Agriculture news in marathi Heavy rains continue in Sindhudurg | Agrowon

सिंधुदुर्गमध्ये पावसाचा जोर कायम

टीम अॅग्रोवन
बुधवार, 21 जुलै 2021

सिंधुदुर्गनगरी जिल्ह्यात पावसाचा जोर कायम असून, अनेक भागात पूरस्थिती निर्माण झाली आहे. मसुरे, जुवा बेट परिसरातील अनेक घरांना पुराच्या पाण्याने वेढले आहे.

सिंधुदुर्गनगरी : जिल्ह्यात पावसाचा जोर कायम असून, अनेक भागात पूरस्थिती निर्माण झाली आहे. मसुरे, जुवा बेट परिसरातील अनेक घरांना पुराच्या पाण्याने वेढले आहे. नदीनाले दुथडी भरून वाहत असून, जिल्ह्यातील अनेक प्रमुख मार्गावर पुराचे पाणी असल्यामुळे वाहतूक ठप्प झाली. शेती, बागायतीमध्ये अजूनही मोठ्या प्रमाणात पाणी आहे.

  जिल्ह्यात पावसाचा जोर कायम आहे. जिल्ह्याच्या बहुतांशी भागात मुसळधार पाऊस सुरूच आहे. मालवण तालुक्यातील पूरस्थिती गंभीर बनत चालली आहे. गडनदीला पूर आल्यामुळे खोत जुवा, मसुरे जुवा या बेटावरील ग्रामस्थांच्या घरांना पुराच्या पाण्याने वेढले आहे. घरांसभोवतील पुराचे मोठ्या प्रमाणात पाणी साचले आहे. काही ग्रामस्थांच्या घरांमध्ये पुराचे पाणी घुसले आहे. त्यामुळे येथील नागरिकांमध्ये भीतीचे वातावरण निर्माण झाले आहे. या भागातील अनेक ग्रामस्थांचे पुराच्या पाण्यामुळे नुकसान झाले आहे. पावसाचा जोर कायम राहिल्यास येथील स्थिती गंभीर बनण्याची शक्यता आहे. मसुरेचा संपर्क तुटला असून, गडनदीचे पाणी पात्राबाहेरून वाहत असल्यामुळे मसुरे कावावाडी, टोकळवाडी, उसलाटवाडी यासह बांदिवडे, सय्यदजुवा, भगवंतगड या भागातील घरांना पुराच्या पाण्याचा धोका निर्माण झाला आहे.

कणकवली तालुक्याला पावसाने झोडपून काढले. त्यामुळे गडीनदी, जानवली नदीला पूर आला आहे. तालुक्यातील अनेक मार्गावर पुराचे पाणी आल्यामुळे त्या मार्गावरील वाहतूक ठप्प झाली आहे. कणकवली-आचरा,कणकवली-बीडवाडी मार्ग, नागवे-करंजे, या मार्गावरील पुलावरून पुराचे पाणी वाहत असल्यामुळे हे सर्व मार्ग ठप्प झाले आहेत. गड आणि जानवली या दोन्ही नद्या दुथडी भरून वाहत आहेत. वैभववाडी तालुक्यात देखील मुसळधार पाऊस सुरू आहे. पावसामुळे तळेरे-कोल्हापूर राष्ट्रीय महामार्गावरील एडगाव येथे रस्त्यावर झाड कोसळल्यामुळे २० मिनिटे वाहतूक ठप्प झाली आहे. पोलिसांनी झाड हटविल्यानंतर वाहतूक सुरळीत झाली आहे.

कुडाळ तालुक्यातील आंबेरी पुलावरून वाहत असलेले पुराचे पाणी मंगळवारी (ता. २०) ओसरले. त्यामुळे माणगाव खोऱ्यातील २७ गावांचा सपंर्क पुन्हा सुरू झाला आहे. वेंगुर्ला तालुक्यातील केळूस, तुळस या भागात अजूनही कित्येक एकर भातशेती पाण्याखाली आहे. गेल्या दोन तीन दिवसांपासून भातशेती पाण्याखाली असल्यामुळे शेतकऱ्यांमध्ये शेती कुजण्याची चिंता आहे. सावंतवाडी, दोडामार्ग तालुक्यात देखील मुसळधार पाऊस सुरू आहे. तिलारी, तेरेखोल या दोन्ही नद्या ओसंडून वाहत आहे. पावसाचा जोर वाढल्यास या भागात देखील पूरस्थिती निर्माण होण्याची शक्यता आहे.

