हिंगोली :‘‘‘लॅाकडाउन’मध्ये जिल्ह्यातील शेतकऱ्यांना भाजीपाला-फळे विक्रीसाठी कृषी विभागातर्फे मदत केली जात आहे. शेतकरी ते ग्राहक भाजीपाला विक्रीतंर्गंत गुरुवारी (ता.२७) ते मंगळवार (ता.१४) या कालावधीत एकूण १ हजार ६३८ क्विंटल भाजीपाला- फळांची विक्री झाली आहे’’, अशी माहिती उपविभागीय कृषी अधिकारी बी. एस. कच्छवे यांनी दिली.
‘कोरोना’च्या पार्श्वभूमीवर लॅाकडाउन सुरु असल्यामुळे शेतकऱ्यांना भाजीपाला फळे विक्रीसाठी अडचणी येऊ नये, यासाठी कृषी विभाग ‘आत्मा’तंर्गंत शेतकरी गट, शेतकरी उत्पादक कंपन्यांतर्फे ग्राहकांना थेट भाजीपाला विक्री केली जात आहे. त्यामुळे ग्राहकांना ताजा भाजीपाला मिळत आहे. शेतकऱ्यांचाही अधिक फायदा होत आहे.
जिल्हा अधीक्षक कृषी अधिकारी व्हि. डी. लोखंडे, उपविभागीय कृषी अधिकारी बी. एस. कच्छवे यांच्या मार्गदर्शनाखाली जिल्ह्यातील सर्व तालुका कृषी अधिकाऱ्यांनी शेतकरी गटांना वाहन परवाने मिळवून देण्यासाठी पुढाकार घेतला आहे.
शेतकरी ते ग्राहक भाजीपाला विक्रीतंर्गंत मंगळवार (ता.१४) पर्यंत जिल्ह्यात एकूण १ हजार ६३८ क्विंटल भाजीपाल्याची विक्री झाली आहे. त्यात हिंगोली तालुक्यातील २९० क्विंटल, कळमनुरी तालुक्यातील २७५ क्विंटल, वसमत तालुक्यातील ३५२ क्विंटल, औंढानागनाथ तालुक्यातील ३२२ क्विंटल, सेनगाव तालुक्यातील ३५८ क्विंटल भाजीपाला फळांचा समावेश आहे, असे सूत्रांनी सांगितले.
Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.
ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.