agriculture news in marathi, horticulture plantation area decrease in pune region, maharashtra | Agrowon

पुणे विभागात फळबाग लागवड क्षेत्र घटले

टीम अॅग्रोवन
शुक्रवार, 9 मार्च 2018
पुणे  ः केंद्र शासनाने महात्मा गांधी राष्ट्रीय ग्रामीण रोजगार हमी योजनेअंतर्गत फळबाग लागवडीसाठी जॉब कार्डची जाचक अटी लावली आहे. त्यामुळे फळबाग लागवडीत घट झाली आहे. पुणे विभागात चालू वर्षी उद्दिष्टाच्या तुलनेत १४ हजार ९३७ हेक्‍टर क्षेत्रापैकी अवघी२४५७ हेक्‍टरवर फळबाग लागवड झाली आहे. ही स्थिती पाहता शेतकऱ्यांनी फळबाग लागवडीकडे पाठ फिरविल्याचे दिसते. 
 
पुणे  ः केंद्र शासनाने महात्मा गांधी राष्ट्रीय ग्रामीण रोजगार हमी योजनेअंतर्गत फळबाग लागवडीसाठी जॉब कार्डची जाचक अटी लावली आहे. त्यामुळे फळबाग लागवडीत घट झाली आहे. पुणे विभागात चालू वर्षी उद्दिष्टाच्या तुलनेत १४ हजार ९३७ हेक्‍टर क्षेत्रापैकी अवघी२४५७ हेक्‍टरवर फळबाग लागवड झाली आहे. ही स्थिती पाहता शेतकऱ्यांनी फळबाग लागवडीकडे पाठ फिरविल्याचे दिसते. 
 
महात्मा गांधी राष्ट्रीय ग्रामीण रोजगार हमी योजना ही शंभर टक्के केंद्र पुरस्कृत योजना आहे. ही योजना राज्यात २०११-१२ पासून सुरू करण्यात आली आहे. या योजनेचा शेतकऱ्यांना स्वतःच्या शेतात फळबाग लागवड करून रोजगारनिर्मिती करणे व त्यांचा आर्थिक स्तर उंचावणे, फळबाग लागवड करून फळपिकांच्या खालील क्षेत्र वाढवत शेती पूरक व्यवसाय वाढ करणे व उत्पादन वाढविणे हा मुख्य उद्देश होता.
 
या योजनेत जमीन तयार करणे, खड्डे खोदणे, रोप लागवड करणे, काटेरी कुंपण करणे, आंतरमशागत करणे, खते देणे, संरक्षण, पाणी देणे अशा विविध बाबींचा समावेश आहे. त्यासाठी सात बारा व आठ अ उताराधारक शेतकरी, अनुसूचित जाती, जमाती, दारिद्रय रेषेखालील लाभार्थी, भू सुधार योजनेचे लाभार्थी, इंदिरा आवास योजनेचे लाभार्थी, कर्जमाफी योजनेनुसार अल्प भूधारक व सिमांत शेतकरी, अनुसूचित जमातीतील व अन्य परंपरागत वन निवासी अधिनियम २००६ नुसार पात्र व्यक्तीकडे जॉब कार्ड व ग्रामपंचायत, ग्रामसभेची मान्यता असणे बंधनकारक करण्यात आले आहे.
 
फळबाग लागवडीचे काम लाभधारकाने स्वतः व जॉबकार्ड धारक मजुरांकडून करून घेणे आवश्‍यक आहे. याबाबींचा विचार केल्यास शेतकऱ्यांना हे शक्‍य होत नसल्याने शेतकऱ्यांनी फळबाग करण्याकडे दुर्लक्ष केल्याचे चित्र आहे. त्यामुळे फळबाग लागवडीत घट होऊ लागली आहे. 
 
गेल्या वर्षी पुणे विभागात या योजनेअंतर्गत उद्दिष्टाच्या १७ हजार १९७ हेक्‍टरपैकी २६२६ हेक्‍टरवर फळबाग लागवड झाली होती. यात नगर जिल्ह्यात उद्दिष्टाच्या ५८३५ हेक्‍टरपैकी २१४६ हेक्‍टरवर लागवड झाली होती. पुणे जिल्ह्यात ६ हजार १५ हेक्‍टरपैकी ४०८ तर सोलापूर जिल्ह्यात पाच हजार ३४७ हेक्‍टरपैकी ७१ हेक्‍टरवर फळबाग लागवड झाली होती.
 
