Agriculture news in marathi Heavy rains, floods in Akola 33 thousand hectares hit | Agrowon

अतिवृष्टी, पुराचा अकोल्यातील ३३ हजार हेक्टरला फटका 

टीम अॅग्रोवन
शनिवार, 24 जुलै 2021

अकोला जिल्ह्यात अतिवृष्टी व पुरामुळे ३३ हजार हेक्टरहून अधिक नुकसान झाल्याचा प्राथमिक अंदाज आहे. पुरामुळे १५०पेक्षा अधिक जनावरे दगावली असून, पुरात वाहून गेल्याने एका व्यक्तीचा मृत्यू झाला आहे.

अकोला : जिल्ह्यात अतिवृष्टी व पुरामुळे ३३ हजार हेक्टरहून अधिक नुकसान झाल्याचा प्राथमिक अंदाज आहे. पुरामुळे १५०पेक्षा अधिक जनावरे दगावली असून, पुरात वाहून गेल्याने एका व्यक्तीचा मृत्यू झाला आहे. दरम्यान, शुक्रवारी (ता. २३) जिल्ह्यात अनेक ठिकाणी पावसाने दमदार हजेरी लावली. दिवसभर संततधार पाऊस सुरू होता. 

गुरुवारी (ता.२२) मुसळधार पावसामुळे जिल्ह्यात अकोला, बार्शी टाकळी व इतर तालुक्यात हाहाकार उडाला होता. या नुकसानीचे १३ पथकांकडून तातडीने पंचनामे केले जाणार आहेत. या बाबत निवासी उपजिल्हाधिकारी संजय खडसे यांनी तातडीची बैठक घेऊन निर्देश दिले आहेत. 

पावसामुळे अकोट तालुक्यातील पनोरी येथील ४५ वर्षीय व्यक्ती पठार नदीच्या पुरामध्ये वाहून गेला असून, त्याचे शोधकार्य सुरू आहे. या आपत्तीत जिल्ह्यात २२३७ घरांचे नुकसान झाले आहे. ३३ हजार हेक्टरहून अधिक क्षेत्रावरील पिकांचे नुकसान झाले आहे. या शिवाय १५३ जनावरांचाही मृत्यू झाला आहे. अद्याप अंतिम अहवाल आलेला नसल्याने यात मोठ्या वाढीची शक्यता आहे. 
मोर्णा नदीला आलेल्या पुरामुळे ४० लोकांना तातडीने सुरक्षित ठिकाणी हलविण्यात आले आहे. तसेच उगवा गावाच्या शेतात पुरामुळे अडकलेल्या दोन लोकांना एसडीआरएफ पथकाने सुरक्षित बाहेर काढले आहे.

अतिवृष्टीचा पंचनामा करण्याकरिता तलाठी, ग्रामसेवक व कर्मचाऱ्यांचे संयुक्त पथकाद्वारे सर्वेक्षण करण्यात येणार आहे. सुरक्षेच्या अनुषंगाने नागपूर येथील एसडीआरएफ पथक व स्थानिक आपत्ती पथक सज्ज ठेवण्यात आले आहे. शुक्रवारी सकाळी सातपुड्याच्या पायथ्याच्या भागात जोरदार पाऊस पडला. या पावसामुळे त्या भागातील नदी-नाल्यांना पूर आले आहेत. दिवसभर संततधार पाऊस सर्वत्र पडत होता. या पावसामुळे काही ठिकाणी पिकांमध्ये मोठे पाणी साचल्याने नुकसान होण्याची शक्यता वाढली आहे. 

सतर्कतेचा इशारा 
नागपूर येथील हवामान विभागाच्या संदेशानुसार मंगळवारपर्यंत (ता.२७) कालावधीत जिल्ह्यामध्ये हलका ते मध्यम अधिक स्वरूपाचा पाऊस तसेच विजांचा कडकडाटही होण्याची शक्यता वर्तविण्यात आली आहे. या कालावधीसाठी प्रशासनाने सतर्कतेचा इशारा दिला आहे. संबंधित अधिकारी, कर्मचारी, मंडळ अधिकारी, तलाठी, ग्रामसेवक, कृषी सहायक, आरोग्य विभागाचे कर्मचारी यांनी आपले मुख्यालयी उपस्थितीत राहून सर्व यंत्रणांनी योग्य ती दक्षता घ्यावी, असे निर्देश जिल्हाधिकारी निमा अरोरा यांनी दिले आहेत. 

