लातूर विभागातील दोन हजार हेक्टरवर फळबाग लागवड

नांदेड : कृषीच्या लातूर विभागांतर्गतच्या परभणी, हिंगोली, नांदेड, लातूर, उस्मानाबाद या पाच जिल्ह्यांमध्ये सन २०१९-२० जानेवारी अखेरपर्यंत भाऊसाहेब फुंडकर फळबाग लागवड योजना, महात्मा गांधी राष्ट्रीय ग्रामीण रोजगार हमी योजना, पोकरा या तीन योजनांची मिळून एकूण २ हजार १२२.१२ हेक्टरवर फळबागेची लागवड झाली आहे.

भाऊसाहेब फुंडकर फळबाग लागवड योजनेतंर्गंत  सन २०१९-२० साठी लातूर विभागात २३ कोटी १८ लाख १४ हजार रुपयांची तरतूद आहे. जानेवारी अखेरपर्यंत २२ हजार ६७९ शेतकऱ्यांनी २४ हजार ३६१ हेक्टरवर फळबाग लागवडीसाठी अर्ज केले. पूर्वसंमती तसेच प्रशासकीय मंजुरीनंतर २ हजार २१३ शेतकऱ्यांनी २ हजार ११४.७९ हेक्टरवर फळबाग लागवड केली. या योजनेतंर्गंत आजवर ४ कोटी १६ लाख २१ हजार रुपये एवढा खर्च झाला आहे.

महात्मा गांधी राष्ट्रीय ग्रामीण रोजगार हमी योजनेतंर्गंत ६ हजार हेक्टरवर फळबाग लागवड करण्याचा लक्षांक आहे. त्यासाठी २ हजार ६९ शेतकऱ्यांनी १ हजार ५९२.३६ हेक्टरवर फळबाग लागवड करण्यासाठी अर्ज केले. त्यापैकी १ हजार ७१२ शेतकऱ्यांना १ हजार ३०७.३१ हेक्टरवर फळबाग लागवडीसाठी तांत्रिक मंजुरी देण्यात आली. एकूण १ हजार ४२४ शेतकऱ्यांना १ हजार २९.९४ हेक्टरवर फळबाग लागवडीसाठी प्रशासकीय मंजुरी देण्यात आली. त्यापैकी ६२८ शेतकऱ्यांनी ३९०.३ हेक्टरवर फळबाग लागवड केली आहे.

या योजनेंतर्गंत १ कोटी ३७ लाख ८ हजार रुपये एवढा खर्च झाला आहे. नानाजी देशमुख कृषी संजीवनी योजना (पोकरा) अंतर्गंत २४३.४१ हेक्टरवर फळबाग लागवड झाली आहे.

जिल्हानिहाय फळबाग लागवड स्थिती (हेक्टरमध्ये)