Agriculture news in marathi In honor of the farmer, Navradeva's next wedding is in a different way | Agrowon

शेतकऱ्यांच्या सन्मानासाठी नवरदेवाची आगळी वेगळी वरात 

टीम अॅग्रोवन
बुधवार, 24 फेब्रुवारी 2021

देवळा तालुक्यातील खामखेडा येथील कृषी पदवीधर असलेले नवरदेव पवन आहेर यांनी नवरदेवाच्या गाडीवर ‘शेतकरी’ असे नाव लावत वाहनाची सुंदर सजावट केली होती. 

नाशिक खामखेडा ता. देवळा : देवळा तालुक्यातील खामखेडा येथील कृषी पदवीधर असलेले नवरदेव पवन आहेर यांनी नवरदेवाच्या गाडीवर ‘शेतकरी’ असे नाव लावत वाहनाची सुंदर सजावट केली होती. शेतकरी नवरदेवाच्या सन्मानासाठी अशा प्रकारे गाडी सजविल्याचे पवन यांनी सांगितले. 

विवाह सोहळा म्हटला म्हणजे प्रत्येक ठिकाणी काही वेगळे पाहण्यास मिळते. कधी वरांची मिरवणूक, तर कधी स्टेजचे डेकोरेशन पाहण्यासारखे असते. पण या वराने गाडीवर स्वाभिमानाने शेतकरी, असे लिहिल्याचे त्यांची गाडी चर्चेचा विषय ठरली आहे.

प्रगतशील शेतकरी समाधान कडू-आहेर यांचे पुतणे व अरुण आहेर यांचे चिरंजीव कृषी पदवीधर पवन याचे वनोली (ता. सटाणा) येथील पल्लवी यांच्या सोबत रविवारी (ता.२१) रोजी विवाह संपन्न झाला. हा विवाह मुलीकडे असल्याने नवरदेव ज्या वाहनावर जाणार होता, त्या वाहनाची अतिशय सुंदर सजावट करण्यात आली. गाडीवर केलेली ही सजावट आगळीवेगळी आणि लक्षवेधक ठरली. 

बाशिंग बांधून सजलेला नवरदेवाचा रुबाब आपण सर्वत्र बघतो. लग्नपत्रिकेत नवरदेवाचे शिक्षण आवर्जून टाकले जाते. शेतकरी वर किंवा नवरदेवाचा फारसा रुबाब दिसत नाही. डॉक्टर, इंजिनिअर, शिक्षक अशा अनेक उच्चशिक्षित नवरदेवाची वाहवाह केली जाते. पण शेतकरी मुलाचे किंवा शेतकरी नवरदेवाला कोणीही विचारत नाही. मुलीही देत नाहीत. पण लग्नासाठी निघालेल्या या नवरदेवाने चक्क आपल्या गाडीवर शेतकरी, असे नाव लावून शेतकऱ्यांचा मान वाढवला आहे. 

शेतकऱ्यांच्या सन्मानासाठी 
समाधान आहेर तालुक्यातील प्रगतिशील शेतकरी असून, उन्हाळी कांद्याचे विक्रमी उत्पादन काढत असतात. आपल्या पुतण्याच्या विवाह सोहळ्यास मुलांच्या आग्रहाखातर त्यांनी  वरासाठी सजावट केलेल्या गाडीवर शेतकरी व वरती छत्रपती शिवाजी महाराजांचा छोटा पुतळा ठेवत अफलातून सजावट केली होती. सजवलेल्या गाडीचा फोटो सोशल मीडियावर व्हायरल झाला असून, सर्वत्र कौतुक केले जात आहे. 


इतर ताज्या घडामोडी
नगर जिल्ह्यात कांदा दरात सातत्याने...नगरः जिल्ह्यात गेल्या महिनाभरापासून सातत्याने...
ठाकरे स्मार्ट योजनेतून शेतकऱ्यांचा...नाशिक : तळागाळातील प्रत्येक शेतकऱ्याचा सर्वांगिण...
माळढोक पक्षी अभयारण्यात आग, २५...सोलापूर : नान्नज (ता. उत्तर सोलापूर) येथील माळढोक...
अकोल्यात ४९७ गावांमध्ये पाणीटंचाईची...अकोला ः जिल्ह्यात ४९७ गावांमध्ये भविष्यात पाणी...
खंडित केलेल्या कृषिपंपाच्या जोडणीचे काय?नांदेड : उपमुख्यमंत्री अजित पवार यांनी सभागृहात...
आरोग्य व्यवस्था मजबूत करण्याला...मुंबई : अर्थसंकल्प मांडणे आम्हाला नवे नाही. मात्र...
उन्हाळी मूग, उडीद लागवडरब्बी हंगामातील पिकाच्या काढणीनंतर सिंचनाखाली...
निरोगी पशुधनासाठी शुद्ध, निर्जंतुक पाणीदुधाळ प्राण्यांचे आहारातील गवत आणि अन्य...
श्‍वसनसंस्थेच्या आजारावर अडुळसा, तुळस...मानवाप्रमाणेच जनावरांना देखील श्‍वसनसंस्थेचे आजार...
बुलडाण्यात बीजोत्पादनाचा भार महिलांच्या...बुलडाणा ः पूर्वापार होत असलेल्या शेतीत महिलांचे...
उच्चशिक्षित महिला सरपंचांनी गावात पेरला...नागपूर : नागपूर जिल्ह्यातील मोहगावच्या...
शेतकरी, ग्रामीण भागाचे राज्याच्या...पुणे : राज्याचा अर्थसंकल्प आज (ता. ८) अर्थ व...
पोलिस पाटलांना दरमहा १५ हजार मानधन द्यानाशिक : पोलिस पाटील पद शासन यंत्रणेतील गाव...
...त्या तिघींनी पापड उद्योगातून जपली...कोल्हापूर : ‘त्या‘ तिघी एकमेकाला सावरणाऱ्या....
हरभऱ्‍याचा उतारा यंदा घसरला, एकरी ३ ते...सुलतानपूर, जि. बुलडाणा : यंदाच्या हंगामात चांगला...
‘समृद्धी’च्या सोबतीने बुलेट ट्रेन...अकोला : राज्यात साकारत असलेल्या नागपूर-मुंबई...
दीड एकरातील डाळिंबावर फिरवला नांगर रिसोड, जि. वाशीम : अपेक्षित उत्पादन मिळत नसल्याने...
हळदीला दराची झळाळी, उत्पादनातील घटीने...नागपूर : यंदा मागील दोन महिन्यांत हळदीच्या भावात...
म्हैसाळ योजनेचे पाणी तिसऱ्या टप्प्यात... सांगली : म्हैसाळ योजनेचे पंप धिम्या गतीने सुरू...
कृषी प्रक्रिया उद्योगाकडे वळावे ः डॉ....अंबाजोगाई, जि. बीड : नोकरीच्या मागे न लागता...