सर्वाधिक ३५.५ अंश तापमानाची नाशिक जिल्ह्यात नोंद

नाशिक : जिल्ह्यात मार्च महिन्याच्या सुरवातीपासून तापमानात वाढ झाली. त्यामुळे उन्हाचा चटका जाणवू लागला आहे.
The highest temperature of 35.5 degrees was recorded in Nashik district
The highest temperature of 35.5 degrees was recorded in Nashik district

नाशिक : जिल्ह्यात मार्च महिन्याच्या सुरवातीपासून तापमानात वाढ झाली. त्यामुळे उन्हाचा चटका जाणवू लागला आहे. निफाड  कृषी संशोधन केंद्राच्या माहितीनुसार गुरुवारी(ता.१७) सर्वाधिक कमाल तापमानाची नोंद ३५.५ अंश सेल्सिअस, तर किमान तापमान १५.५ नोंदविले गेले. 

मागील सप्ताहापासून पारा ३५ अंशावर स्थिरावल्याचे दिसून आले. तर सोमवार (ता.८) रोजी त्यात काहीशी घसरण होऊन ३२ अंश सेल्सिअस नोंद झाली होती. मात्र लगेच दुसऱ्या दिवशी मंगळवारी (ता.९) पुनः सर्वाधिक ३५.५ सर्वाधिक तापमान नोंदले गेले. मागील तीन वर्षांच्या तुलनेत या वर्षी प्रखर उन्हाळा राहणार असल्याची चिन्हे आहेत.

एकीकडे कोरोनाच्या पार्श्वभूमीवर असलेले निर्बंध व उन्हाचा चटका, यामुळे दुपारी वर्दळ कमी होत आहे. रब्बी हंगामातील पिके काढणीच्या शेवटच्या टप्प्यात आहेत. मात्र फळपिके व उशिराच्या रब्बी कांदा लागवडीवर तापमान वाढल्याने परिणाम होण्याची शक्यता आहे.  १८ ते २३ तारखेदरम्यान पावसाचा अंदाज आहे. त्यामुळे तापमान कमी होण्याची शक्यता आहे.  

‘‘पश्चिम पट्ट्यात आंबा मोहर व फळगळ, तर पूर्व भागात लिंबु पिकाचा बहर गळण्याचे प्रमाण वाढते आहे. भाजीपाला पिकात वाढीच्या अवस्थेत परिणाम दिसून येत आहे’’, असे विषय विशेषज्ञ हेमराज राजपूत म्हणाले.

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com