 

नगर  ः हस्त नक्षत्राच्या उत्तरार्धात शुक्रवारी नगर तालुक्‍यातील पूर्व भागात, तर शनिवारी पश्‍चिम भागात दमदार पाऊस झाल्याने ज्वारीसह इतर पिकांना आधार मिळाला आहे. नवरात्रोत्सवात काही गावांत पाचव्या आणि सातव्या माळेला मोठ्या यात्रा भरतात. गेल्या दोन-तीन दिवसांच्या पावसाने या यात्रोत्सवावर परिणाम झाला. श्रीरामपूर, बेलापूर, संगमनेर येथे अतिवृष्टी झाल्याची नोंद आहे. 

नगर तालुक्‍यातील पूर्व भागातील कौडगाव, पिंपळगाव, भातोडी-पारगाव, दौला वडगाव, आठवड, चिचोंडी पाटील, दशमीगव्हाण, टाकळीकाझी भागांत चांगला पाऊस झाला. कामरगाव, चास, भोयरे पठार, निमगाव वाघा, अकोळनेर, सोनेवाडी-चास, अरणगाव भागांतही चांगला पाऊस झाला. या पावसाने काढणीला आलेल्या बाजरीच्या पिकाला काहीसा फटका बसल्याने शेतकरीवर्ग नाराज होता. मात्र, तालुक्‍यातील ज्वारीच्या पिकास फायदा होणार आहे. 

पारनेर तालुक्यातील निघोज, चोंभूत, रेनवडी, म्हस्केवाडी, अळकुटी, वडनेर बुद्रुक, रांधे परिसरात पाऊस झाला. त्यामुळे शेतकरीवर्गात समाधानाचे वातावरण आहे. शनिवारी (दि. ५) झालेल्या पावसाने चोंभूत-रेनवडी रस्त्यावरील पूल वाहून गेला. बऱ्याच ठिकाणी नवीन लागवड केलेल्या कांदा पिकांचे नुकसान झाले. पठारवाडी, गाडीलगाव-गुणोरे, जवळे परिसरात संध्याकाळपर्यंत कमी-अधिक प्रमाणात पाऊस झाला. या पावसाने कांदा, तूर, मका व इतर काही पिकांना चांगला दिलासा मिळाला आहे. काही ठिकाणी कांद्याची रोपे लागवडीला पाणी नाही. त्यालाही आधार मिळाला आहे.श्रीरामपूर शहरासह परिसरातील बेलापूर, उक्कलगाव, खंडाळे, अशोकनगर, उंबरगाव, निपाणी वडगाव, वडाळा महादेव, वळदगाव या परिसरातही पाऊस झाला. त्यामुळे ओढ्यांना पाणी आले होते. 

या हंगामात प्रथमच मोठा पाऊस झाला. सध्या शेतात सोयाबीन, मक्‍यासारखी पिके असून, त्याचे पावसाने नुकसान झाले आहे. मात्र, रब्बीच्या पेरण्यांसाठी पाऊस फायदेशीर असल्याचे शेतकऱ्यांनी सांगितले. राहाता तालुक्यातील पुणतांबा, लोणी, बाभळेश्वर परिसरातही पावसाने हजेरी लावली. नगर शहरात विजेच्या कडकडाटासह पाऊस झाला. या पावसात तारकपूर बसस्थानकासमोरील अर्जुन नेत्रालयाच्या छतावर वीज कोसळली. शनिवारी ही घटना घडली. यात नेत्रालयासह जवळील पाच हॉस्पिटलच्या इलेक्‍ट्रॉनिक वस्तूंचे सुमारे दोन लाख ७५ हजार रुपयांचे नुकसान झाले. सुदैवाने कोणतीही जीवितहानी झाली नाही. पाथर्डी, शेवगाव, जामखेड तालुक्यांतील काही भागांत पाऊस झाला. 

