औरंगाबाद : औरंगाबाद, जालना, परभणी या तीनही जिल्ह्यातील सर्वच मंडळांत मंगळवारी (ता. ११) सकाळपर्यंतच्या चोवीस तासांत पावसाने हजेरी लावली. जालना जिल्ह्यातील एका मंडळात अतिवृष्टी, तर बहुतांश मंडळांत मध्यम ते दमदार पाऊस झाला. औरंगाबाद जिल्ह्यातील ६५ मंडळांत पावसाने हजेरी लावली.
औरंगाबाद तालुक्यात पावसाचा जोर अधिक होता. औरंगाबाद मंडळात ३२.८, उस्मानपुरा २७.८, भावसिंगपुरा २५.८, चिकलठाणा ३०, करमाड २२.८, लाडसावंगी ३८.५, हरसुल २५.५, चौका २७.८, डोणगाव २७.३, कन्नड २६.८, करंजखेडा २१, सुलतानपूर ३२.३, बाजार ३८.३, निल्लोड २२.८, अजिंठा ३७.८, सावलदबारा २५, फुलंब्री २५.३, आळंद २०.५, पिरबावडा २९.३, तर वडोदबाजारमध्ये २८ मिलिमीटर पाऊस झाला.
जालना जिल्ह्यातील सर्व ४९ मंडळांत पाऊस झाला. भोकरदन तालुक्यात पावसाचा जोर सर्वाधिक होता. त्यापाठोपाठ जाफराबाद, जालना, मंठा तालुक्यात चांगला पाऊस झाला. वरुड मंडळात सर्वाधिक ९४ मिलिमीटर पाऊस झाला. भोकरदन मंडळात ४४.८, सिपोरा ४१.५, धावडा ३४.८, अनवा ३०.३, पिंपळगाव ५१, हसनाबाद ३४, राजूर ३७.३, केदारखेडा ३६.५, जाफराबाद ६३.८, माहोरा ४६.८, कुंभारझरी ५४.५, टेंभुर्णी ५४.८, वाघरुळ २६.३, नेर २८.५, शेवली २२.८, विरेगाव २२, शेळगाव २१.३, दाभाडी ३०.५, बावणे पांगरी २८.५, मंठा २६.८, तळणी २१.३, ढोकसाल २८.३, तर पांगरीत २४.८ मिलिमीटर पाऊस झाला.
परभणी जिल्ह्यातील ३९ मंडळांत तुरळक, मध्यम पाऊस झाला. त्यापैकी दोन मंडळांत दमदार पाऊस झाला. झरी मंडळात २३ मिलिमीटर, तर जिंतूर ४५.८, सांगवी ४९.८, बामणी २२.५, आडगाव ३६.५, चारठाणा २४, पूरणा २२, ताडकळस २८.३, लिमला ३१, कांतेश्वर ३२.५, चुडावा २९.५, वालूर २९.८, तर चिकलठाणा मंडळात २८ मिलिमीटर पाऊस झाला.
Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.
ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.