Agriculture news in Marathi, The hope of getting justice for the farmers is gray | Agrowon

शेतकऱ्यांना न्याय मिळण्याची आशा धूसर : किशोर तिवारी

विनोद इंगोले
मंगळवार, 15 ऑक्टोबर 2019

‘लोकांच्या डोळ्यांवर धर्मांधतेची झापड चढविण्यात भाजप यशस्वी झाला आहे. याची नशा चढलेल्या समाजातील अनेकांना देश, राज्यातील मूळ प्रश्‍नच दिसेनासे झाले आहेत. त्यामुळेच की काय भाजपला जिंकण्याचा अतिआत्मविश्‍वास आहे. विरोधक संपविण्याकरिता त्यांना पक्षात घेतले जात आहे. त्यासोबतच भाजपमधील मित्रपक्षांचे अस्तित्व संपुष्टात आणण्याची खेळीदेखील खेळली जात आहे. त्याकरिता रासपच्या उमेदवारांना त्यांच्या पक्षाच्या चिन्हाऐवजी भाजपच्या चिन्हावर निवडणूक लढविण्यास बाध्य करण्यात आले. एकपक्षीय प्रणाली आणण्याकडे ही वाटचाल असून येत्या काळात मोदी देशाचे सर्वेसर्वा असतील. 

‘लोकांच्या डोळ्यांवर धर्मांधतेची झापड चढविण्यात भाजप यशस्वी झाला आहे. याची नशा चढलेल्या समाजातील अनेकांना देश, राज्यातील मूळ प्रश्‍नच दिसेनासे झाले आहेत. त्यामुळेच की काय भाजपला जिंकण्याचा अतिआत्मविश्‍वास आहे. विरोधक संपविण्याकरिता त्यांना पक्षात घेतले जात आहे. त्यासोबतच भाजपमधील मित्रपक्षांचे अस्तित्व संपुष्टात आणण्याची खेळीदेखील खेळली जात आहे. त्याकरिता रासपच्या उमेदवारांना त्यांच्या पक्षाच्या चिन्हाऐवजी भाजपच्या चिन्हावर निवडणूक लढविण्यास बाध्य करण्यात आले. एकपक्षीय प्रणाली आणण्याकडे ही वाटचाल असून येत्या काळात मोदी देशाचे सर्वेसर्वा असतील. 

ब्रिटिशकाळाप्रमाणे इजारे (जमीनदारी) वाटप करुन त्या भागात त्या त्या व्यक्‍तीमार्फत करवसुलीचे काम होईल. लोकशाही धोक्‍यात आली असतानाच फक्‍त धर्मांधतेपायी त्याविरोधात कोणीच बोलण्यास तयार नाही. या व्यवस्थेत केवळ भाजपला पैसे पुरविणाऱ्या व्यापारी, उद्योजकांचेच हित जपले जात आहे. शेतकऱ्यांना न्याय मिळण्याची आशाच धूसर असून त्यामागे शेतकरी नेतेदेखील तितकेच कारणीभूत आहेत. 

शेतकरी आत्महत्या, हमीभाव, पीकविमा, शेतकऱ्यांचे मूलभूत प्रश्‍न यांसारख्या मुद्यावर एकही आंदोलन न करणाऱ्या शेतकरी संघटना बहुराष्ट्रीय कंपन्यांची चाकरी करण्यात तंत्रज्ञान स्वातंत्र म्हणजे एचटी बियाण्यांचाच आग्रह धरतात आणि त्यासाठीच आंदोलन करतात. अशा शेतकरी संघटना वाट चुकल्याप्रमाणे असून निघाले ज्ञानेश्‍वराच्या आळंदीला आणि पोचले चोराच्या आळंदीला. तेथेच ज्ञानेश्‍वर भेटल्याचा कांगावा ते करीत आहे. 

आजपर्यंत विद्यापीठांनी विकसित केलेले किती तंत्रज्ञान शेतकऱ्यांपर्यंत पोचले, याची आकडेवारी तरी या संघटनांकडे आहे का किंवा असे भारतीय तंत्रज्ञान पोचावे याकरिता त्यांनी काही विशेष प्रयत्न केले का, मग एका विशिष्ट कंपनीच्या तंत्रज्ञानाने जादूची कांडी फिरविल्यागत बदल घडण्याची अपेक्षा त्यांनी का करावी, पीकविम्याबाबत कधी शेतकरी संघटनांनी इतका घसा कोरडा केला नाही. अशाप्रकारे सर्वांचेच काहीतरी स्वार्थ असल्याने शेतकरी आणि शेतमजूर व्यवस्थेच्या बाहेर फेकल्या गेला आहे. 

