agriculture news in Marathi honey export increased Maharashtra | Agrowon

मध निर्यातीत मोठी वाढ

मुकुंद पिंगळे
शुक्रवार, 20 मार्च 2020

नाशिक: भारतात उत्पादित होणाऱ्या नैसर्गिक मधाला देशांतर्गत व विदेशी बाजारपेठेत मोठी मागणी आहे. २०१३-१४ या वर्षात मधाचे उत्पादन ७६ हजार १५० टन होऊन २८ हजार ३७८.४२ टन निर्यात झाली होती. तर २०१८-१९ मध्ये मध उत्पादनात वाढ होऊन १ लाख २० हजार टनांवर पोचले आणि निर्यात ६१ हजार ३३३ टन झाली. गेल्या पाच वर्षात उत्पादनात ५७.५८ टक्के वाढ झाली असून निर्यात ११६.१३ टक्क्यांनी वाढल्याची माहिती केंद्रीय कृषिमंत्री नरेंद्र सिंग तोमर यांनी दिली आहे.

नाशिक: भारतात उत्पादित होणाऱ्या नैसर्गिक मधाला देशांतर्गत व विदेशी बाजारपेठेत मोठी मागणी आहे. २०१३-१४ या वर्षात मधाचे उत्पादन ७६ हजार १५० टन होऊन २८ हजार ३७८.४२ टन निर्यात झाली होती. तर २०१८-१९ मध्ये मध उत्पादनात वाढ होऊन १ लाख २० हजार टनांवर पोचले आणि निर्यात ६१ हजार ३३३ टन झाली. गेल्या पाच वर्षात उत्पादनात ५७.५८ टक्के वाढ झाली असून निर्यात ११६.१३ टक्क्यांनी वाढल्याची माहिती केंद्रीय कृषिमंत्री नरेंद्र सिंग तोमर यांनी दिली आहे.

केंद्रीय कृषिमंत्री श्री. तोमर यांनी ट्विटरच्या माध्यमातून ही माहिती दिली. मोदी सरकारच्या माध्यमातून हे शक्य झाल्याचा दावाही त्यांनी केला आहे. अजूनही मोठ्या प्रमाणात मध उत्पादन हे पारंपरिक पद्धतीने केले जाते. अलीकडील काळात यात बदल होऊन स्थलांतरित स्वरूपाच्या मधमाशी पालन व्यवसायात मोठ्या प्रमाणावर वाढ झाली आहे.

मधाचा उपयोग औषधनिर्मिती, खाण्यासाठी तसेच खाद्यपदार्थ तयार करण्यासाठी होत असल्याने बाहेरील देशांमधून मागणी वाढत असल्याचे आशादायी चित्र आहे. त्यामुळे कृषी पूरक व्यवसायास रोजगाराची संधी म्हणून पाहिल्यास अर्थकारणाला मोठा वाव आहे. 

चालू वर्षी भारतातून ६१ हजार ३३३ टन निर्यात झाली असून यातून ७३२ कोटी १६ लाख परकीय चलन भारताला मिळाले आहे. त्यामुळे या व्यवसायात प्रशिक्षित मनुष्यबळ निर्मिती होऊन महाराष्ट्र, राजस्थान, गुजरात, कर्नाटक, उत्तर प्रदेश, बिहार व हिमाचल प्रदेश या राज्यांमध्ये व्यवसाय मोठ्या प्रमाणावर वाढ होऊ लागली आहे. 

फुलोऱ्यानुसार मिळतो मधाला दर 
विविध पिके व झाडापासून संकलित होणाऱ्या मधाचे दर वेगवेगळे असतात. फुलोऱ्यानुसार दर ठरत असतो.तुळस, सूर्यफूल, ओवा, शिसम, कोथिंबीर, घोडेघास, मोहरी, लिची तसेच नैसर्गिक रान फुलांच्या फुलोऱ्याचा आधार घेत मधमाश्यांच्या वसाहती तयार करून मध संकलित करण्यावर अनेक तरुण व्यावसायिक पुढे येऊ लागले आहेत.

