agriculture news in marathi, heavy rain in varhad, maharashtra | Agrowon

वऱ्हाडात सर्वदूर दमदार पाऊस
टीम अॅग्रोवन
मंगळवार, 10 जुलै 2018

अकोला : या हंगामात अातापर्यंत काहीसा रुसलेला पाऊस सोमवारी सकाळपर्यंतच्या २४ तासांत बऱ्यापैकी बरसला अाहे. सोमवारी सकाळपर्यंत वऱ्हाडात सर्वदूर पाऊस झाला असून, यामुळे पिकांना तसेच रखडलेल्या पेरण्यांना फायदा होणार अाहे. अकोला जिल्ह्यात बाभूळगाव मंडळात सर्वाधिक १६६ मिमी पावसाची नोंद झाली. जोरदार पावसामुळेमन नदीला गेल्या सहा वर्षांतील सर्वात मोठा पूर सोमवारी (ता.नऊ) सकाळी आला. यामुळे शेगाव-अकोला (नागझरीमार्गे) मार्गाची वाहतूक बराच काळ ठप्प होती. 

अकोला : या हंगामात अातापर्यंत काहीसा रुसलेला पाऊस सोमवारी सकाळपर्यंतच्या २४ तासांत बऱ्यापैकी बरसला अाहे. सोमवारी सकाळपर्यंत वऱ्हाडात सर्वदूर पाऊस झाला असून, यामुळे पिकांना तसेच रखडलेल्या पेरण्यांना फायदा होणार अाहे. अकोला जिल्ह्यात बाभूळगाव मंडळात सर्वाधिक १६६ मिमी पावसाची नोंद झाली. जोरदार पावसामुळेमन नदीला गेल्या सहा वर्षांतील सर्वात मोठा पूर सोमवारी (ता.नऊ) सकाळी आला. यामुळे शेगाव-अकोला (नागझरीमार्गे) मार्गाची वाहतूक बराच काळ ठप्प होती. 

बुलडाणा जिल्ह्यात रविवारी रात्रीपासून सुरू असलेल्या संततधार पावसामुळे ठिकठिकाणी नदी-नाले वाहते झाले अाहेत. या जिल्ह्यातून उगम पावणाऱ्या मन नदीला मोठा पूर आल्याने शेगाव-नागझरीमार्गे अकोला वाहतूक बंद पडली होती. खामगाव तालुक्यातील विहिगाव अटाळी येथून उगम पावणाऱ्या या नदीला मागील सहा वर्षांत यंदा प्रथमच मोठा पूर अाल्याचे सांगितले जात होते.

शेगाव तालुक्यात आजवर दमदार पाऊस न झाल्याने शेतकऱ्यांसमोर दुबार पेरणीचे संकट होते. मात्र रविवारी सायंकाळपासून सुरू झालेल्या संततधार पावसामुळे हे संकट तुर्त टळले आहे. याच जिल्ह्यात घाटाखालील तालुक्यांमध्ये अाजवर पावसाचा जोर कमी होता, परंतु या पावसामुळे अाता बऱ्यापैकी दिलासा मिळाला अाहे. घाटाखालील जळगाव जामोद हा तालुका सोडला तर उर्वरित सहा तालुक्यांमध्ये सर्वत्र चांगला पाऊस झाला. सोमवारी सकाळपासून पावसाच्या सरी बरसत होत्या.

अकोला जिल्ह्यात सोमवारी सकाळपर्यंत घेतलेल्या नोंदीमध्ये पातूर तालुक्यात सरासरी ८१.८ मिमी पाऊस झाला. या तालुक्यात बाभूळगाव मंडळात सर्वाधिक १६६ मिमी पाऊस झाल्याने अनेक ठिकाणी नदी-नाल्यांना पाणी आले. पावसामुळे शेतांमध्ये पाणी साचले होते. बाळापूर तालुक्यातही जोरदार पावसाने दाणादाण उडवली. आलेगाव आणि चान्नी मंडळातही सरासरी ८० मिमी पावसाची नोंद झाली. या तालुक्यातील निर्गुर्णा नदी दुथडी भरून वाहत आहे. अमरावती, अकोला व बुलडाणा जिल्ह्यातून वाहणाऱ्या पूर्णा नदीच्या पाणीपातळीत मोठ्या प्रमाणावर वाढ होत आहे. पूर्णा खोऱ्यात असलेल्या सर्व उपनद्या दुथडी भरून वाहू लागल्या आहेत. वाशीम जिल्ह्यातसुद्धा रविवारी रात्री सर्वत्र पाऊस झाला. प्रामुख्याने रिसोड, मालेगाव तालुक्यात चांगला पाऊस पडला अाहे.    

