औरंगाबाद : औरंगाबाद व जालना जिल्ह्यातील दोन मंडळांत सोमवारी (ता.३) सकाळपर्यंतच्या चोवीस तासांत अतिवृष्टी झाली. तर, उस्मानाबाद, परभणी, लातूर, बीड, हिंगोली, औरंगाबाद, जालना, नांदेड या जिल्ह्यांतील मंडळांत हलका, ते मध्यम पाऊस झाला.
औरंगाबाद जिल्ह्यातील ५१ मंडळांत पावसाची हजेरी लागली. नाचनवेल मंडळात सर्वाधिक १३४ मिलिमीटर पाऊस झाला. १० मंडळात मध्यम ते दमदार, तर इतर मंडळांत तुरळक पाऊस झाला. हिंगोली जिल्ह्यातील १९, बीड जिल्ह्यातील १७, लातूरमधील २०, उस्मानाबादमधील १, परभणीतील १० मंडळांत तुरळक पाऊस झाला. हिंगोली जिल्ह्यातील तीन मंडळांत मध्यम, तर १६ मंडळांत तुरळक पाऊस झाला.
जालना जिल्ह्यातील पाऊस झालेल्या २६ मंडळांपैकी दाभाडी मंडळात ७९.३ मिलिमीटर इतकी अतिवृष्टी झाली. ६ मंडळात मध्यम तर इतर मंडळात तुरळक हलका पाऊस झाला. नांदेड जिल्ह्यातील ५० मंडळात हजेरी लावणारा पाऊस ८ मंडळात मध्यम ते दमदार तर ४२ मंडळात तुरळक हलक्या स्वरूपात बसला.
जिल्हानिहाय पावसाची मंडळ (पाऊस मि.मी)
औरंगाबाद जिल्हा ः कन्नड २२, करंजखेडा २१, चापानेर ३४, सोयगाव ३६.५, गंगापूर ४७, बालानगर ४३.८, आडुळ ३८, अजिंठा २६, कोळेगाव ३५.
हिंगोली जिल्हा ः डोंगरकडा ३१.३, वारंगा ४३.८, टेम्भूर्णी ३४.८
जालना जिल्हा ः हसनाबाद २३.८, राजुर २९.३, केदारखेडा २८.५, वाघरुळ २४, धनगर पिंपरी २४.८, रांजणी ३२.८.
नांदेड जिल्हा ः लोहा २६.६, कापसी २६.६, सोनखेड ५३.३, शेवडी २६.६, कळंबा २६.६, भोकर ३०.३.
Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.
ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.