Agriculture News in Marathi Heavy rains in Khandesh Cotton crop conditions are critical | Page 4 ||| Agrowon

खानदेशात अतिपावसाने  कापूस पीकस्थिती बिकट 

टीम अॅग्रोवन
रविवार, 19 सप्टेंबर 2021

खानदेशात पूर्वहंगामी कापूस पिकाची स्थिती बिकट बनली आहे. अतिपावसाने पिकातील कैऱ्या, बोंडांचे मोठे नुकसान होत आहे. वेचणीवर आलेल्या कापसात बोंडांचा अक्षरशः चिखल बनत आहे. 
 

जळगाव : खानदेशात पूर्वहंगामी कापूस पिकाची स्थिती बिकट बनली आहे. अतिपावसाने पिकातील कैऱ्या, बोंडांचे मोठे नुकसान होत आहे. वेचणीवर आलेल्या कापसात बोंडांचा अक्षरशः चिखल बनत आहे. 

फक्त कापूस पीक तेवढेच खानदेशात बऱ्या अवस्थेत होते. परंतु या पिकालादेखील अतिपावसाने झोडपले आहे. यापूर्वी उडीद, मूग आदी पिके जून, जुलैमधील पावसाच्या ओढीने हातची गेली. दुबार, तिबार पेरणी करावी लागली. ऑगस्टच्या मध्यानंतर पावसाचे आगमन झाले. तेव्हापासून पाऊस सुरूच आहे.

ऑगस्टअखेर पूर्वहंगामी कापूस पिकात वेचणी सुरू होण्याची स्थिती होती. काही दिवस कोरडे वातावरण अपेक्षित होते. परंतु वातावरण खराब होत गेले. सतत पाऊस सुरू आहे. गेले १० दिवस जळगाव, धुळे, नंदुरबार जिल्ह्यात पाऊस रोज येत आहे. यामुळे पिकांची स्थिती अधिक बिकट बनली आहे.

काही भागात उडीद, मूग ही पिके काढणीवर आहेत. सोयाबीन काढणीवर येत आहे. परंतु पाऊस सुरू असल्याने कापणी, वेचणी, काढणी, मळणी आदी कार्यवाही बंद आहे. शेतकरी मेटाकुटीस आले आहेत. कारण पीक हातचे जात आहे. 

खानदेशात पीक प्रमुख कापूस आहे. जळगाव जिल्ह्यात सुमारे पाच लाख १८ हजार, धुळ्यात दोन लाख २० हजार आणि नंदुरबारात एक लाख १४ हजार हेक्टरवर कापूस लागवड झाली आहे. यात पूर्वहंगामी कापूस पिकाखालील क्षेत्र सुमारे सव्वालाख हेक्टर एवढे आहे. मेच्या अखेरीस व जूनच्या पहिल्या आठवड्यात लागवड झाली होती.

या पिकाची स्थिती ऑगस्टच्या सुरुवातीला चांगली होती. परंतु आता अतिपावसाने पीक लाल, पिवळे, काळे पडत आहे. कैऱ्या, बोंडे लालसर, काळवंडत आहेत. पिकाचा दर्जा सतत घसरत आहे. यामुळे उत्पादकतेवर मोठा परिणाम होत असून, शेतकऱ्यांनुसार एकरी फक्त तीन ते साडेतीन क्विंटल उत्पादन पूर्वहंगामी किंवा बागायती कापूस पिकात मिळेल, अशी स्थिती आहे. उत्पादन खर्चही निघणार नाही, असेही शेतकरी सांगत आहेत. 

जळगाव, धुळे व नंदुरबारात अतिवृष्टी झाल्याची स्थिती आहे. जळगावमधील चाळीसगाव, जामनेर, जळगाव, चोपडा, अमळनेर, पारोळा, भडगाव, यावल, रावेर, मुक्ताईनगर, बोदवड, धरणगाव, एरंडोल या सर्वच तालुक्यांमध्ये काळ्या कसदार जमिनीत कापूस पिकाची स्थिती बिकट आहे. शेतातील सखल भागात पाणी तुंबले आहे. धुळ्यातील शिंदखेडा, शिरपूर, धुळे, साक्री भागातही कापूस पिकाला मोठा फटका बसला आहे. नंदुरबारमधील तळोदा, शहादा, नंदुरबार, अक्कलकुवा, नवापूर येथेही पूर्वहंगामी कापूस पिकात किमान ५० ते ६० टक्के नुकसान झाले आहे. 

