agriculture news in Marathi, heavy rain in with wind, Maharashtra | Agrowon

जोरदार वाऱ्यासह मुसळधार सरींची हजेरी

टीम अॅग्रोवन
रविवार, 6 ऑक्टोबर 2019

पुणे ः मॉन्सूनच्या परतीच्या प्रवासासाठी पोषक वातावरण तयार होत आहे. राज्यातील अनेक भागांत सकाळच्या उकाड्यानंतर दुपारी ढग दाटून येत, मेघगर्जनेसह वळवाच्या जोरदर सरी पडत आहे. शनिवारी (ता. ५) सकाळी आठ वाजेपर्यंतच्या चोवीस तासात सोलापूर जिल्ह्यातील मोहोळ येथे सर्वाधिक ८५.४ मिलिमीटर पाऊस पडल्याची नोंद झाल्याचे हवामान विभागातर्फे सांगण्यात आले.

पुणे ः मॉन्सूनच्या परतीच्या प्रवासासाठी पोषक वातावरण तयार होत आहे. राज्यातील अनेक भागांत सकाळच्या उकाड्यानंतर दुपारी ढग दाटून येत, मेघगर्जनेसह वळवाच्या जोरदर सरी पडत आहे. शनिवारी (ता. ५) सकाळी आठ वाजेपर्यंतच्या चोवीस तासात सोलापूर जिल्ह्यातील मोहोळ येथे सर्वाधिक ८५.४ मिलिमीटर पाऊस पडल्याची नोंद झाल्याचे हवामान विभागातर्फे सांगण्यात आले.

गेल्या काही दिवसांपासून पावसाने विश्रांती दिली. यामुळे ऑक्टोबर हिट वाढल्याने सकाळपासून उकाड्यात वाढ होत आहे. शुक्रवारी (ता. ४) सकाळपासूनच उन्हाचा चटका अधिक होता. दुपारनंतर अचानक ढग जमा झाल्याने दुपारी तीन वाजेपासून जिल्ह्याच्या काही भागांत मेघगर्जनेसह जोरदार पाऊस पडला. काही ठिकाणी पावसाने उघडीप दिल्याचे चित्र होते.
शनिवारी (ता. ५) सकाळी आठ वाजेपर्यंतच्या चोवीस तासात विदर्भातील चंद्रपूर येथे सर्वाधिक ३४.६ अंश सेल्सिअस एवढ्या कमाल तापमानाची नोंद झाली.

तर सातारा, रत्नागिरी, ब्रम्हपुरी, चंद्रपूर येथील कमाल तापमानात सरासरीच्या तुलनेत एक ते दोन अंश सेल्सिअसने वाढ झाली होती. तर ढगाळ हवामानामुळे मध्य महाराष्ट्रातील नगर येथील कमाल तापमानात सरासरीच्या तुलनेत ४.३ अंश सेल्सिअसने घट होऊन २७.६ अंश सेल्सिअस एवढ्या कमाल तापमान नोंदविले गेले. तर नाशिक, सोलापूर, महाबळेश्वर, उस्मानाबाद, औरंगाबाद, अमरावती, गोंदिया येथील कमाल तापमानातही सरासरीच्या तुलनेत एक ते दोन अंश सेल्सिअसने घट झाली होती.

कोकणातील मोखेडा येथे सर्वाधिक ३८ मिलिमीटर पाऊस पडला. तर भिवंडी, सुधागडपाली अशा काही ठिकाणी जोरदार पाऊस पडला. तर मध्य महाराष्ट्रातील नगर जिल्ह्यातील कर्जत येथे ६४ मिलिमीटर पावासाची नोंद झाली. जुन्नर तालुक्यातील निमगाव ५९ मिलिमीटर पाऊस पडला यामुळे ओढे, नाले पुन्हा खळाळून वाहू लागल्याने दुष्काळी भागातील शेतकऱ्यांमधून समाधान व्यक्त करण्यात आले.

पुणे शहर, संगमनेर, अकोले, हरसूल, करमाळा, कोरेगाव या भागातही मध्यम ते जोरदार पाऊस पडला. तर मराठवाड्यातील लातूरमधील निलंगा येथे सर्वाधिक ८३ मिलिमीटर पाऊस पडला. हिंगोली, औसा, जळकोट, वैजापूर, केज येथेही मध्यम स्वरूपाच्या सरी बरसल्या. विदर्भातही कळंब येथे ३८, देगलूर ३७ तर पूर्णा येथे ३५ मिलिमीटर पाऊस पडला.

राज्यात मुसळधार पावसाची शक्यता
उत्तर भारतातून येत्या चार ते पाच दिवसांत परतीच्या पावसाची वाटचाल सुरू होणार आहे. पावसाला वातावरण तयार होत असल्याने राज्यातील अनेक भागात वादळी वाऱ्यासह मुसळधार पाऊस कोसळत आहे. येत्या चार ते पाच दिवस राज्यात तुरळक ठिकाणी मुसळधार पाऊस पडण्याचा अंदाज हवामान विभागाच्या सूत्रांनी वर्तविला आहे.      

