वनौषधी उत्पादकांनी केली अनुदानाची मागणी

वनौषधी उत्पादक मागण्यांबाबत निवेदन  देताना
वनौषधी उत्पादक मागण्यांबाबत निवेदन देताना

अमरावती  ः पानपिंपरी तसेच वनौषधी उत्पादकांसाठी मिळणारे अनुदान पूर्ववत करावे तसेच गेल्यावर्षीचे थकीत अनुदान मिळावे, अशी मागणी नागार्जून पानपिंपरी उत्पादक संस्थेचे संचालक विजय लाडोळे यांच्या नेतृत्वाखाली शेतकऱ्यांनी केली. याबाबत जलसंपदा व वैद्यकीय शिक्षणमंत्री गिरीश महाजन यांना निवेदन देण्यात आले.

अकोला, अमरावती जिल्ह्यातील शेतकऱ्यांनी मोठ्या क्षेत्रावर वनौषधींची लागवड केली होती. अंजनगावसूर्जी येथे देशाभरातील व्यापारी येऊन वनौषधींची खरेदी करीत होते. वनौषधी लागवडीला प्रोत्साहन मिळावे याकरिता शासनाने वनौषधी मंडळाच्या माध्यमातून अनुदान योजना राबविल्या. परंतु, आयुष मंत्रालयांतर्गत वनौषधींचा समावेश झाल्यापासून हे अनुदान बंद करण्यात आले. त्यामुळे नैसर्गिक कारणांमुळे वनौषधी उत्पादकांचे २०१७-१८ मध्ये नुकसान झाल्यानंतरही त्यांना कोणत्याच प्रकारची मदत दिली गेली नाही.

या संदर्भात शासनस्तरावर पाठपुरावा करण्यात आला. परंतु, त्याची दखल घेण्यात आलेली नाही, असा शेतकऱ्यांचा आरोप आहे. केंद्र सरकारस्तरावरून वनौषधींसाठी ६० टक्‍के निधीची तरतूद करण्यात आली. परंतु, राज्याचा ४० टक्‍केचा वाटा देण्यास टाळाटाळ झाली. शासनाने आपल्या हिश्‍श्‍याची रक्‍कम देत वनौषधी उत्पादकांना दिलासा द्यावा, अशी मागणी श्री. महाजन यांच्याकडे करण्यात आली. विजय लाडोळे, मनोहर मुरकुटे, दिलीप भोपळे, संजय नाढे, मनोहर भावे या वेळी उपस्थित होते. याप्रश्‍नाचे तातडीने निराकरण करण्याचे आश्‍वासन या वेळी श्री. महाजन यांनी दिले.

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com