नगर ः पॉलिहाऊस-शेडनेटधारक शेतकऱ्यांचे धरणे

नगर ः कर्जमाफीसह अन्य महत्त्वाच्या मागण्यांसाठी गेली तीन वर्षे सुरू असलेल्या लढ्याची शासन पातळीवरून अद्याप दखल घेतली जात नसल्याने आज (सोमवारी) जिल्हाधिकारी कार्यालयासमोर नगर जिल्ह्यातील पॉलिहाऊस-शेडनेटधारक शेतकरी धरणे आंदोलन केले. 

या आंदोलनात नगर जिल्हा पॉलिहाऊस- शेडनेट धारक समन्वय समितीचे संपतराव गडाख, सदस्य बाळासाहेब दरंदले, अरविंद कापसे, महेश शेटे, किरण आरगडे, सुजात थेटे, दिलीप डेंगळे, महेश गुंजाळ, स्वप्निल रोडे, बाबाजी तनपुरे, दादासाहेब सपके यांच्यासह पॉलिहाऊस-शेडनेटधारक शेतकरी सहभागी झाले होते. 

राज्याचे कृषी मंत्री व राज्यमंत्र्यांनी अडचणीत सापडलेल्या पॉलिहाऊस-शेडनेटधारक शेतकऱ्यांबद्दल वेळोवेळी सहानुभूती व्यक्त केली. मात्र, अद्याप कोणताही ठोस निर्णय घेतला गेला नाही. प्रत्येक वेळी केवळ आश्वासनांवरच बोळवण केली गेल्याने आपल्या मागण्यांकडे शासनाचे लक्ष वेधण्यासाठी राज्यभर धरणे आंदोलन करण्याचा आज जिल्हाधिकारी कार्यालयासमोर शेतकऱ्यांनी भर पावसात धरणे आंदोलन केले.