बुलडाणा, वाशीममध्ये संततधार 
बुलडाणा आणि वाशीममध्‍ये संततधार पाऊस सुरू आहे. अकोल्याच्या तुलनेत या दोन जिल्ह्यात हलका पाऊस सुरू असून, हा पाऊस पिकांना पोषक आहे. मात्र, अजून काही दिवस असाच पाऊस सुरू राहिल्यास पिके पिवळी पडण्याची शक्यता आहे. मात्र, या दोन जिल्ह्यांना अद्याप पावसाचा तडाखा बसलेला नाही. पिके जोमाने वाढत आहेत. 

  • अकोल्यातील परिस्थिती
  • अकोला जिल्ह्यात अतिवृष्टी व पुरामुळे ३३ हजार हेक्टरहून अधिक क्षेत्राचे नुकसान 
  • पुरामुळे १५०पेक्षा अधिक जनावरे दगावली, वाहून गेल्याने एका व्यक्तीचा मृत्यू 
  • मुसळधार पावसामुळे अकोला, बार्शी टाकळी व इतर तालुक्यात हाहाकार उडाला 
  • तेरा पथकांना नुकसानीचे पंचनामे करण्याचे आदेश 
  • जिल्ह्यातील २२३७ घरांचे नुकसान 
  • मोर्णा नदीला पूर, ४० लोकांना सुरक्षित ठिकाणी हलविले 

 


इतर ताज्या घडामोडी
‘कृषी’ शिक्षक म्हणून कृषी, संलग्न ...कोल्हापूर : शालेय शिक्षणात कृषी विषयाचा समावेश...
शिसोदे समितीची आज तातडीची बैठकपुणे ः जलयुक्त शिवार कामांमध्ये झालेल्या कोट्यवधी...
शेतीमाल, दुग्धजन्य पदार्थ निर्यात...पुणे : कृषी व प्रक्रियायुक्त अन्न उत्पादन निर्यात...
बुडताना दिसले अन् काही क्षणांत दिसेनासे...वरुड, जि. अमरावती : डोळ्यांसमोर सारे बुडताना दिसत...
‘जनधन’मुळे मदत गरजूंपर्यंत : केंद्रीय...औरंगाबाद : जनधन, आधार आणि बँक खात्याशी मोबाईल...
पूर्वसूचना अर्ज भरण्यासाठी निलंग्यात...निलंगा, जि. लातूर : ऑफलाइन पद्धतीने विमा कंपनीस...
शेतकऱ्यांसाठी महावितरणने हप्ते बांधून...पुणे : कोरोनामुळे महावितरण कंपनीवरही आर्थिक ताण...
केंद्र्याच्या कृषी कायद्यांविरोधातील २७...कोल्हापूर : शेतकरीविरोधी कायदे मागे घ्यावेत,...
देवसंस्थांच्या जमिनीवर वहिवाटदारांचा...जेजुरी, जि. पुणे : देवसंस्थानच्या मालकीच्या...
पुरस्कारांच्या प्रस्तावावरून कृषी...अकोला : विविध पुरस्कारांसाठी शेतकऱ्यांनी दाखल...
कोयना धरणात १०१ टीएमसीवर पाणीसाठाकोयनानगर, जि. सातारा : शंभर दिवस ओलांडलेल्या...
उजनी धरणात उपयुक्त साठा ६४ टक्केच;...सोलापूर : उजनी धऱणाच्या पाणलोट क्षेत्रात अद्यापही...
अकोला जिल्ह्यात ओला दुष्काळ जाहीर करा...अकोला ः जिल्ह्यात अतिपावसाने धुमाकूळ घातला असून...
राज्यात तीन अन्न प्रक्रिया प्रकल्पांचे...नाशिक : राज्यातील तीन अन्न प्रक्रिया प्रकल्पांचे...
वाशीम झेडपी निवडणुकीचा चेंडू पुन्हा...वाशीम : सर्वोच्च न्यायालयाच्या आदेशानुसार रिक्त...
‘एफआरपी’च्या तुकड्यांनी शेतकरी...कऱ्हाड, जि. सातारा : एकरकमी ‘एफआरपी’चे तीन तुकडे...
हिंगोलीत मुहूर्ताच्या सोयाबीनला ११ हजार...हिंगोली : येथील कृषी उत्पन्न बाजार समितीअंतर्गत...
पीक नुकसान नोंदीसाठी विमा कंपन्यांच्या...परभणी : ७२ तासांच्या आत पीक नुकसानीची नोंद...
राज्यसभेच्या एका जागेसाठी ४ ऑक्टोबरला...नवी दिल्ली : महाराष्ट्रातून राज्यसभेवर रिक्त...
गणेशोत्सवासाठी सिंधुदुर्ग सज्ज; तीन...सिंधुदुर्गनगरी : घरोघरी गणेशोत्सव साजरा करण्याची...