सातारा : कोयना धरण क्षेत्रात मंगळवारी मुसळधार पाऊस झाल्याने धरणात पाण्याची मोठ्या प्रमाणात आवक झाली आहे. बुधवारी सकाळी आठ पर्यंतच्या २४ तासांत धरणात सहा टीएमसीने पाणीसाठ्यात वाढ झाली आहे.
पावसाने दडी मारल्याने धरणे भरणार की नाही अशी परिस्थिती निर्माण झाली होती. मात्र, सोमवार पासून पावसास सुरुवात झाल्याने धरणात पाण्याची आवक होऊ लागली आहे. मंगळवारी धरण क्षेत्रात पावसाचा जोर वाढत गेला. धरण क्षेत्रातील कोयना २४७, नवजा ३००, महाबळेश्वर ३०४ मिलिमीटर पाऊस झाला आहे. या दमदार पावसामुळे धरणात प्रतिसेंकद एक लाख ११ हजार क्यूसेक पाण्याची आवक होत होती. यामुळे धरणात २४ तासात सहा टीएमसीमे पाणीसाठ्यात वाढ झाली.
सध्या धरणात ५५.१५ टीएमसी उपयुक्त पाणीसाठा असून त्यांची टक्केवारी ५५.८ इतकी आहे. इतर प्रमुख धरणाच्या पाणलोट क्षेत्रात दमदार पाऊस सुरू असल्याने पाण्याची आवक वाढली आहे. यामुळे धरणाच्या पाणीपातळीत चांगलीच वाढ होत आहे. सध्या धोम- ५.५१, धोम-बलकवडी- २.४६, कण्हेर- ५.०६, उरमोडी- ६.७४, तारळी- ३.०५, नीरा-देवघर ३.०६, भाटघर- ९.८६, वीर ३.७२ टीएमसी उपयुक्त पाणीसाठा उपलब्ध आहे.
Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.
ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.