कोल्हापुरात १४ बंधारे पाण्याखाली
कोल्हापूर : जिल्ह्याच्या पश्चिम भागात पावसाने समाधानकारक हजेरी लावली आहे. राजाराम बंधाऱ्यावरील पाण्याची पातळी चोवीस तासांत अडीच फुटांनी वाढली 
आहे. राधानगरी धरणातून १३५० क्युसेक विसर्ग सुरू आहे. जिल्ह्यातील १४ बंधारे पाण्याखाली आहेत. 
 गगनबावडा तालुक्यात सर्वाधिक ५१ मिमी पाऊस पडल्याची नोंद झाली आहे. गगनबावडा तालुक्यात आजअखेर २०२६ मिमी पावसाची नोंद झाली आहे. कुंभी धरण क्षेत्रात २१५ मिमी पाऊस झाला असून, धरणातून ३०० क्युसेक पाण्याचा विसर्ग कुंभी नदीपात्रात सुरू आहे. कोदे धरणाच्या सांडव्यावरून ९३८ क्युसेक विसर्ग होत आहे.

चिकोत्रा धरणक्षेत्रात गेल्या चोवीस तासांत ८१ मिलिमीटर पावसाची नोंद झाली आहे. चिकोत्रा पाणीसाठ्यात वाढ होत आहे. आजअखेर ५७.७९ टक्के धरण भरले आहे. पिंपळगाव परिसरात चिखल कोळपणी सुरू आहे.


इतर ताज्या घडामोडी
युरियाची विषबाधा टाळण्यासाठी काळजी...युरियाची विषबाधा ही सर्व पाळीव प्राण्यांमध्ये...
जळगाव जिल्ह्यात ५७ टक्के पाऊसजळगाव : जिल्ह्यात आतापर्यंत ५७ टक्के पाऊस झाला...
शनिवारपर्यंत सुरू राहणार मका, ज्वारीची...औरंगाबाद : राज्यात रब्बीतील मका व ज्वारी खरेदीला...
परभणी जिल्ह्यात पीकविमा तक्रारींचा...परभणी ः पंतप्रधान पीकविमा योजनेअंतर्गंत टोल फ्री...
नाशिक जिल्ह्यात धरणसाठा ४६ टक्क्यांवरनाशिक : गत सप्ताहात जिल्ह्यातील धरणांच्या पाणलोट...
सोलापूर ःविमा कंपनी शेतकऱ्यांपर्यंत...सोलापूर ः सोलापूर जिल्ह्यात पीकविम्यासाठी भारती...
अकोला ः नैसर्गिक आपत्तीनंतर पीकविमा...अकोला ः पीकविमा हा आपत्तीच्या काळात शेतकऱ्यांना...
मंगळवेढ्यात सूर्यफूल पीकविम्यातून वगळलेमंगळवेढा, जि. सोलापूर ः मंगळवेढा तालुक्यात...
कोल्हापूर : पीकविम्याच्या ऑनलाइन...कोल्हापूर : विमा योजनेत सहभागाबाबतीत राज्यात...
नाशिक : पीकविम्याबाबत तक्रारींचा पाढानाशिक : पीकविमा कंपन्यांची असक्षम यंत्रणा......
सिंधुदुर्गात कार्यालय; पण शेतकऱ्यांना...सिंधुदुर्गनगरी : विमा कंपनीचे सिंधुदुर्गनगरी येथे...
रत्नागिरी : पूरबाधित शेतकऱ्यांची...रत्नागिरी : जिल्ह्यातील नदी किनारी भागात पुरामुळे...
नांदेडमध्ये विमा कंपनीचे जिल्ह्याच्या...नांदेड : पंतप्रधान पीकविमा योजनेत जिल्ह्यासाठी...
नगर : विमा कार्यालय, हेल्पलाइन नंबरची... नगर : नुकसानीची शेतकऱ्यांना भरपाई मिळावी,...
कोल्हापूर : पूर फुटाने वाढला, इंचाने...कोल्हापूर : जिल्ह्यातील पूरस्थिती हळूहळू कमी होत...
राजकीय नेत्यांनी पूरग्रस्त भागांचे दौरे...मुंबई : राजकीय नेत्यांनी पूरग्रस्त भागाचे दौरे...
विमा कंपनीचा कारभार चालतोय कृषी...सातारा : जिल्ह्यात खरिपाच्या सुरूवातीस पावसाने...
चिपळूणमधील पूरग्रस्तांसाठी पुनर्वसन...रत्नागिरी : ढगफुटीसदृश पावसामुळे चिपळूणकरांचे...
पाणी ओसरताच तातडीने पंचनामेकोल्हापूर : पूरग्रस्तांना आवश्यक ती मदत राज्य...
शेतकरी नियोजन पीक : कांदाशेतकरी : नंदकुमार काशिनाथ उशीर गाव : धोडंबे, ता...