Agriculture news in Marathi The hegemonic insurance companies took hold | Page 4 ||| Agrowon

हेकेखोर विमा कंपन्यांनी वेठीस धरले

टीम अॅग्रोवन
मंगळवार, 19 ऑक्टोबर 2021

शेतकऱ्यांना विमा भरपाई मिळण्यासाठी राज्याच्या कृषी विभागाने तत्परता दाखविलेली असताना काही नफेखोर विमा कंपन्यांनी मात्र केंद्र व राज्य सरकारला वेठीस धरले आहे.

पुणे ः शेतकऱ्यांना विमा भरपाई मिळण्यासाठी राज्याच्या कृषी विभागाने तत्परता दाखविलेली असताना काही नफेखोर विमा कंपन्यांनी मात्र केंद्र व राज्य सरकारला वेठीस धरले आहे.

विमा योजनेतील हलगर्जीपणा यापूर्वी ‘अॅग्रोवन’ने वेळोवेळी उघड केला आहे. आता सुरू असलेला हलगर्जीपणा महसूल किंवा कृषी या सरकारी विभागांचा नसून विमा कंपन्यांचाच आहे. ‘‘खासगी कंपन्या नेहमीच बेजबाबदार वागतात व तोंड लपवतात. त्यामुळे कृषी, महसूल विभागात अकारण वादावादी होते,’’ असा दावा एका अधिकाऱ्याने केला आहे. 

खरीप २०२१ हंगामात स्थानिक नैसर्गिक आपत्तीमुळे राज्यात शेतकऱ्यांचे मोठ्या प्रमाणात नुकसान झालेले आहे. पंतप्रधान पीकविमा योजनेतून नुकसानभरपाई मिळण्यासाठी शेतकऱ्यांनी ३२.५६ लाख पूर्वसूचना दाखल केल्या. त्यातील १८.१० लाख प्रकरणांचे पंचनामे तर १४.४६ लाख प्रकरणे प्रलंबित आहेत. पंचनामा झालेल्या ६.८० लाख  शेतकऱ्यांसाठी ३४७ कोटी रुपये इतकी नुकसानभरपाई निश्चित करण्यात आली आहे. 

मध्य हंगाम प्रतिकूल परिस्थितीअंतर्गत जिल्हाधिकाऱ्यांमार्फत २३ जिल्ह्यांमध्ये अधिसूचना काढल्या गेल्या. यापैकी १६ जिल्ह्यांत अंदाजे ४.९४ लाख शेतकऱ्यांना २२४ कोटी नुकसानभरपाई वाटणे अपेक्षित आहे. ‘स्थानिक नैसर्गिक आपत्ती’ व ‘मध्य हंगाम प्रतिकूल परिस्थिती’ अंतर्गत पात्र शेतकऱ्यांना नुकसानभरपाईचे वाटप करायचे असल्यास विमाहप्ता अनुदानाचा पहिला हिस्सा केंद्र व राज्य शासनाने देणे बंधनकारक आहे. 

कृषी विभागाच्या म्हणण्यानुसार, राज्य शासनाने स्वतःचा ९७३ कोटींचा पहिला विमाहप्ता तत्काळ कंपन्यांना दिला. मात्र, यानंतर कंपन्यांनी केंद्राच्या अनुदान हिश्याची मागणी करणे आवश्यक असते. पण, सुरुवातीला फक्त दोन कंपन्यांनी मागणी नोंदविली. मात्र, मागणी नोंदविल्यानंतर केंद्राकडून पैसे येतील आणि ते शेतकऱ्यांना वाटावे लागतील. त्यासाठी चार कंपन्यांनी मुद्दाम मागणी केली नव्हती. कृषी विभागाने सारखा पाठपुरावा केल्यानंतर त्यातील तीन कंपन्यांनी सोमवारअखेर मागणी नोंदविली. परंतु, एका हेकेखोर कंपनीने अजूनही दखल घेतलेली नाही.

कंपन्या सचिवांचेही ऐकेना
खासगी कंपन्यांनी विमाहप्ता अनुदान मागणी करीत नसल्याबद्दल केंद्र शासनाच्या एका बैठकीत राज्याच्या कृषी विभागाने माहिती दिली होती. याशिवाय कृषी सचिवांनीदेखील वेगळी बैठक घेत विमा कंपन्यांना सूचना केली. त्यानंतरही कंपन्या सुस्त होत्या. शेवटी तीन कंपन्यांनी हेका सोडला. परंतु, आयसीआयसीआय लोम्बार्डच्या हटवादी भूमिकेमुळे कृषी खाते हैराण झाले आहे.