रविवारी सकाळी सहा वाजेपर्यंतच्या २४ तासांत झालेला पाऊस मिमी ः बेलवंडी ः ८, मांडवगण ः ८, श्रीरामपूर ः १०८, बेलापूर ः ६७, पुणतांबा ः ५८, बाभळेश्वर ः १८, लोणी ः ३९, शिर्डी ः ११, टाकळीमानूर ः १२, मिरी ः १२, शेवगाव ः १०, चापडगाव ः १६, सुपा ः ११, संगमनेर ः ६७, तळेगाव ः १२, समनापूर ः २०, ब्राह्मणवाडा ः ४०, रवंदे ः ३७.  


इतर ताज्या घडामोडी
कृषी विभागाच्या राज्यस्तरीय क्रीडा...पुणे  ः कृषी विभागाच्या वतीने चौथ्या वार्षिक...
उस्मानाबादेतील कर्जमुक्तीच्या याद्या...उस्मानाबाद : महात्मा जोतिराव फुले शेतकरी...
मराठवाड्यातील कोरड्या पडणाऱ्या...औरंगाबाद : मराठवाड्यात पुन्हा एकदा उन्हाच्या...
'तीन लाखांपर्यंतचे पीककर्ज माफ व्हावे...गेल्या पाच-दहा वर्षांपासून अस्मानी आणि सुलतानी...
जळगाव जिल्ह्यातील विद्यार्थी वर्गात...जळगाव : जिल्हा परिषद शाळांमधील...
पुणे विभागात चारा पिकांच्या पेरणीवर भरपुणे ः उन्हाळ्यात जनावरांना चाऱ्याची अडचण येऊ नये...
सांगली जिल्ह्यात द्यापही तूर खरेदी सुरू...सांगली : शासनाने हमीभावाने तूर खरेदी करण्यासाठी...
आटपाडीत डाळिंब उत्पादकांना विमा भरपाईची...आटपाडी, जि. सांगली : यावर्षी पावसातील सुरुवातीचा...
मक्यावरील अळीमुळे शेतकरी चिंतातुरअकोला ः जिल्ह्यात या रब्बीत लागवड झालेल्या...
अधिकाऱ्यांच्या खेळात नाचणी उत्पादक वेठीसकोल्हापूर: उन्हाळ्यात नाचणी घेऊन पन्हाळा पश्‍चिम...
चार हजार शेतकऱ्यांना र्दृष्टीदोष दूर...गोंडपिपरी, जि. चंद्रपूर : व्यवसाय करताना बेरीज-...
रेशीम उद्योगासाठी शेतकऱ्यांनी पुढे यावे...औसा, जि. लातूर :  ‘‘रेशीम उद्योगाकडे...
सकाळी सौम्य थंडी तर दुपारी उष्ण हवामानमहाराष्ट्रावर आठवड्याच्या सुरुवातीला १०१४...
औरंगाबाद जिल्ह्यात विजेअभावी सिंचनाची...औरंगाबाद : पंधरवडा रात्री तर पंधरवडा दिवसा...
जीआय टॅगिंगयुक्त हापूसला दीड लाखापर्यंत...रत्नागिरी : ‘‘निर्यातीत हापूसचा टक्के घसरत असून...
कावपिंप्रीत चार वर्षांनंतर बहरली पिकेकावपिंप्री, जि. जळगाव : यंदा कावपिंप्रीसह...
नीरा-देवघरच्या पाणीवाटपावरुन पिलीवमध्ये...सोलापूर : राज्य सरकारने नीरा- देवघर धरणातील...
खानदेशात कांदा दरातील चढउतारामुळे...जळगाव : खानदेशातील प्रमुख बाजार समित्यांमध्ये...
पूरक अन् प्रक्रिया उद्योगावर जर्मनीचा भरउत्तर जर्मनीतील सपाट भूप्रदेश आणि पूर्व...
जालन्यात कांदा २२०० ते २५०० रुपये...जालना : येथील कृषी उत्पन्न बाजार समितीमध्ये...