राज्यातील ३३ जिल्ह्यांसाठी प्रतिहेक्टरी हरभरा उत्पादकता निश्चित

परभणी : किमान आधारभूत किंमत खरेदी योजनेंतर्गंत सन २०१९-२० च्या हंगामात (प्रतिक्विंटल ४ हजार ८७५ रुपये) हरभरा खरेदी करण्यासाठी कृषी विभागाचा सुधारित अंदाज आला आहे. त्यानुसार राज्यातील ३३ जिल्ह्यांसाठी प्रतिहेक्टरी उत्पादकता निश्चित करण्यात आली आहे. सुधारित उत्पादकतेनुसार हरभरा खरेदी करण्याचे आदेश पणन विभागातर्फे देण्यात आले.
Per hector productivity fixed for 33 districts in the state
Per hector productivity fixed for 33 districts in the state

परभणी : किमान आधारभूत किंमत खरेदी योजनेंतर्गंत सन २०१९-२० च्या हंगामात (प्रतिक्विंटल ४ हजार ८७५ रुपये) हरभरा खरेदी करण्यासाठी कृषी विभागाचा सुधारित अंदाज आला आहे. त्यानुसार राज्यातील ३३ जिल्ह्यांसाठी प्रतिहेक्टरी उत्पादकता निश्चित करण्यात आली आहे. सुधारित उत्पादकतेनुसार हरभरा खरेदी करण्याचे आदेश पणन विभागातर्फे देण्यात आले. 

सुधारित अंदाजानुसार राज्यात यवतमाळ जिल्ह्यासाठी सर्वाधिक १८ क्विंटल ४२ किलो, तर रायगड जिल्ह्यासाठी सर्वांत कमी ४ क्विंटल १८ किलो एवढी उत्पादकता निश्चित करण्यात आली आहे. किमान आधारभूत किंमत खरेदी योजनेंतर्गंत नाफेडतर्फे राज्य सहकारी पणन महासंघ आणि विदर्भ सहकारी पणन महासंघ, महाएफपीसींतर्गंत शेतकरी उत्पादक कंपन्यातर्फे हरभऱ्याची खरेदी करण्यासाठी कृषी विभागाच्या व्दितीय अंदाजानुसार जिल्हानिहाय उत्पादकता कळविण्यात आली होती.

आता कृषी विभागाने जिल्हानिहाय सुधारित उत्पादकता उपलब्ध करुन दिली आहे. त्यामुळे यापूर्वीच्या उत्पादकतेत सुधारणा करण्यात येत आहे. 

सुधारित अंदाजानुसार, जिल्हानिहाय हरभऱ्याची खरेदी करावी, असे आदेश सहकार, पणन व वस्त्रोउद्योग विभागाचे उपसचिव (पणन) का. गो. वळवी यांनी राज्य सहकारी पणन महासंघाचे व्यवस्थापकीय संचालक, विदर्भ सहकारी पणन महासंघाचे कार्यकारी संचालक, ‘महाएफपीसी’चे व्यवस्थापकीय संचालक, भारतीय अन्न महामंडळाच्या व्यवस्थापकीय संचालकांना दिले आहेत. 

जिल्हानिहाय प्रतिहेक्टरी उत्पादकता (क्विंटलमध्ये) 

जिल्हा. पूर्वीची उत्पादकता. सुधारित उत्पादकता 
परभणी ७.५०. ८.६८ 
हिंगोली १३ ९.८५
नांदेड १७.०८ 
लातूर ६.५० ११.२९ 
उस्मानाबाद ६.२५. ८.०५ 
बीड ११.५६ 
जालना ६.८७ १०.५८ 
औरंगाबाद ५.५० ९.६२ 
बुलडाणा ६.५०. 
१४.१२  
अकोला १३ १३.०६ 
वाशिम ७.४० ८.४७ 
अमरावती १२ १४.४३ 
यवतमाळ ११.७० १८.४२ 
वर्धा १२.१० 
९.२९   
नागपूर १२.५०
१०.८५   
भंडारा ५.२६ ६.१७ 
गोंदिया ८.१० ४.७० 
चंद्रपूर ७.५० ८.९९ 
गडचिरोली ४.२८ 
नाशिक ८.२१ 
धुळे ७.५० १३.०५ 
नंदूरबार ११.४० ११.८१ 
जळगाव १४.५० १२.६५
नगर ७.५० ९.९० 
पुणे ७.६० ९.०९
सोलापूर ६.५०. ७.९२ 
सातारा १० ९.३८ 
सांगली ६.२६ ७.८० 
कोल्हापूर ९.९५ ९.१६ 
रत्नागिरी ४.७८ ४.७८ 
रायगड ४.१८ ४.१८ 
पालघर ७.२८ ७.२८ 
ठाणे ७.०१ ७.०१ 

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com