 जिल्हानिहाय पाऊस (मिमी) : अकोला जिल्हा ः अकोला ६.२, बार्शिटाकळी १९.७, अकोट ८, तेल्हारा १५, बाळापूर ४६, पातूर ८१.८, मूर्तिजापूर ६.८,  सरासरी २६.२ मिमी.
बुलडाणा जिल्हा ः  बुलडाणा २५.६, चिखली ११, देऊळगावराजा ११.२, सिंदखेडराजा १३.८, लोणार २४.२, मेहकर ३३.४, खामगाव २०.९, शेगाव २२.६, मलकापूर ३३.४, नांदुरा १०.२, मोताळा ४८.३, संग्रामपूर  १३.२, सरासरी २०.६ मिमी.
वाशीम जिल्हा ः वाशीम-११.८२, मालेगाव २५.३०, रिसोड ३९.६२, मंगरूळपीर ९.२९, मानोरा १५.७८, कारंजा १२.१५, सरासरी १९ मिमी.

इतर ताज्या घडामोडी
नगर जिल्ह्यातील ४३ हेक्टर जमीन गेली...नगर  ः जिल्ह्यात पंधरा दिवसांपूर्वी गोदावरी...
पूरबाधित क्षेत्रातील उसाचे व्यवस्थापन पुराच्या पाण्याचा कालावधी, पाण्याचा गढूळपणा आणि...
संत्रा फळपिकावरील तपकिरी कुज व्यवस्थापन लिंबू वर्गीय फळझाडास वर्षातून तीनदा बहार येतो....
नत्राच्या दुहेरी समस्यांवर मात...जागतिक पातळीवर नत्राचे प्रदूषण आणि शेतीसाठी...
डाळिंबाच्या मार्केटिंग, प्रक्रिया...सोलापूर  : ‘‘जिल्ह्यात उत्पादन होणारे डाळिंब...
जळगाव जिल्हा सहकारी दूध संघाला तीन...जळगाव  ः जळगाव जिल्हा सहकारी दूध उत्पादक...
औरंगाबाद जिल्ह्यात पावसाअभावी टोमॅटोचे...औरंगाबाद :  जिल्ह्यातील टोमॅटोचे आगार...
अकोला जिल्ह्यातील पाच पशुवैद्यक दवाखाने...अकोला  ः जिल्हा परिषदेअंतर्गत चालविल्या...
सिंधुदुर्ग जिल्ह्यातील २३ धरणे भरलीसिंधुदुर्ग : मुसळधार पावसामुळे जिल्ह्यातील २३...
नांदेड, परभणी, हिंगोली जिल्ह्यांत...नांदेड : नांदेड, परभणी, हिंगोली जिल्ह्यांतील अनेक...
दसरा, दिवाळीसाठी चांदवड तालुक्यात...नाशिक  : चांदवड तालुक्यातील शेतकरी दसरा,...
नगर जिल्ह्यातील वाहून गेलेल्या...नगर : पुराच्या पाण्याने वाहून गेलेल्या जमिनीचे...
सिंधुदुर्ग जिल्ह्यात अतिवृष्टीमुळे...सिंधुदुर्ग   ः अतिवृष्टीचा भाजीपाला...
महापुराच्या स्थितीतही ‘त्यांनी’ तीन...नवेखेड, जि. सांगली  : मसुचिवाडी (ता....
वसंतराव नाईक यांनी आधुनिक तंत्रज्ञान...पुसद, जि. यवतमाळ   ः देशातील...
सरकारला खरीप, रब्बीतील फरक कळत नाही :...पैठण, जि. औरंगाबाद  : राज्यातील शेतकऱ्यांची...
पूरग्रस्त भागातील घरांच्या दुरुस्तीसाठी...मुंबई  : पूरग्रस्त ग्रामीण भागातील वाहून...
पीक नुकसानभरपाई नको; संपूर्ण कर्जमाफीच...कऱ्हाड, जि. सातारा   ः महापुराने हुती...
नगर जिल्ह्यात ४०५ टॅंकरद्वारे पाणीपुरवठानगर  ः जिल्ह्यात बहुतांश ठिकाणी पावसाने...
उत्तर भारतात अतिदक्षतेचा इशारा; नद्या...नवी दिल्ली : दक्षिण भारतानंतर आता उत्तर भारतही...