यापुढील काळात शेतकरी, शेतमजुरांचा हा प्रवास अधिक खडतर होणार आहे. कारण शेतकरी संघटना आणि शेतकऱ्यांसाठी संघर्ष करणाऱ्या कथित नेतृत्वांचा प्रवास दिशाहीन सुरू आहे. जो माणूस शेतकऱ्यांचा सातबारा कोरा करेल, दीडपट हमीभाव देईल, तेलंगणासारखे आर्थिक पॅकेज जाहिर करेल, शेतकरी त्यांच्या पाठीशी राहतील. सद्या अतिआत्मविश्‍वासी भाजप पक्षातील लोकांनाच विचारत नाही. ज्येष्ठांची अवहेलना करते. तो पक्ष शेतकरी, शेतमजुरांना काय न्याय देईल त्यांच्याकडून तसे होणे अपेक्षित देखील नाही. 

मुख्यमंत्र्यांकडे एमबीए केलेली मुले भरपूर आहेत. त्यांच्या सल्ल्यानुसारच ते पक्षाचे काम करीत आहेत. उद्योजक आणि शहरी वर्गावरच त्यांचे लक्ष्य केंद्रित केले आहे. यावर्षी सर्वात कमी कर्जपुरवठा झाला. पीकविम्याची बोंबाबोंब आहे. आम्ही सरकारला सल्ले दिले. परंतु शेतकऱ्यांच्या परिस्थितीत बदल घडविणाऱ्या सुधारणा करण्याऐवजी शेती स्वावलंन मिशनचे अध्यक्षपद देत आम्हालाच लॉलीपॉप दिल्याचे सांगण्यात आले.  (शब्दांकन ः विनोद इंगोले)


इतर अॅग्रो विशेष
पीककर्ज वाटपात राज्यात कोल्हापूर प्रथम...कोल्हापूर : जिल्ह्याकरिता पीक कर्जाचे वार्षिक...
कृषी विधेयकांना वाढता विरोधनवी दिल्लीः देशभरात ठिकठिकाणी विशेषतः पंजाब आणि...
तंबी देताच फळपिकांची विमा भरपाई झाली...पुणे: फळपिक विमा योजनेतील अडवून ठेवलेली नुकसान...
कांदा उत्पादकांची सावध चाल नाशिक: केंद्राच्या वाणिज्य मंत्रालयाने कांदा...
मराठवाड्यात पावसाचे धुमशान पुणे ः मराठवाड्यात पावसाचे धुमशान सुरूच आहे....
ग्रामपंचायतींच्या निवडणुकांसाठी निवडणूक...मुंबई: कोरोनामुळे स्थगित करण्यात आलेल्या आणि...
हलक्या पावसाची शक्यता पुणे ः बंगाल उपसागराच्या ईशान्य परिसरात उद्या (ता...
शेतकऱ्यांना उभारी देणारी संत ज्ञानेश्‍...किनखेडा (ता.रिसोड,जि.वाशीम) येथील प्रगतशील शेतकरी...
बाजार स्वातंत्र्यांची मागणी पूर्ण पुणेः केंद्र सरकारने सादर केलेल्या शेती आणि पणन...
गुणवत्तापूर्ण हळद, डाळींची थेट...सनपुरी (जि. परभणी) येथील प्रयोगशील शेतकरी नरेश...
मराठवाड्यात जोरदार पावसाचा पिकांना फटकाऔरंगाबाद, परभणी : औरंगाबाद, जालना, बीड, लातूर,...
हजारो टन कांदा निर्यातीच्या प्रतीक्षेतमुंबई/नाशिक : देशभरात कांदा निर्यातबंदी...
बीटी वांग्याच्या दुसऱ्या टप्प्यातील...पुणे : देशभरात चर्चेत असलेल्या बीटी वांग्याच्या...
साखर निर्यातीचे करार ५७ लाख टनांवरकोल्हापूर : देशातल्या साखर निर्यातीचे करार आता ५७...
तुरळक ठिकाणी जोरदार पावसाची शक्यतापुणे ः बंगालचा उपसागर व उत्तर तामिळनाडूच्या...
दूध सल्लागार समिती कागदावरचपुणे : राज्यस्तरीय दूध सल्लागार समितीची एकही बैठक...
राज्यात मोसंबी १००० ते ४००० रुपये...औरंगाबादमध्ये १००० ते २५०० रुपये प्रतिक्विंटल...
कांदा, लसूण शेतीत बहिरवाडीने मिळवली...बहिरवाडी (ता. जि. नगर) हे छोटे गाव कांदा व लसूण...
स्पर्धेत टिकण्यासाठी ‘ई-नाम’केंद्र सरकारने कृषी, पणन व्यवस्थेत सुधारणा घडवून...
बाजार सुधारणांत नको राजकीय धुळवडकोरोनाच्या पार्श्वभूमीवर होत असलेल्या संसद...