प्रतिक्रिया
कापूस पिकाची स्थिती अतिपावसाने बिकट बनली आहे. एकरी दोन ते तीन क्विंटलही उत्पादन येणार नाही. उत्पादन खर्चही हाती येईल की नाही, याबाबत शंका आहे. 
- राजाराम पाटील, शेतकरी, भडगाव, जि. जळगाव
 


इतर बातम्या
जळगाव जिल्ह्यात पाणीपातळीत वाढजळगाव ः नवरात्रोत्सवानंतर जिल्ह्याला परतीच्या...
सोलापूर जिल्ह्यात यंदा हंगामात तीन लाख...सोलापूर ः जिल्ह्यातील गाळप हंगाम सुरू झाला आहे....
हमीभाव खरेदी केंद्राचा चेंडू राज्य...नागपूर ः भारतीय कापूस महामंडळाने खुल्या बाजारातून...
जळगाव जिल्हा बँकेत  मविआ विरूद्ध भाजप...जळगाव : काँग्रेसने भाजपसोबत सर्वपक्षीय पॅनलमध्ये...
हातातोंडाशी आलेला घास पावसाने हिरावलाअकोला ः मागील ४८ तासांत वऱ्हाडातील अकोला, वाशीम,...
हेकेखोर विमा कंपन्यांनी वेठीस धरलेपुणे ः शेतकऱ्यांना विमा भरपाई मिळण्यासाठी...
ओल्या दुष्काळाची घोषणा करा अकोला : विदर्भ, मराठवाड्यात मागील दोन दिवसांत...
पुण्यातील धरणांतून विसर्ग बंदपुणे : परतीचा पाऊस राज्यातून परतल्याने पावसाने...
राज्यात हवामान कोरडे राहण्याची शक्यतापुणे : बंगालच्या उपसागरातील कमी दाबाच्या...
नगर जिल्ह्यात निम्म्या सोयाबीनची नासाडीनगर ः नगर जिल्ह्यात यंदा सोयाबीनच्या क्षेत्रात...
मॉन्सूनोत्तर पावसाने पुन्हा दाणादाणनाशिक : जिल्ह्यात अतिवृष्टीच्या झळा शेतकरी सोसत...
अन्यथा स्वाभिमानी रस्त्यावर उतरणार :...नागपूर : केंद्र आणि राज्य सरकारने आपसात काय गोंधळ...
सरकार साखर उद्योगासह ऊस उत्पादकांच्या...सोलापूर ः ‘‘साखर उद्योग शेतकऱ्यांचा आहे....
सोलापूर जिल्ह्यात ऊसबिलाची थकबाकी मिळेनासोलापूर ः जिल्ह्यात यंदाच्या गळीत हंगामाला सुरवात...
आदिवासी वस्तीच्या पुनर्वसनासाठी लवकर...नाशिक : ‘‘शेतकरी असो वा शेतमजूर यांची प्रगती कशी...
खानदेशात पावसाने सोयाबीन, कापसाचे नुकसानजळगाव: खानदेशात अनेक भागात शनिवारी (ता. १६)...
जळगाव : वाघूर प्रकल्पग्रस्तांना...शेंदुर्णी, जि. जळगाव : वाघूर प्रकल्पासाठी २००५...
जालना बांबू लागवडीचे देशातील मोठे...जालना : ‘‘उद्योजकांनी आपल्या आवाहनाला प्रतिसाद...
सिंधुदुर्गमध्ये सरासरीच्या ९० टक्के... सिंधुदुर्गनगरी : जिल्ह्यात आतापर्यंत ४०५२ मिमी...
वाहतुकदारांच्या समस्या सोडविणार :... मुंबई : कोविडमुळे आर्थिक संकटात असलेल्या...