सिंधुदुर्ग ः सिंधुदुर्गात माॅन्सूनपूर्व पावसाने सोमवारी (ता. १) सायकांळी चारनंतर दमदार हजेरी लावली. दरम्यान रविवारी (ता. ३१) विजांचा कडकडाट आणि जोरदार वाऱ्यांसह जिल्ह्यातील बहुतांशी भागात पाऊस झाला. त्यानंतर सलग दुसऱ्या दिवशी पावसाचे आगमन झाले. पावसामुळे हवेत गारवा निर्माण झाला असून पावसाळी वातावरण निर्माण झाले आहे.
रविवारी अचानक कोसळलेल्या पावसामुळे सर्वांची ताराबंळ झाली. जिल्ह्यातील वीज पुरवठा काही काळ खंडीत झाला होता. दरम्यान प्रशासनाने सतर्कतेचा इशारा दिला असून मच्छीमार बांधवांना समुद्रात न जाण्याचे आवाहन करण्यात आले आहे. जिल्ह्यात रविवारी सकाळपासून ढगाळ वातावरण होते. वातावरणात प्रचंड उष्मा निर्माण झाला होता. दरम्यान सांयकाळी तीन पासून विजांचा कडकडाटांसह पावसाला सुरुवात झाली. सह्याद्री पट्ट्यातून पावसाला सुरुवात झाली.
जिल्ह्यात सतर्कतेचा इशारा जिल्हा प्रशासनाने जिल्ह्यात ३१ मे ते ४ जून या कालावधीत सतर्कतेचा इशारा दिला आहे. या कालावधीत अरबी समुद्रात जोरदार वारे वाहणार आहेत. तर जिल्ह्यात विजांच्या कडकडाटांसह मुसळधार पाऊस कोसळण्याची शक्यता वर्तविली आहे. त्यामुळे मच्छीमार बांधवांना समुद्रात न जाण्याचे आवाहन करण्यात आले आहे. याशिवाय समुद्र किनारपट्टी गावातील तलाठी, ग्रामसेवकांना सतर्क राहण्याच्या सूचना देण्यात आल्या आहेत. विभाग प्रमुखांनी या कालावधीत मुख्यालय सोडू नये, अशी सूचना देखील प्रशासनामार्फत करण्यात आली आहे.
Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.
ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.