agriculture news in marathi Hingoli insurance company Chaos | Agrowon

हिंगोलीत विमा कंपनीचा अनागोंदी कारभार

टीम अॅग्रोवन
गुरुवार, 29 जुलै 2021

हिंगोली ः जिल्ह्यात पंतप्रधान पीकविमा योजना राबविण्यासाठी नियुक्त विमा कंपनीच्या जिल्हा कार्यालयाचा पत्ता अनेक शेतकऱ्यांना माहीत नाही. तालुका कृषी अधिकारी कार्यालयात विमा कंपनी प्रतिनिधींची उपस्थिती नावालाच आहे.

हिंगोली ः जिल्ह्यात पंतप्रधान पीकविमा योजना राबविण्यासाठी नियुक्त विमा कंपनीच्या जिल्हा कार्यालयाचा पत्ता अनेक शेतकऱ्यांना माहीत नाही. तालुका कृषी अधिकारी कार्यालयात विमा कंपनी प्रतिनिधींची उपस्थिती नावालाच आहे. टोल फ्री क्रमांक लागत नाही. व्यक्तिगत क्रमांकावर प्रतिसाद देत नाहीत. परिणामी ऑनलाइन तसेच ऑफलाइन पीक नुकसान दावे अर्ज (पूर्वसूचना) सादर करण्यासाठी शेतकऱ्यांना अनंत अडचणी येत आहेत. विमा कंपनीच्या अनागोंदी कारभाराबद्दल शेतकऱ्यांमधून संताप व्यक्त होत आहे. 

जिल्हा अधीक्षक कृषी अधिकारी कार्यालयाच्या परिसरात विमा कंपनीचे कार्यालय सुरु करावे अशी मागणी शेतकऱ्यांनी केली आहे. हिंगोली जिल्ह्यात एचडीएफसी इर्गो जनरल इन्सूरंन्स या कंपनीकडून पीकविमा योजना राबविली जात आहे. कंपनीच्या जिल्हा कार्यालयाचा पत्ता शॉप नं.१, रणखांब कॉम्पलेक्स सीआरपी कॅम्प समोर, हनुमान नगर, हिंगोली असा आहे. या शिवाय हिंगोली, कळमनुरी, वसमत, औंढा नागनाथ, सेनगाव येथील तालुका कृषी अधिकारी कार्यालयात विमा कंपनीच्या तालुका प्रतिनिधींना उपस्थित राहण्याची व्यवस्था केली आहे.

अतिवृष्टीग्रस्त शेतकऱ्यांना ऑनलाइन माध्यमातून तक्रार दावे सादर करण्यासाठी अनेक अडचणींना सामोरे लागत आहे. जिल्हा कार्यालयाचा पत्ता लवकर सापडत नाही. ऑफलाइन तक्रारी स्वीकारण्यासाठी तालुका प्रतिनिधी जागेवर हजर राहत नाहीत. तक्रारी करता येत नाहीत. कृषी विभागाने दिलेले विमा कंपनीच्या प्रतिनिधींचे संपर्क क्रमांकावर उत्तर दिले जात नाही. जनजागृती अभावी विमा योजनेत सहभागी अनेक शेतकऱ्यांना स्थानिक आपत्ती नुकसान दावे अर्जासाठी ७२ तासांची मुदत असते, या बाबतची असंख्य शेतकऱ्यांना माहितीच नाही. परिणामी अतिवृष्टीमुळे बाधित शेतकरी विमा परताव्यापासून वंचित राहण्याची शक्यता आहे.

सोयाबीन, तूर, मूग आदी पिकांचा विमा काढला आहे. त्यासाठी ९ हजार रुपये विमा हप्ता भरला आहे. अतिवृष्टीमुळे सहा एकरावरील सोयाबीनचे मोठे नुकसान झाले आहे. परंतु त्याबाबत पूर्वसूचना कधी द्यावी, या बाबत माहिती नाही. दावा अर्ज देण्यासाठी विमा कंपनीचे तालुका प्रतिनिधी कोण आहेत. तसेच जिल्हा कार्यालयाचा पत्ता देखील माहिती नाही.
- काशिनाथ सांगळे, केळी,ता.औंढानागनाथ.

