Agriculture news in marathi; Holding Demand for promotion of Agricultural Assistant in Akola | Page 2 ||| Agrowon

अकोल्यात कृषी सहायकांचे पदोन्नतीच्या मागणीसाठी धरणे
टीम अॅग्रोवन
शुक्रवार, 23 ऑगस्ट 2019

अकोला  ः अमरावती विभागातील कृषी सहायकांच्या पदोन्नती प्रश्नावर तोडगा काढला जात नसल्याने पाचही जिल्ह्यातील कृषी सहायकांनी गुरुवारी (ता.२२) कृषी सहसंचालक कार्यालयासमोर धरणे आंदोलन केले. मागण्या मान्य न झाल्यास सोमवार (ता.२६) पासून साखळी उपोषण करण्याचा इशारा देण्यात आलेला आहे.

अकोला  ः अमरावती विभागातील कृषी सहायकांच्या पदोन्नती प्रश्नावर तोडगा काढला जात नसल्याने पाचही जिल्ह्यातील कृषी सहायकांनी गुरुवारी (ता.२२) कृषी सहसंचालक कार्यालयासमोर धरणे आंदोलन केले. मागण्या मान्य न झाल्यास सोमवार (ता.२६) पासून साखळी उपोषण करण्याचा इशारा देण्यात आलेला आहे.

अमरावती विभागातील कृषी सहायकांना कृषीपर्यवेक्षक पदी पदोन्नतीची प्रक्रीया गेल्या अनेक वर्षांपासून ठप्प पडलेली आहे. अनेकजण पात्र असूनही त्यांना हक्काची पदोन्नती मिळालेली नसल्याने आहे त्याच पदावर काम करावे लागत आहे. या प्रश्नाकडे लक्ष वेधण्यासाठी कृषी सहायक संघटनेचे अमरावती विभागीय सचिव उमेश वानखडे यांनी मागण्यांचे निवेदन प्रशासनाला दिले होते. त्याबाबत तोडगा न निघाल्यामुळे पूर्वनियोजित आंदोलन छेडण्यात आल्याची माहिती संघटनेचे कोशाध्यक्ष अनंत देशमुख यांनी दिली.

गुरुवारी अमरावती विभागीय कृषी सहसंचालक कार्यालयासमोर अकोला, अमरावती, बुलडाणा, वाशीम, यवतमाळ या जिल्ह्यांत कार्यरत असलेले शेकडो कृषी सहायक धरणे देण्यासाठी एकवटले होते. याविभागात सन २०११ मध्ये कृषी सहायक ते कृषीपर्यवेक्षक पदोन्नत्या करण्यात आल्या. त्यानंतर गेल्या आठ वर्षांत ही प्रक्रिया या विभागात राबविण्यात आलेली नाही. २०११ ची पदोन्नती प्रक्रिया अंतरीम ज्येष्ठता यादीच्या आधारे तदर्थ पदोन्नती देऊन करण्यात आली होती. त्यानंतर ज्येष्ठता यादी २७ ऑक्टोबर २०१५ ला प्रमाणीत करून अंतिम करण्यात आली. ही सूची अंतिम मानल्यास २०११ मध्ये दिलेल्या तदर्थ स्वरुपाच्या पदोन्नत्या चुकीच्या पद्धतीने झाल्या हेही स्पष्ट होते. तदर्थ पदोन्नती मिळालेले काही जण न्यायालयात गेलेले असल्याने ही प्रक्रिया पुढे जाऊ शकलेली नाही. 

जोपर्यंत न्यायालयीन प्रकरणाचा निवाडा पूर्ण होत नाही, तोवर अडचणी आहेत. यामुळे प्रशासनाकडून वारंवार न्यायालयाचा संदर्भ दिला जात आहे. मात्र हे असे किती वर्षे सुरू राहील याचे उत्तर मिळत नसल्याने कृषी सहायक नाराज आहेत. अमरावती विभागात कृषीपर्यवेक्षकांची ६० टक्के पदे रिक्त आहेत. या पदांचा प्रभार कृषी सहायक वर्षानुवर्षे सांभाळत आहेत. परंतु आता कृषी सहायकांनी हे अतिरीक्त पदभार सोडले आहेत.

