Agriculture news in Marathi horticulture producers sacred about climate change | Agrowon

ढगाळ हवामानामुळे फळबाग उत्पादक धास्तावले

टीम अॅग्रोवन
गुरुवार, 5 डिसेंबर 2019

पुणे ः आॅक्टोबर आणि नोव्हेंबरमध्ये अवकाळी पावसाने फळबागा व शेतीला मोठा फटका बसला. त्यानंतर पुन्हा गेल्या चार ते पाच दिवसांपासून ढगाळ हवामान झाले आहे. यामुळे फळबाग उत्पादक चांगलेच धास्तावले असून, पाऊस आल्यास पुन्हा नुकसान होण्याची भीती शेतकऱ्यांना लागून राहिली आहे.

पुणे ः आॅक्टोबर आणि नोव्हेंबरमध्ये अवकाळी पावसाने फळबागा व शेतीला मोठा फटका बसला. त्यानंतर पुन्हा गेल्या चार ते पाच दिवसांपासून ढगाळ हवामान झाले आहे. यामुळे फळबाग उत्पादक चांगलेच धास्तावले असून, पाऊस आल्यास पुन्हा नुकसान होण्याची भीती शेतकऱ्यांना लागून राहिली आहे.

अवकाळी पावसामुळे द्राक्षे, डाळिंब, सीताफळ, पेरू, अंजीर या फळबागांचे मोठे नुकसान झाले आहे. आता कुठे शेतकरी सावरत असताना गेल्या चार ते पाच दिवसांपासून जिल्ह्यासह राज्यांच्या बहुतांशी भागात ढगाळ वातावरण तयार झाले आहे. येत्या एक ते दोन दिवस हवामान ढगाळ राहण्याचा अंदाजही हवामान विभागाने दिला असून, तुरळक ठिकाणी हलक्या पावसाचा अंदाज वर्तविला आहे. 

गेल्या दोन महिन्यांपासून होत असलेल्या अवकाळी पावसामुळे जिल्ह्यातील दहा ते वीस हजार हेक्टर क्षेत्राचे नुकसान झाले असून, अनेक ठिकाणी बागाही उद्ध्वस्त झाल्या आहेत. त्यातच आता पुन्हा ढगाळ वातावरणाामुळे या बागा संकटात सापडण्याची शक्यता बळावली आहे. या शिवाय डाळिंब, बाजरी, मका, ज्वारी, कांदा पिकांनाही ढगाळ हवामानाचा फटका बसण्याची शक्यता आहे. 

अवकाळी पावसाच्या संकटाने शेतकऱ्यांच्या हातातोंडाशी आलेला घास हिरावून घेतला आहे. पुणे जिल्ह्यात सुमारे दहा ते पंधरा हजार हेक्टर क्षेत्र आहे. जिल्ह्यातील नारायणगाव, बारामती, इंदापूर, दौंड या तालुक्यांतील परिसरात अनेक शेतकरी द्राक्षांच्या थॉमसन, शरद, फ्लेम, सोनाका, फनटासी, क्रिमसन या वाणांच्या द्राक्षेचे मोठ्या प्रमाणात उत्पादन घेतात. थंडी आणि ढगाळ हवामानामुळे फुलोरा संकटात सापडण्याची चिन्हे निर्माण झाली आहे. 

द्राक्षांचे मणी तडकण्यास सुरुवात झाली आहे. फुलगळ व फळगळसारख्या नुकसानीचा सामनाही शेतकरी करीत आहेत. फुलोऱ्यात पाणी साचले तर द्राक्ष घड कुजण्याची भीती आहे. तर ढगाळ वातावरणामुळे अतिरिक्त पावडर फवारणी करण्याची वेळ शेतकऱ्यांवर आली आहे. तसेच पुरंदर, इंदापूर, जुन्नर, आंबेगाव, शिरूर, खेड, दौंड, बारामती या भागांतही डाळिंबाचे मोठे नुकसान झाले आहे. आता पुन्हा ढगाळ हवामानामुळे शेतकऱ्यांपुढे नवी आव्हाने उभी ठाकली आहेत.

