Agriculture news in Marathi Heavy rains in Parbhani affected 34,000 hectares of crops | Page 3 ||| Agrowon

परभणीत अतिवृष्टीने ३४ हजार हेक्टर पिके बाधित

टीम अॅग्रोवन
सोमवार, 26 जुलै 2021

अतिवृष्टी व पूरपरिस्थितीमुळे परभणी जिल्ह्यातील आठ तालुक्यांतील २४२ गावांतील जिरायती, बागायती, फळपिके मिळून एकूण ३३ हजार ९२७ हेक्टरवरील पिकांचे नुकसान झाले असल्याचा प्राथमिक अंदाज आहे.

परभणी ः अतिवृष्टी व पूरपरिस्थितीमुळे परभणी जिल्ह्यातील आठ तालुक्यांतील २४२ गावांतील जिरायती, बागायती, फळपिके मिळून एकूण ३३ हजार ९२७ हेक्टरवरील पिकांचे नुकसान झाले असल्याचा प्राथमिक अंदाज आहे. पीक नुकसानीचे सर्वेक्षण करून पंचनामे केले जात आहेत, अशी माहिती निवासी उपजिल्हाधिकारी महेश वडदकर यांनी दिली.

सोमवार (ता. १२) ते गुरुवार (ता. २२) या कालावधीत झालेल्या अतिवृष्टीमुळे पूरपरिस्थिती उद्‌भवली. नाले, ओढे, नद्यांच्या पुराचे पाणी उभ्या पिकांमध्ये शिरले. सखल भागातील जमिनीवरील सोयाबीन, कपाशी, तूर, मूग, उडीद, ज्वारी, हळद, भाजीपाला, फळपीके पिके पाण्याखाली गेली. बांध फुटले, जमिनी खरखडून गेल्या. पुरामध्ये जनावरे वाहून गेली. महसूल विभागाच्या प्राथमिक अंदाजानुसार ३३ हजार २३७ हेक्टरवरील जिरायती पिके, ६०० हेक्टरवरील बागायती, ९० हेक्टरवरील फळपिकांचे नुकसान झाले आहे. परभणी, जिंतूर, सेलू, मानवत, पाथरी, गंगाखेड, पालम, पूर्णा या तालुक्यांतील २४२ गावांत गोदावरी, दुधना, पूर्णा, करपरा, गळाटी, लेंडी आदी नद्यांसह ओढे नाल्यांच्या पुरांचा फटका बसला आहे. जिंतूर तालुक्यात पाझर तलाव फुटल्याने जमिनी खरडून गेल्या आहेत. परभणी तालुक्यात सर्वाधिक पीकहानी झाली आहे. जिरायती पिकांचे नुकसान सर्वाधिक आहे. स्थळ पंचनामे पूर्ण झाल्यानंतर नुकसान क्षेत्राची अंतिम व्याप्ती स्पष्ट होईल.

३१३ जनावरे दगावली...
पालम तालुक्यात १ व्यक्तीचा मृत्यू झाला. ओढे, नाले, नद्यांच्या पुरामध्ये लहान, मोठी ३१३ जनावरे दगावली. त्यात शिर्शी बुद्रुक (ता. परभणी)  येथील २४८ मेंढ्याचा समावेश आहे. परभणी, जिंतूर, गंगाखेड, पालम, पूर्णा तालुक्यातील मिळून एकूण ४१ मोठी जनावरे दगावली. घरात पाणी घुसल्याने परभणी तालुक्यातील ७५०  घरे, जिंतूर तालुक्यातील २०० घरे, पाथरी तालुक्यातील १० घरे असे एकूण ९६० घरांचे नुकसान झाले आहे. मानवत तालुक्यातील ३, गंगाखेड, पालम, पूर्णा तालुक्यातील प्रत्येकी २ असे एकूण ९ घरांची अंशतः पडझड झाली आहे.


इतर ताज्या घडामोडी
वसुंधरेला धनधान्याने समृद्ध करा ः...दापोली, जि. रत्नागिरी ः शेती करणे हे जगातील...
पीकविमाप्रश्‍नी चूल बंद आंदोलनाला...निफाड, जि. नाशिक : तालुक्याच्या पूर्व भागात दोन...
‘कादवा’ करणार सीएनजी निर्मिती ः अध्यक्ष...नाशिक : साखर उद्योग मोठ्या अडचणीतून मार्गक्रमण...
मेघोली तलाव फुटून शेतीचे नुकसानकोल्हापूर ः मेघोली (ता. भुदरगड) येथील लघू तलाव...
नगर, शेवगाव, पाथर्डीत पावसाने नुकसाननगर ः शेवगाव, पाथर्डी, नगर तालुक्यांत दोन...
खडकपूर्णा प्रकल्पाचे तीन गेट उघडले बुलडाणा ः मराठवाड्यात होत असलेल्या पावसाचा फायदा...
पीकविमा न देणाऱ्या ११ बँकांवर कारवाईजळगाव ः जिल्ह्यात सुमारे दहा हजार शेतकऱ्यांनी...
डॉ. आढाव, रावल यांना आबासाहेब वीर...सातारा : ज्येष्ठ स्वातंत्र्यसेनानी किसन महादेव...
मराठवाड्यात ६७ मंडळांत अतिवृष्टीऔरंगाबाद : कायम लहरीपणाचा परिचय देणारा पाऊस...
कपाशी, मिरची पिकांत वाढली ‘मर’औरंगाबाद : पावसाची उघडीप मिळाली असताना आता...
सरकारकडून तिसऱ्या लाटेचा बाऊ ः...नागपूर : राज्य सरकार स्वतःचे अपयश लपविण्यासाठी...
यंदाही बैलपोळा सण साजरा होणार की नाही?अकोला ः गेल्यावर्षात कोरोना निर्बंधामुळे पोळा...
चालते-बोलते विद्यापीठ काळाच्या पडद्याआडपुणे : डॉ. ज्ञानदेव हापसे हे ऊस विज्ञानाचे चालते-...
रब्बी पीक प्रात्यक्षिक अर्जाला आजपासून...हिंगोली : राष्ट्रीय अन्नसुरक्षा अभियान (अन्नधान्य...
निकृष्ट साहित्य मारले शेतकऱ्यांच्या माथीनागपूर ः गैरप्रकारांना चाप बसावा याकरिता थेट...
सोलापूर : भाजीपाल्यांचे दर दबावाखालीसोलापूर : आधीच पावसाने प्रदीर्घ विश्रांती...
कोल्हापुरात भाज्यांचे दर आठवड्यात...कोल्हापूर : येथील बाजार समितीत गेल्या सप्तहापासून...
सिमला मिरची पाच, टोमॅटो चार रुपये किलोनगर : नगरसह जिल्हाभरातील बाजार समित्यांत टोमॅटोला...
सांगली : उत्पादन खर्च वाढला,...सांगली : आठवडा बाजार सुरू झाले आहेत, पण व्यवहार...
सातारा : टोमॅटो, ढोबळी, घेवड्याच्या...सातारा : जुलै महिन्यात झालेली अतिवृष्टी, सध्या...