Agriculture news in Marathi, Heavy rains, hit the kharif crops | Agrowon

नांदेड ः वादळी पाऊस, गारपिटीमुळे खरीप पिके झोडपली

टीम अॅग्रोवन
मंगळवार, 8 ऑक्टोबर 2019

नांदेड ः सोयाबीनची सुगी, लवकर लागवड केलेल्या कपाशीची वेचणी, मूग, उडदानंतर रबीची पेरणी सुरू असताना गेल्या काही दिवसांपासून नांदेड, परभणी, हिंगोली जिल्ह्यात सततचा पाऊस नुकसानकारक ठरत आहे. या तीन जिल्ह्यात रविवारी (ता. ६) दुपारी वादळी वाऱ्यासह झालेला जोरदार पाऊस गारपिटीमुळे खरीप पिके झोडपून निघाली. सोयाबीनच्या शेंगा फुटल्या, कपाशीची पाने, बोंडे गळून पडली. हळदीच्या पानाच्या झिरमाळ्या झाल्या. दसरा सणाच्या पूर्वसंध्येला हाती आलेला घास निसर्गाने हिरावल्याने शेतकऱ्यांपुढील अडचणी वाढल्या आहेत.

नांदेड ः सोयाबीनची सुगी, लवकर लागवड केलेल्या कपाशीची वेचणी, मूग, उडदानंतर रबीची पेरणी सुरू असताना गेल्या काही दिवसांपासून नांदेड, परभणी, हिंगोली जिल्ह्यात सततचा पाऊस नुकसानकारक ठरत आहे. या तीन जिल्ह्यात रविवारी (ता. ६) दुपारी वादळी वाऱ्यासह झालेला जोरदार पाऊस गारपिटीमुळे खरीप पिके झोडपून निघाली. सोयाबीनच्या शेंगा फुटल्या, कपाशीची पाने, बोंडे गळून पडली. हळदीच्या पानाच्या झिरमाळ्या झाल्या. दसरा सणाच्या पूर्वसंध्येला हाती आलेला घास निसर्गाने हिरावल्याने शेतकऱ्यांपुढील अडचणी वाढल्या आहेत.

दरम्यान, सोमवारी (ता. ७) सकाळी आठपर्यंतच्या २४ तासांमध्ये नांदेड, परभणी, हिंगोली जिल्ह्यांतील मंडळांमध्ये हलका ते जोरदार पाऊस झाला. नांदेड जिल्ह्यातील कुंटूर मंडळांमध्ये सर्वाधिक ९८ मिलिमीटर पाऊस झाला. नांदेड जिल्ह्यातील ४५ मंडळांमध्ये हलका ते जोरदार पाऊस झाला. नांदेड, अर्धापूर, लोहा, कंधार तालुक्यांतील अनेक मंडळांमध्ये जोरदार पाऊस झाला. वादळी वारे, गारपिटीमुळे सोयाबीन, कपाशीचे, हळद पिकांचे नुकसान झाले. परभणी जिल्ह्यातील २५ मंडळांमध्ये हलका ते मध्यम पाऊस झाला. सेलू, परभणी, पालम, पूर्णा तालुक्यांतील अनेक मंडळांमध्ये वादळी वाऱ्यासह जोरदार पाऊस झाल्याने सोयाबीन, कपाशी आदी पिके झोडपून निघाली.

हिंगोली जिल्ह्यातील ३० पैकी ८ मंडळांमध्ये पाऊस झाला. वसमत तालुक्यात वादळी वारे, गारपीट झाली. त्यामुळे काढणीच्या अवस्थेतील सोयाबीनच्या शेंगा फुटून नुकसान झाले. हळद पिकांचे पाने फाटून झिरमाळ्या झाल्या. कपाशीचे बोंडे लागलेले पीक जमिनीवर आडवे झाल्याने झाडे मोडून पडल्याने मोठे नुकसान झाले.

मंडळनिहाय पाऊस (मिलिमीटरमध्ये)
नांदेड जिल्हा ः नांदेड शहर  २२, तुप्पा ६५, विष्णुपुरी २९, वसरणी ४४, वजीराबाद १२, तरोडा ५, लिंबगाव ११, अर्धापूर १६, दाभड १८, मुगट ८, जलधारा ११, हिमायतनगर ४१, किनी ६, उमरी ७, सिंधी ९, गोळेगाव ३०, धर्माबाद १८, जारिकोट २९, नायगाव १०, नरसी ८, बरबडा १४, कुंटूर ९८, आदमपूर ६, मरखेल २८, हानेगाव २०, मुक्रमाबाद ११, कंधार ४५, उस्मानननगर २७, बारुळ १९, पेठवडज ११, फुलवळ १५, लोहा ३७, माळाकोळी ७, कलंबर ५८,  शेवडी ९, सोनखेड ३४, कापसी १०. 

