Agriculture news in Marathi Help group compared to expenses: Raghunath Patil | Agrowon

खर्चाच्या तुलनेत दिलेली मदत तोकडी ः रघुनाथ पाटील

टीम अॅग्रोवन
बुधवार, 28 ऑक्टोबर 2020

शासनाकडून भरीव मदतीची अपेक्षा होती. मात्र, दिलेल्या मदतीतून शेतीची मशागत देखील होणार नाही. मदत देऊन शासनाने केवळ शेतकऱ्यांच्या तोंडाला पाने पुसली असल्याचा आरोप शेतकरी संघटनेचे अध्यक्ष रघुनाथ पाटील यांनी रविवारी (ता. २५) आयोजित पत्रकार परिषदेत केला.

औरंगाबाद : महाआघाडी सरकारने राज्यातील अतिवृष्टी, पुरामुळे शेतीपिकांच्या नुकसानीबाबत भरपाईसाठी नुकतीच घोषणा केली आहे. परंतु ही भरपाई खर्चाच्या तुलनेत तोकडी आहे. शासनाकडून भरीव मदतीची अपेक्षा होती. मात्र, दिलेल्या मदतीतून शेतीची मशागत देखील होणार नाही. मदत देऊन शासनाने केवळ शेतकऱ्यांच्या तोंडाला पाने पुसली असल्याचा आरोप शेतकरी संघटनेचे अध्यक्ष रघुनाथ पाटील यांनी रविवारी (ता. २५) आयोजित पत्रकार परिषदेत केला.

यावेळी ते म्हणाले की, मुख्यमंत्री उद्धव ठाकरे यांनी शुक्रवारी (ता. २३) राज्यातील अतिवृष्टीग्रस्तांना भरपाई देण्यासाठी दहा हजार कोटींची घोषणा केली. यात जिरायती व बागायती पिकांसाठी हेक्टरी दहा हजार तर फळपिकांसाठी पंचवीस हजार रुपये भरपाई दोन हेक्टरपर्यंत देण्याचे सांगितले. खर्चाच्या तुलनेत भरपाई खूप कमी आहे. या भरपाईतून फक्त शेतीची मशागत होऊ शकते. दुबार पेरणी, खते, बी-बियाणे शेतकरी कसे घेणार? फळबागांचे नुकसान कसे भरून निघणार? अशा परिस्थितीत शेतकऱ्यांना भरीव मदतीची अपेक्षा आहे.

शेतीपिकाला योग्य हमीभाभाव मिळत नसल्याच्या शेतकऱ्यांच्या तक्रारी आहेत. या तक्रारीच्या अनुषंगाने शेतकरी संघटनेतर्फे संपूर्ण राज्याचा दौरा करण्यात आला. शेतकऱ्यांच्या प्रश्‍नाला वाचा फोडण्यासाठी पुढील आठवड्यात मराठवाड्याचा दौरा करण्यात येणार आहे. शेतीमालाला योग्य हमीभाव मिळण्यासाठी कायद्यात तरतूद आहे. मात्र, याकडे जाणीवपूर्वक दुर्लक्ष केले जाते. त्यामुळे शेतकरी आत्महत्यासारख्या घटना घडतात. या प्रश्‍नाबाबत सर्व अधिकारी, मंत्री, आमदार, खासदारांना जाब विचारणार आहे. पुढील महिन्यात याबाबत औरंगाबादमध्ये मोठी परिषद घेऊन शेतकरी प्रश्‍नावर आवाज उठवणार असल्याचे रघुनाथ पाटील यांनी सांगितले. यावेळी शेतकरी संघटनेचे कार्याध्यक्ष कालिदास आपेट, ॲड. अजित काळे, शिवाजी नांदखिले, विनायक जाधव यांची उपस्थिती होती.

 


इतर ताज्या घडामोडी
युरियाची विषबाधा टाळण्यासाठी काळजी...युरियाची विषबाधा ही सर्व पाळीव प्राण्यांमध्ये...
जळगाव जिल्ह्यात ५७ टक्के पाऊसजळगाव : जिल्ह्यात आतापर्यंत ५७ टक्के पाऊस झाला...
शनिवारपर्यंत सुरू राहणार मका, ज्वारीची...औरंगाबाद : राज्यात रब्बीतील मका व ज्वारी खरेदीला...
परभणी जिल्ह्यात पीकविमा तक्रारींचा...परभणी ः पंतप्रधान पीकविमा योजनेअंतर्गंत टोल फ्री...
नाशिक जिल्ह्यात धरणसाठा ४६ टक्क्यांवरनाशिक : गत सप्ताहात जिल्ह्यातील धरणांच्या पाणलोट...
सोलापूर ःविमा कंपनी शेतकऱ्यांपर्यंत...सोलापूर ः सोलापूर जिल्ह्यात पीकविम्यासाठी भारती...
अकोला ः नैसर्गिक आपत्तीनंतर पीकविमा...अकोला ः पीकविमा हा आपत्तीच्या काळात शेतकऱ्यांना...
मंगळवेढ्यात सूर्यफूल पीकविम्यातून वगळलेमंगळवेढा, जि. सोलापूर ः मंगळवेढा तालुक्यात...
कोल्हापूर : पीकविम्याच्या ऑनलाइन...कोल्हापूर : विमा योजनेत सहभागाबाबतीत राज्यात...
नाशिक : पीकविम्याबाबत तक्रारींचा पाढानाशिक : पीकविमा कंपन्यांची असक्षम यंत्रणा......
सिंधुदुर्गात कार्यालय; पण शेतकऱ्यांना...सिंधुदुर्गनगरी : विमा कंपनीचे सिंधुदुर्गनगरी येथे...
रत्नागिरी : पूरबाधित शेतकऱ्यांची...रत्नागिरी : जिल्ह्यातील नदी किनारी भागात पुरामुळे...
नांदेडमध्ये विमा कंपनीचे जिल्ह्याच्या...नांदेड : पंतप्रधान पीकविमा योजनेत जिल्ह्यासाठी...
नगर : विमा कार्यालय, हेल्पलाइन नंबरची... नगर : नुकसानीची शेतकऱ्यांना भरपाई मिळावी,...
कोल्हापूर : पूर फुटाने वाढला, इंचाने...कोल्हापूर : जिल्ह्यातील पूरस्थिती हळूहळू कमी होत...
राजकीय नेत्यांनी पूरग्रस्त भागांचे दौरे...मुंबई : राजकीय नेत्यांनी पूरग्रस्त भागाचे दौरे...
विमा कंपनीचा कारभार चालतोय कृषी...सातारा : जिल्ह्यात खरिपाच्या सुरूवातीस पावसाने...
चिपळूणमधील पूरग्रस्तांसाठी पुनर्वसन...रत्नागिरी : ढगफुटीसदृश पावसामुळे चिपळूणकरांचे...
पाणी ओसरताच तातडीने पंचनामेकोल्हापूर : पूरग्रस्तांना आवश्यक ती मदत राज्य...
शेतकरी नियोजन पीक : कांदाशेतकरी : नंदकुमार काशिनाथ उशीर गाव : धोडंबे, ता...