देशातील मध निर्यात (टन)

प्रमुख देश  २०१६-१७    २०१७-१८     २०१८-१९
अमेरिका  ३९०८८  ४२६५४  ५०३५६
अरब एमिरेट्स  १२६९ १७२६  २१००
सौदी अरब  ७७०  २५५४ १८४४
मोरोक्को ३१९ ३५५ १०६४
कतार २३६ ३७०  ५४१

  
        
         
          
            
          
 


इतर अॅग्रो विशेष
दुधासाठीचा हमीभाव आम्हाला लागू नाही;...पुणे : राज्यातील जादा दूध खरेदी अनुदान योजना फक्त...
हापूसची १०५ टन निर्यातरत्नागिरी ः हापूसच्या निर्यातीला चालना देण्यासाठी...
उद्यापासून मध्य महाराष्ट्र, मराठवाड्यात...पुणे  : राज्यात तापमानाचा पारा चाळीशीपार...
राज्यातील ‘पोल्ट्री’ला तेराशे कोटींचा... सांगली : कोरोना विषाणूची अफवा आणि...
एकी, प्रयोगशीलता, कष्टातून व्यावसायिक...परभणी जिल्ह्यातील सिंगणापूर येथील सोगे संयुक्त...
 कांदा लिलाव पुन्हा खुल्या पद्धतीने;...नाशिक  : जिल्ह्यात ‘कोरोना’ची पार्श्वभूमी...
फळे, भाजीपाला निर्यातीसाठी पॅकिंग...मुंबई  : ‘कोरोना’च्या प्रादुर्भावामुळे...
राज्यात दिवसभरात १५० नवीन रुग्ण, १२...पुणे : राज्यात कोरोनाचा संसर्ग झालेल्या...
शेतीमाल थेट विक्रीचा समन्वय भक्कम केला...नगर ः ‘कोरोना’च्या पार्श्वभूमीवर संचारबंदी...
राज्यात शुक्रवारपासून वादळी पावसाचा...पुणे  : राज्यात उन्हाचा ताप वाढत असल्याने...
कृषी रसायन कंपन्यांचा कच्चा माल अडकलापुणे  : ‘कोरोना’च्या पार्श्वभूमीवर लागू...
व्यावसायिक चातुर्यातून ४० टन कलिंगडाची...कोरोना संकटामुळे शेतमाल विक्री व्यवस्था अडचणीत...
गोदामांत ९० लाख टन साखर पडून; बंदरात...सोलापूर : अडचणीत सापडलेला साखर उद्योग २०१४-१५...
‘डिपिंग ऑईल’ची चढ्यादराने अनाधिकृत...नाशिक/सोलापूर : जिल्ह्यात द्राक्ष मालाला उठाव...
राज्यात दिवसभरात वाढले १२० रुग्ण;...पुणे : राज्यात सोमवारी १२० नवीन रुग्णांची...
मराठवाड्यात १०० वर लघु मध्यम प्रकल्प...औरंगाबाद : मराठवाड्यातील ८७३ लघु, मध्यम, मोठ्या...
रब्बी कांदा उत्पादन २५ लाख टनांनी वाढणारपुणे : देशाच्या कांदा बाजारपेठांमध्ये यंदाच्या...
भाजीपाल्याच्या नव्या लागवडीबाबत संभ्रम...कोल्हापूर : ‘कोराना’च्या संकटामुळे गेल्या काही...
अर्धबंदिस्त शेळीपालनाने वाढवले शेतीचे...कृषी विषयात पदवीचे शिक्षण पूर्ण झाल्यावर...
पूर्व विदर्भात पावसाला पोषक हवामानपुणे  : राज्यात तापमानाचा पारा सातत्याने...