गेल्या एक महिन्यापूर्वी होणारा सततचा पाऊस, धुके व ढगाळ वातावरणामुळे पुणे जिल्ह्यातील द्राक्ष बागांचे मोठे नुकसान झाले आहे. या प्रतिकूल हवामानामुळे फुलोऱ्यातील द्राक्ष बागांचे घड आणि फळकुजीमुळे ५० टक्क्यांपेक्षा अधिक नुकसान झाले होते. द्राक्षावर डाऊनीचे प्रमाण वाढल्याने फवारणीचा खर्च वाढला असून, अनेक फवारण्या करूनही उपयोग होत नसल्याने द्राक्ष उत्पादक हतबल झाले आहेत. घड कुजीच्या समस्येमुळे उत्पादनावर ५० टक्के नुकसान झाले आहे. 
- जितेंद्र बिडवई, अध्यक्ष, द्राक्ष उत्पादक संघ


इतर ताज्या घडामोडी
गोरेगाव आणि देगावांतील शेतकऱ्यांच्या...अकोला  ः जिल्ह्यातील गोरेगाव व देगाव या दोन...
जळगाव जिल्ह्यात अर्ली केळी लागवड सुरूजळगाव  ः जिल्ह्यात यावल, रावेर, मुक्ताईनगर,...
...अखेर रुईखेड येथे हवामान केंद्र स्थापनअकोला  ः महावेध व हवामान आधारित फळपीक विमा...
चांदवड येथे शेतकरी संघटनेची कांदा परिषद...नाशिक  : केंद्रीय अन्न व नागरी पुरवठा मंत्री...
गोंदिया : नुकसानग्रस्तांचे डोळे लागले...सडक अर्जुनी, गोंदिया  ः खरीप हंगामात अवकाळी...
जळगाव : किसान सन्मानच्या लाभाची...जळगाव ः शासनाकडून राबविण्यात येणाऱ्या...
परभणी जिल्ह्यात नादुरुस्त बंधाऱ्यांमुळे...परभणी : जिल्हा परिषदेच्या लघू पाटबंधारे...
कर्जमुक्ती योजनेंतर्गत ७४६ शेतकऱ्यांचे...नाशिक : महात्मा ज्योतिराव फुले शेतकरी कर्जमुक्ती...
किसान सभेचे बिऱ्हाड आंदोलन मागेनाशिक  : दिंडोरी तालुक्यामध्ये गेल्या अनेक...
लातूर, उस्मानाबाद जिल्ह्यात हेक्‍टरी १०...उस्मानाबाद : दोन्ही जिल्ह्यातील कापूस व तुरीची...
पाणी सोडण्याविरुद्ध रेणा प्रकल्पस्थळी...रेणापूर, जि. लातूर : भंडारवाडी (ता. रेणापूर)...
वणवा नुकसानग्रस्तांना सिंधुदुर्ग ‘झेडपी...सिंधुदुर्ग : ‘‘वणव्यामुळे नुकसान झालेल्या...
सांगलीत ‘रोहयो’तून डाळिंब लागवडीला ‘...आटपाडी, जि. सांगली : पावणे दोन वर्षांत येथील...
पुणे जिल्ह्यात हरभऱ्याला रोग-किडीचा फटकापुणे ः रब्बी हंगामात वाफसा न झाल्याने अनेक...
नगर जिल्ह्यातील अतिवृष्टीग्रस्तांना मदत...नगर ः अतिवृष्टीमुळे झालेल्या पिकांच्या नुकसानीची...
पीकविम्याची रक्कम लवकरच ः कृषिमंत्री...मुंबई ः राज्यातील शेतकऱ्यांना १५ ते २० दिवसांच्या...
सातारा जिल्ह्यात अडीच महिन्यांत केवळ ४४...सातारा ः दुष्काळावर मात करण्यासाठी शासनाने सुरू...
मराठवाड्यातील दूध संकलनात घटऔरंगाबाद : मराठवाड्यातील दूध संकलनात गतवर्षी...
पहाटेच्या शपथविधीची विधानसभेत आठवणमुंबई ः देवेंद्र फडणवीस आणि अजित पवार यांनी...
मराठवाडी धरणग्रस्तांनी बंद पाडले धरणाचे...ढेबेवाडी, जि. सातारा : ‘आधी पुनर्वसन मगच धरण’ या...