विमा दावे सादर करताना शेतकऱ्यांना अनेक अडचणी येतात. तालुका कृषी अधिकारी कार्यालयात विमा कंपनीच्या प्रतिनिधी कक्ष असल्याबाबत ठळक फलक लावावेत. त्यांचे संपर्क क्रमांक शेतकऱ्यांना द्यावेत. त्यामुळे आगामी काळात शेतकऱ्यांना नुकसान दावे सादर करणे सोपे होईल.
- बाळासाहेब राऊत, तेलगाव, ता. वसमत.

 


इतर बातम्या
ऑनलाइन ठिबक योजनेत पुन्हा कागदपत्रांचा...पुणे : कोट्यवधी रुपयांच्या घोटाळ्याची परंपरा...
सर्वदूर जोरदार पावसाची शक्यतापुणे : बंगालच्या उपसागरातील ‘गुलाब’...
प्रगतिपथावरील जलसंधारण प्रकल्प लवकर...औरंगाबाद : जिल्ह्याचा सर्वांगीण विकास साध्य...
‘रूफटॉप सौरऊर्जे’ला कसे मिळणार बूस्टर?नागपूर ः दीर्घ खोळंब्यानंतर महावितरणने पुन्हा...
केळी, संत्रा क्लस्टरमध्ये वर्ध्याचा...वर्धा : केंद्राच्या धर्तीवर राज्याने निर्यात धोरण...
सांगलीत ३० टक्के द्राक्ष फळछाटणी पूर्णसांगली ः जिल्ह्यात यंदाच्या द्राक्ष फळ छाटणीस...
कृषी उत्पन्नवाढीसाठी मागेल  त्या...सातारा : कृषी उत्पन्न वाढीसाठी तसेच मातीचा पोत...
मांजरा नदीला पूर, पाणी पात्राबाहेर निलंगा, जि. लातूर : हवामान विभागाने वर्तवलेल्या...
परभणी जिल्ह्यातील  दोन मंडलांत...परभणी : परभणी, हिंगोली जिल्ह्यांतील ८२...
‘अलमट्टी’ची उंची वाढवू नका ः राजू शेट्टीकोल्हापूर : कोल्हापूर, सांगली व बेळगाव...
ग्रामीण भागाची वीजतोडणी मोहीम...अकोला : अतिवृष्टी सुरू असताना ग्रामीण भागातील...
बोधेगाव परिसराला तिसऱ्यांदा ...नगर : शेवगाव तालुक्यातील बोधेगाव परिसरात शनिवारी...
'गुलाब' चक्रीवादळ कलिंगापट्टणमनजीक...पुणे : बंगालच्या उपसागरात घोंगावणारे 'गुलाब'...
येवला बाजार समितीचा ‘अंनिस’कडून गौरवयेवला, जि. नाशिक : ६४ वर्षांची परंपरा मोडीत काढत...
सोयाबीन विक्रीची घाई नकोनागपूर : मुहूर्ताचे दर पाहून शेतकऱ्यांकडून अधिक...
‘गुलाब’ चक्रीवादळ आज पूर्व किनाऱ्याला...पुणे : बंगालच्या उपसागरात तयार झालेल्या कमी दाब...
अन्न प्रक्रिया उद्योगासाठी  कोल्हापुरात...चंदगड, जि. कोल्हापूर : कृषी मालावर आधारित...
राज्यात पावसाचा जोर वाढणारपुणे : बंगालच्या उपसागरातील वादळी प्रणालीमुळे...
साहित्य संमेलनातून वैचारिक दिशा...औरंगाबाद : साहित्य हे समाजाच्या विकासासाठी...
लहान संत्रा फळांचे करायचे काय?नागपूर : लहान आकाराच्या संत्रा फळांवर नांदेड...