भरपाईबाबत नेमके काय घडते आहे?

  • नुकसानभरपाईसाठी किती अर्ज आलेत? :  ३२.५६ लाख पूर्वसूचना प्राप्त झाल्यात. 
  • त्यावर काय कामे झाली? ः १८.१० लाख पंचनामे तर १४.४६ लाख प्रकरणे प्रलंबित
  • पंचनामे होऊनही भरपाई का मिळत नाही? : केंद्र व राज्याने विमा भरपाईहप्ता अनुदान द्यायला हवे.
  • त्यात काय अडचण आहे? : अनुदान मागणी कंपन्यांनी करायला हवी. केंद्राकडे तशी मागणीच केलेली नाही.
  • अशा विमा कंपन्या कोणत्या? : एआयसी व इफ्को टोकियो यांनी मागणी पटकन नोंदविली. मात्र, एचडीएफसी अर्गो, बजाज अलायन्स, रिलायन्स जनरल इन्शुरन्सची टाळाटाळ केली. कृषी विभागाने पाठपुराव्याने या तीन कंपन्यांनी मागणी नोंदविली. मात्र, आयसीआयसीआय लोम्बार्डने अद्यापही प्रतिसाद दिला नाही.

इतर बातम्या
  वखारच्या ऑनलाइन शेतीमाल तारण कर्जात...पुणे : राज्य वखार महामंडळाच्या ऑनलाइन (ब्लॉकचेन)...
हिंगोलीत सोयाबीन दरात सुधारणाहिंगोली ः येथील कृषी उत्पन्न बाजार समितीमध्ये...
परभणी, हिंगोली जिल्ह्यात ज्वारी, गहू,...परभणी ः परभणी, हिंगोली जिल्ह्यांत यंदाच्या (२०२१-...
डाळिंबाच्या सुकर वाटेसाठी गडकरी...जालना : संपूर्ण राज्यात महत्वाचे फळपीक असलेल्या...
अमरावती जिल्ह्याती ‘पीएम किसान’ची ५...अमरावती ः पंतप्रधान किसान सन्मान योजनेअंतर्गत लाभ...
कृष्णाकाठावर मजुरांअभावी ऊस रोपांची लागणभिलवडी, जि. सांगली ः कृष्णाकाठावर उसाच्या कांडी...
कोल्हापूर, सांगलीत ‘कृषिपंप...कोल्हापूर  : गेल्या तीन दिवसांत कोल्हापूर व...
वीज पुरवठा सुरळीत  करण्यासाठी इंदापुरात...पुणे ः जिल्ह्याच्या विविध तालुक्यातील थकबाकीदार...
खानदेशात पीककर्ज वितरणाला येईना गतीजळगाव ः  खानदेशात रब्बी हंगामासाठी पीक...
सोयाबीन दराची घोडदौड सुरूच राहणार पुणे ः तेलबिया आणि खाद्यतेलाच्या दारातील...
पुणे बाजार समितीचा वारणारांना चाप ः गरडपुणे ः पुणे कृषी उत्पन्न बाजार समितीमध्ये फळे,...
जळगाव जिल्ह्यात बोंडअळीचा उद्रेकजळगाव ः जिल्ह्यात यंदा शेतकऱ्यांना अतिवृष्टीने...
राज्यात पावसाला पोषक हवामान पुणे : राज्याच्या किमान तापमानात आणखी घट झाल्याने...
पावसाला पोषक हवामानामुळे किमान तापमानात...पुणे : पावसाने उघडीप दिल्यानंतर राज्याच्या किमान...
वीजप्रश्नी संतप्त शेतकरी  महावितरण...नाशिक : महावितरण कंपनीकडून सटाणा तालुक्यात थकीत...
कापूस खेडा खरेदी करणाऱ्या ...बुलडाणा ः खेडा खरेदीच्या माध्यमातून शेतकऱ्यांना...
कडुलिंबाची झाडे वाळू लागली पुणे नगर ः नगर जिल्ह्यातील नेवासा तालुक्यातील...
राज्यातील १२१ आदिवासी  आश्रमशाळा होणार...पुणे ः शिक्षण व्यवस्थेमधील बदलांना सामोरे जात...
लाल कांद्याला उन्हाळच्या  तुलनेत मिळतोय...नाशिक : दिवाळीनंतर जिल्ह्यातील कृषी उत्पन्न बाजार...
नगर पंचायतींच्या निवडणुकांची रणधुमाळी...पुणे नगर ः राज्यातील मुदत संपलेल्या परंतु,...