मग किती वर्षे तसेच राहायचे?
काही कृषी सहायकांनी न्यायालयात धाव घेतल्याने २०११ पासून या विभागात पर्यवेक्षक पदी पदोन्नत्या झालेल्या नाहीत. आता प्रशासनाकडून वारंवार न्यायालयाचा संदर्भ देत पदोन्नती प्रक्रिया पूर्णत्वास नेली जात नाही. परंतु हे प्रकरण वर्षानुवर्षे असेच रेंगाळत राहले तर अनेकजण सेवानिवृत्त होतील, तरीही त्यांना हक्काची पर्यवेक्षक पदावरील पदोन्नती मिळू शकणार नाही, अशी खंत कृषी सहायक व्यक्त करीत आहेत. यावर न्यायालयीन प्रक्रियेचा आधार घेत पदोन्नतीचा मार्ग काढण्याची मागणीसुद्धा ते करीत आहेत.

मंत्री, सचिव विभागाचेच; आता तरी न्याय मिळेल
सध्या राज्याचे कृषिमंत्री, कृषी सचिव हे अमरावती विभागातीलच आहेत. असे असतानाही कृषी सहायकांचा प्रश्न सोडविण्यासाठी यंत्रणास्तरावर हालचाली केल्या जात नसल्याने कृषी सहायक नाराज आहेत. सध्या महत्वाची व अधिकाराची पदे अमरावती विभागात असून आता कृषिमंत्री डॉ. अनिल बोंडे यांनी या प्रश्नाला सोडवावे, अशी मागणी कृषी सहायकांनी केली आहे.

इतर ताज्या घडामोडी
जळगाव जामोद येथे फिरते मासळी विक्री...बुलडाणा  : मत्स्यव्यवसाय आणि नियोजन...
साठवणीसाठी खरेदी नसल्याने चीनमध्ये...चीनी आहारामध्ये लसणांचा वापर मोठ्या प्रमाणात होत...
अकोला जिल्हा बँकेची पूरग्रस्तांना १६...अकोला  ः सांगली व कोल्हापूर जिल्ह्यांतील...
शासन हस्तक्षेपाची पोल्ट्री...नागपूर ः खाद्याच्या दरात झालेली वाढ तुलनेत कमी...
सूज, अतिसारावर मायाळू उपयोगी स्थानिक नाव    : मायाळू, भजीचा वेल...
परभणीत काकडी प्रतिक्विंटल ३०० ते ६००...परभणी ः येथील पाथरी रस्त्यावरील फळे भाजीपाला...
लोकांशी नीट वागा तरच निवडून याल ः...नगर ः राज्यात काँग्रेस-राष्ट्रवादीला सत्ता दिली...
लोकांच्या कामात येईल त्या अधिकाऱ्याला...पुणे : ‘‘लोकांचे काहीही काम सांगितले की सरकारी...
कापसाला एक हजार रुपये बोनस जाहीर करा ः...पुणे ः भारतीय कापूस महामंडळाकडे (सीआयआय)...
विधानसभा निवडणुकीसाठी यंत्रणा सज्जमुंबई ः चौदाव्या विधानसभा निवडणुकीसाठी...
पुणे : पाणलोटातील पावसामुळे धरणांतून...पुणे : पुणे जिल्ह्याच्या धरण क्षेत्रात गुरुवारी...
टॅंकर, चारा छावण्यांबाबत...पुणे : जिल्ह्याच्या काही तालुक्यांत पाणी आणि...
नांदेड, परभणी, हिंगोलीतील १०१...नांदेड ः नांदेड, परभणी, हिंगोली जिल्ह्यांतील १०१...
मुगाची हमीभावाने खरेदी सुरू करावीपरभणी ः मुगाची आधारभूत किंमत ७ हजार ५० रुपये...
विभागीय आयुक्‍त सुनील केंद्रेकर थेट...जायकवाडी, जि. औरंगाबाद : विभागीय आयुक्त सुनील...
तंत्रज्ञान, यांत्रिकीकरणाचे फायदे समजून...औरंगाबाद : शेतीक्षेत्रात वापरावयाचे तंत्रज्ञान व...
नगरमध्ये सव्वीस महसूल मंडळांत पन्नास...नगर ः नगर जिल्ह्यामध्ये अजूनही पुरेसा पाऊस नाही....
शेतकऱ्यांनी गटशेतीचा पर्याय अवलंबावा :...अमरावती :‘‘गटशेती ही काळाची गरज असून; शेतकऱ्यांनी...
नाशिकमध्ये गवार २५०० ते ४५०० रूपये...नाशिक : येथील कृषी उत्पन्न बाजार समितीमध्ये...
नाशिक जिल्ह्यातील पीक नुकसानीचे पंचनामे...नाशिक : जिल्ह्यात जुलै व ऑगस्ट महिन्यात झालेल्या...