यंदा गेल्या वर्षीच्या तुलनेत फळबाग लागवडीत घट झाली असल्याचे चित्र आहे. अनेक शेतकरी जून ते डिसेंबर या कालावधीत फळबाग लागवड करतात. त्यासाठी पहिल्या वर्षी ५०, दुसऱ्या वर्षी २५, तिसऱ्या वर्षी २५ टक्के अनुदान देण्यात येते. परंतु आता कालावधी संपला असून फळबाग लागवडीची स्थिती फारशी समाधानकारक नसल्याचे दिसून येते.
 
पुणे विभागात जानेवारीअखेर झालेली लागवड (हेक्‍टर)
जिल्हा उद्दीष्ट झालेली लागवड 
नगर ४००० १४६७ 
पुणे ५५९७ ६१४
सोलापूर ५३४० ३७६

 

 

 
 

इतर ताज्या घडामोडी
शेतकरी उत्पादक कंपन्यांना प्रोत्साहन ...पुणे : राज्यातील शेतकरी उत्पादक कंपन्यांचे अनुदान...
कृषिमंत्र्यांच्या नाशिक जिल्ह्यातच पीक...नाशिक : मूग नक्षत्राच्या तोंडावर पेरणीयोग्य पाऊस...
मराठवाड्यात बॅंकांकडून शेतकऱ्यांची...औरंगाबाद : मराठवाड्यात पूर्वमोसमी पाऊस बऱ्यापैकी...
सोलापूर जिल्ह्यात पीक कर्जवाटप अवघ्या...सोलापूर : यंदाच्या खरीप हंगामासाठी जिल्ह्यात पीक...
परभणी जिल्ह्यातील शिल्लक कापसाची...परभणी : शासकीय खरेदी केंद्रांवर कापूस विक्रीसाठी...
मराठवाड्यातील सहा जिल्ह्यांत ३६५ टॅंकर...औरंगाबाद : औरंगाबाद, जालना, परभणी, नांदेड, बीड,...
जैविक किटकनाशकांद्वारे पर्यावरणाचे...परभणी : ‘‘शेतीत रासायनिक किटकनाशकांचा वापर मोठ्या...
निसर्ग चक्रीवादळग्रस्तांना तातडीने मदत...पुणे  ः निसर्ग चक्रीवादळामुळे बाधित झालेल्या...
वऱ्हाडात २५ टक्क्यांपेक्षाही कमी...अकोला  ः जून महिना सुरु झाला असून वऱ्हाडातील...
पर्यावरणातील बदलांकडे लक्ष देऊन शेती...औरंगाबाद : ‘‘पर्यावरणातील सततच्या बदलाने आपल्या...
पीक कर्जासाठी पुणे जिल्ह्यातील...पुणे  ः कर्जमाफीच्या गोंधळामुळे...
सातारा जिल्हा बॅंकेकडून कर्ज व्याजदरात...सातारा  : `कोरोना’च्या पार्श्वभूमीवर सुरु...
नगर जिल्ह्यात पीककर्ज वाटपात...नगर  ः खरीप हंगामासाठी पीककर्ज पुरवठ्याकडे...
सांगली जिल्ह्यात पीककर्ज वाटपाची गती...सांगली  : खरीप हंगामाच्या पार्श्वभूमीवर...
रत्नागिरी जिल्हा बॅंकेकडून सव्वा पाच...रत्नागिरी  ः जिल्ह्यात यंदा खरीप हंगामात...
कोल्हापूर जिल्ह्यात ६६ टक्के पीककर्ज...कोल्हापूर : जिल्ह्यात खरिपासाठी मे अखेरपर्यंत ६६...
नागपूर जिल्ह्यात १३ टक्के पीककर्ज वितरितनागपूर  ः माजी मुख्यमंत्री व विद्यमान विरोधी...
यवतमाळमध्ये खरिपासाठी २४.५१ टक्केच...यवतमाळ  ः शेतकरी आत्महत्यांचा जिल्हा अशी ओळख...
उत्तर भारताच्या दिशेने मॉन्सून वेगाने...महाराष्ट्रावर उत्तरेस १००४ तर मध्यावर व दक्षिणेस...
चंद्रपूर जिल्ह्यात पीककर्ज वितरणात...चंद्रपूर  ः चंद्रपूर जिल्ह्यातील बॅंका खरीप...