परभणी ः जिल्ह्यामध्ये परराज्यातून तसेच इतर जिल्ह्यांमधून मजुरी, व्यवसाय, शिक्षण, इतर कारणांमुळे परभणी जिल्ह्यात घर भाड्याने घेऊन वास्तव्य करणाऱ्या नागरिकांचे घरमालकांनी एका महिन्याचे घरभाडे घेऊ नये, असे आवाहन जिल्हाधिकारी तथा आपत्ती व्यवस्थापन प्राधिकरणाचे अध्यक्ष दी. म. मुगळीकर यांनी केले आहे.
जिल्ह्यात परराज्यातून मजुरी, व्यवसाय, शिक्षण आणि इतर कारणांसाठी मोठ्या प्रमाणावर मजूर, व्यावसायिक, विद्यार्थी, नोकरदार वर्ग आदी जिल्ह्यात वेगवेगळ्या ठिकाणी भाड्याने घर घेऊन राहत आहेत. ‘कोरोना’ विषाणू संसर्गाच्या आपात्कालीन परिस्थितीत जिल्ह्यातील नागरिकांनी आपल्या घरी राहणाऱ्या भाडेकरुंना सद्यस्थितीत घराबाहेर काढू नये तसेच ज्या नागरिकांची उपजीविका मजुरी किंवा व्यवसायावर अवलंबून आहे, अशा भाडेकरूंचे एक महिन्याचे भाडे संबंधित घरमालक यांनी घेऊ नये.
तसेच आपात्कालीन परिस्थितीत आपल्या भाडेकरुंना आवश्यकता असल्यास अन्नधान्य आणि इतर बाबतीत मदत करावी. त्यैामुळे १४ एप्रिल पर्यंतच्या लॉकडाऊनमध्ये अशा नागरिकांचे स्थलांतर होणार नाही आणि ‘कोरोना’ विषाणूचा संसर्ग कमी करण्यासाठी देशव्यापी लॉकडाऊनमध्ये सहभागी होवून या आपत्तीचा सक्षमपणे सामना करता येईल, असे आवाहन जिल्हा प्रशासनातर्फे करण्यात आले.
Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.
ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.