परभणी जिल्हा ः परभणी शहर ६, पेडगाव ६, जिंतूर ९, सावंगी म्हाळसा १८, आडगाव ८, सेलू १८, देऊळगाव ३५, मानवत ३८, केकरजवळा ८, पाथरी १५, बाभळगाव ६, पालम ३०, चाटोरी १७, बनवस १८, पूर्णा २६, ताडकळस ३१, चुडावा १०.

हिंगोली जिल्हा ः वसमत ५, जवळाबाजार १९, साळणा ६.


इतर ताज्या घडामोडी
मिरज पूर्व भागाला पाणीपट्टी भरूनही पाणी...आरग, जि. सांगली ः नेहमीच दुष्काळी भागाला जीवनदायी...
लालपरीतून हापूस पोचला औरंगाबादलाराजापूर, जि. रत्नागिरी ः लॉकडाऊनमुळे आर्थिक...
सिंधुदुर्ग जिल्ह्यात एक जूनपासून...सिंधुदुर्ग ः जिल्ह्यात १ जूनपासून मासेमारी बंद...
कोल्हापुरात महावितरणची वीजबिल भरणा...कोल्हापूर : गेली दोन महिने लॉकडाऊनमुळे बंद असलेली...
बाजरीची शासकीय खरेदी सुरू करा,...जळगाव : खानदेशातील बाजार समित्यांमध्ये बाजरीची...
मॉन्सूनच्या पार्श्‍वभूमीवर उपाययोजनांची...औरंगाबाद : ‘‘पावसाळ्यात उद्भवणाऱ्या समस्यांची...
नांदेड जिल्ह्यात जागेअभावी दोन...नांदेड : जिल्ह्यातील भारतीय कापूस महामंडळ (सीसीआय...
पीक विम्याची रक्कम बचत खात्यांत जमा...नाशिक : बॅंकांनी कोरोनाच्या काळात पीक...
हिंगोलीत १० हजार ८६६ शेतकऱ्यांना पीक...हिंगोली : जिल्ह्यात शुक्रवार (ता.२२) पर्यंत १०...
केंद्र सरकारच्या पॅकेजच्या निषेधार्थ...नांदेड : शेतकऱ्यांना खरिप हंगामासाठी तत्काळ...
सटाणा येथे मका खरेदी, विक्रीचे कामकाज...नाशिक : राज्य शासनातर्फे किमान आधारभूत किंमत...
उस्मानाबादमध्ये हरभरा विक्रीसाठी २०...उस्मानाबाद : जिल्ह्यात हरभऱ्याच्या खरेदीसाठी सुरु...
पत संरचनेवर टाळेबंदीचे परिणाम, उपाय...मुंबई : कोरोना महामारीला प्रतिबंध घालण्यासाठी...
नाशिक : शेतकरी संघटनांच्या...नाशिक : केंद्र सरकारच्या दुर्लक्षामुळे शेती आणि...
खते, बियाणे थेट बांधावर उपलब्ध करुन...अकोला ः या खरीप हंगामासाठी मुबलक प्रमाणात खते,...
प्रोत्साहनात्मक अनुदान शेतकऱ्यांच्या...कोल्हापूर : प्रामाणिकपणे कर्ज भरणाऱ्या...
राज्यातील कापूस खरेदी पंधरा जूनपर्यंत...मुंबई : कोरोनाच्या पार्श्वभूमीवर कापूस खरेदीसाठी...
दापोली : कृषिमंत्री भुसे आज साधणार...चिपळूण, जि. रत्नागिरी ः दापोली येथील डॉ....
पेठ येथे कृषी मंत्र्यांच्याहस्ते कृषी...बुलडाणा ः अकोला येथील विभागीय खरीप आढावा बैठक...
लोकसहभागातून मैराळडोह येथे पांदण...वाशीम ः सध्या लॉकडाऊन सुरू असून या फावल्या वेळेत...