ब्रह्मपुरीत उच्चांकी तापमान 

पुणे : विदर्भातील काही भागांत उन्हाच्या झळा तीव्र होऊ लागल्या आहेत. कमाल तापमानाचा पारा अनेक भागांत वाढू लागला आहे. येत्या काळात विदर्भासह इतर भागातही उन्हाचा चटका आणखी वाढणार आहे. मंगळवारी (ता. ३०) सकाळी चोवीस तासांत ब्रह्मपुरी येथे देशातील उच्चांकी (४३.३ अंश सेल्सिअस) तापमानाची नोंद झाली असल्याचे हवामान विभागाच्या सूत्रांनी सांगितले. 

राज्यात कोरडे हवामान असल्याने सूर्यकिरणे थेट जमिनीवर पडत आहेत. त्यामुळे उन्हाचा चटका वाढत असल्याने सकाळपासून झळा तीव्र होत आहेत. दहा वजल्यापासून उन्हाचा पारा वाढत जाऊन तो चाळिशी ओलांडत आहे. सध्या विदर्भाच्या काही भागांत काही प्रमाणात उष्णतेची लाट आली आहे. त्यामुळे राज्यातील जळगाव, मालेगाव, सोलापूर, परभणी, अकोला, अमरावती, चंद्रपूर, गोंदिया, नागपूर, वर्धा या ठिकाणी कमाल तापमान ४० अंश सेल्सिअसच्या वर गेले आहे. इतर भागांतही कमाल तापमानात काही अंशी किंचित वाढ झाली आहे. 

गेल्या दोन दिवसांपासून दक्षिण महाराष्ट्र आणि परिसरात चक्रीय वाऱ्याची स्थिती आहे. ही स्थिती समुद्रसपाटीपासून ९०० मीटर उंचीवर आहे. तसेच बंगालचा उपसागराचा आग्नेय भागात चक्रीय वाऱ्याची स्थिती असून, ती समुद्रसपाटीपासून साडेचार किलोमीटर उंचीवर आहे. तर बंगालचा उपसागर आणि दक्षिण अंदमान समुद्र या भागांत आज कमी दाबाचे क्षेत्र तयार होण्याची शक्यता असून, ते अंदमानाच्या उत्तर भागात सरकेल. हिंद महासागर आणि अरबी समुद्राच्या आग्नेय भागात त्यांचे तीव्र कमी दाबाच्या क्षेत्र असून त्याचे चक्रीय वाऱ्यांमध्ये रूपांतर होण्याची शक्यता आहे. यामुळे राज्यातील वातावरणात वेगाने बदल होत असल्याने काही ठिकाणी उन्हाचा पारा वाढत आहे. 

मंगळवारी (ता.३०) सकाळपर्यंतच्या २४ तासांत विविध शहरांतील कमाल तापमान अंश सेल्सिअसमध्ये ः