शनिवारी (ता. ५) सकाळी आठ वाजेपर्यंत पडलेला पाऊस, मिलिमीटरमध्ये (स्रोत हवामान विभाग)
कोकण ः सांताक्रुझ १२.६, जव्हार २०, मोखेडा ३८, वाडा १४, रायगड २७, माणगाव १३, सुधागड पाली ३५, वेंगुर्ला १४, सावंतवाडी ३.४, भिवंडी ३६, कल्याण ६.८,
मध्य महाराष्ट्र ः नगर २१, अकोले ३९, कर्जत ६४, संगमनेर ४६, श्रीगोंदा ८, रावेर ४, शाहूवाडी १५, शिरोळ २२, हरसूल ३०.२, नांदगाव २८.०, बारामती २९.८, भोर १९.०, आंबेगाव ८.०, जुन्नर १४, पुणे शहर ४३.८, पुरंदर २२.०, शिरूर १७, मिरज १५.२, सांगली १६.५, दहीवडीमाण २६.०, कऱ्हाड १०.०, खंडाळा बावडा १७, खटाव वडूज २८.४,  कोरेगाव ३२.०, महाबळेश्वर २२.७, सातारा ३१.५, करमाळा ३७.०, मोहोळ ८५.४,
मराठवाडा ः वैजापूर २८, अंबाजोगाई ११, केज ४२, पाटोदा २२, शिरूरकासार ४, हिंगोली ४०, अहमदपूर २४, औसा ३०, जळकोट २५, लातूर १४, निंलंगा ८३, रेणापूर १०,  शिरूरअनंतपाल ८, अर्धापूर ९, देगलूर ३७, उमरी १०, कळंब ३८, लोहारा ९, परांडा ७, उमरगा १४, जिंतूर ३, गंगाखेड, पालम २, पाथरी १२, पूर्णा ३५,
विदर्भ ः तेल्हारा २.३, अमरावती २.८, वरूड २.१, पौनी २.६, लोणार २.०, संग्रामपूर ६.५, इटापल्ली २.१,


इतर अॅग्रो विशेष
संकटावेळी तरी पंतप्रधानांनी गंभीर...मुंबई : देशात कोरोना विषाणूने थैमान घातले असून...
‘कोरोना विरोधात जाणिवेसाठी रविवारी...पुणे : ‘‘कोरोना विरोधात उभारलेल्या लढ्याची...
कोरोनाच्या निदानासाठीच्या ‘मायलॅब'ला...पुणे ः देशातील कोरोनाच्या प्रत्येक रुग्णाच्या...
कांदा विक्रीसाठी ‘पणन’चे प्रयत्नपुणे: कोरोना लॉकडाऊनमध्ये शेतमालाची पुरवठा साखळी...
दूध संकलनास टाळाटाळ करणाऱ्यांवर कारवाई...वर्धा ः  दूध संकलनास टाळाटाळ करणाऱ्या दूध...
पालघर, डहाणू, तलासरी तालुक्यात भूकंपाचे...मुंबई: पालघर जिल्ह्यात गेल्या दोन वर्षांपासून...
मोसंबी मागणीअभावी बागेतचऔरंगाबाद: परिपक्व झालेल्या मोसंबीच्या मृग...
लॉकडाऊनमुळे ‘निविष्टा’ कंपन्यांची उधारी...पुणे: लॉकडाऊनमुळे राज्यातील खते, बियाणे व कीडनाशक...
तीन दिवसांत एक हजार वीस टन द्राक्ष ...पुणे ः कोरोना विषाणूमुळे राज्यातील द्राक्ष...
विदर्भ, मराठवाड्यात पुर्वमोसमी पावसाचा...पुणे : राज्यात उन्हाचा चटका चांगलाच वाढल्याने...
हरभरा खरेदीच्या नोंदणीसाठी मुदतवाढमुंबई: किमान आधारभूत किंमत योजनेअंतर्गत हमी...
हापूसच्या निर्यातीसाठी युद्धपातळीवर...मुंबई: कोरोना विषाणूचा प्रादुर्भाव रोखण्यासाठी...
लॉकडाऊन संपल्यानंतर राज्यांनी गर्दी...मुंबई : लॉकडाऊन संपविल्यानंतर १५ एप्रिलला लगेच...
रासायनिक खतांचा काळाबाजार होईल; गाफील...पुणे: “देशात रासायनिक खतांचा मुबलक साठा आहे....
कोरोनाव्हायरसचा प्रसार देशभरात वेगाने;...नवी दिल्ली : कोरोनाव्हायरसचा प्रसार देशभरात...
कर्जापोटी दंडव्याज नको; केंद्राकडून...पुणे : कोरोनाच्या पार्श्वभूमीवर शेतकऱ्यांना...
बेदाणा निर्मितीसाठी आवश्यक रसायनांची...नाशिक : कोरोना पार्श्वभूमीवर द्राक्षाच्या मागणी व...
मार्चअखेर बारा हजार कोटींची कर्जमाफी;...मुंबई : ठाकरे सरकारने जाहिर केलेल्या महात्मा फुले...
पुणे जिल्हा बॅंकेने तीन टक्के व्याजाची...पुणे : केंद्र सरकारने पीककर्ज फेडीची मुदत ३१...
मराठवाडा, विदर्भात ‘पुर्वमोसमी’चा दणका...पुणे : मराठवाड्यातील औरंगाबाद, जालना, बीड,...