agriculture news in marathi Hotel, Restuarant, Bars to start from 5th October in state | Agrowon

हॉटेल, रेस्‍टॉरंट, बार ५ ऑक्‍टोबरपासून सुरु

टीम अॅग्रोवन
शुक्रवार, 2 ऑक्टोबर 2020

कोरोनामुळे गेल्या सहा महिन्यांपासून बंद असलेली राज्यभरातील हॉटेल्‍स, रेस्‍टॉरंट आणि बार तसेच फूडकोर्ट ५ ऑक्टोबरपासून खुली होणार आहेत. मात्र सर्व हॉटेल्‍स त्‍यांच्या ५० टक्‍के क्षमतेनेच सुरु राहतील.

मुंबई : कोरोनामुळे गेल्या सहा महिन्यांपासून बंद असलेली राज्यभरातील हॉटेल्‍स, रेस्‍टॉरंट आणि बार तसेच फूडकोर्ट ५ ऑक्टोबरपासून खुली होणार आहेत. मात्र सर्व हॉटेल्‍स त्‍यांच्या ५० टक्‍के क्षमतेनेच सुरु राहतील.

राज्‍यांतर्गत चालणाऱ्या लांब पल्ल्याच्या रेल्‍वेगाड्याही सुरु होणार आहेत. मुंबईतील लोकल गाड्यांच्या फेऱ्या वाढणार असून मुंबईच्या डबेवाल्‍यांनाही लोकल प्रवासाची मुभा देण्यात आली आहे. तसेच पुणे विभागातील लोकल सेवाही सुरू होणार आहे.

कोरोना साखळी तोडण्यासाठी लागू करण्यात आलेल्या लॉकडाऊन नंतर राज्यात १ जूनपासून 'मिशन बिगिन अगेन' सुरू करण्यात आले. गेल्या चार टप्प्यात दुकाने, उद्योग व्यवसाय, दळणवळण, निवासी हॉटेल्स, लॉज पूर्ववत सुरू करण्यात आले.मात्र, हॉटेल्स, रेस्टॉरंट, बारसह व्यायामशाळा, नाट्यगृहे, चित्रपटगृह, तरण तलाव आदींवर निर्बंध कायम होते.

या पार्श्वभूमीवर दोन दिवसांपूर्वी हॉटेल चालक संघटनांच्या प्रतिनिधींनी मुख्यमंत्री उद्धव ठाकरे यांच्यासोबतच्या बैठकीत हॉटेल, रेस्‍टॉरंट तातडीने सुरू करण्याची मागणी केली होती. राज्‍य सरकारने ही मागणी मान्य केली आहे. त्यानुसार ५ ऑक्‍टोबरपासून हॉटेल, रेस्‍टॉरंट, बार आणि फूडकोर्ट त्‍यांच्या ५० टक्‍के क्षमतेने सुरू होणार आहेत. म्‍हणजेच जर हॉटेलची क्षमता १०० ग्राहक बसण्याची असेल तर तिथे ५० ग्राहकच बसू शकणार आहेत. अंतर नियमासह सर्व नियमांचे पालन करावे लागणार आहे. यासंदर्भात पर्यटन विभागाकडून मार्गदर्शक सूचना जारी केल्या जाणार आहेत.

मुंबई महानगर प्रदेशातील सर्व औद्योगिक आणि उत्पादक युनिटही सुरू करण्यास परवानगी देण्यात आली आहे. रुग्णांना लागणारी ऑक्सिजनची आवश्यकता पाहता सर्व ऑक्सिजन पुरवठा करणा-या वाहनांना कोणत्‍याही आडकाठी शिवाय २४ तास वाहतुकीची परवानगी देण्यात आली आहे. ऑक्सिजन निर्माते आणि पुरवठादार यांच्यावरही कोणतेही निर्बंध टाकण्यात येणार नाहीत.

३१ ऑक्टोबरपर्यंत बंद

  • शाळा, महाविद्यालय,शैक्षणिक संस्था, कोचिंग क्लासेस
  • मेट्रो सेवा, चित्रपटगृह, नाट्यगृह, तरणतलाव, व्यायामशाळा, मनोरंजन पार्क, सभागृह
  • मंदिर, मशीदसह सर्व प्रार्थना स्थळे
  • सामाजिक, राजकीय, धार्मिक, सांस्कृतिक, शैक्षणिक, क्रीडा, मनोरंजनाचे कार्यक्रम
  • आंतरराष्ट्रीय प्रवासाला बंदी, केवळ केंद्रीय गृह मंत्रालयाच्या परवानगीने प्रवासाला मुभा

इतर बातम्या
राज्यात पावसाचा कमीअधिक जोर राहणारपुणे ः राज्यातील अनेक भागात पावसाने काहीशी उघडीप...
कांदा दर नियंत्रणासाठी केंद्र सरकारचा...मुंबई : कांदा दर नियंत्रणासाठी केंद्र सरकारचा...
सांगली जिल्ह्यातील भाजीपाला पिके...सांगली ः सांगली जिल्ह्याची ओळख भाजीपाला...
सणासुदीत निष्काळजीपणा नको ः पंतप्रधान...नवी दिल्ली ः देशातील लॉकडाउन संपला तरी कोरोनाचा...
‘बायोमिक्स’ विक्रीतून कृषी विद्यापीठाला...परभणी ः वसंतराव नाईक मराठवाडा कृषी विद्यापीठातील...
जरासं पहा ना साहेब, पाणीच पाणी वावरात...परभणी ः सदोष बियाण्यांमुळे दुबार, तिबार पेरणी...
परतीचा मॉन्सून राज्यातून चार दिवसांत...पुणे ः परतीच्या पाऊस सुरू असताना बंगालच्या...
कांदा बियाण्यांचा काळाबाजार सुरूचनाशिक : मागील वर्षी उन्हाळ कांदा बीजोत्पादनावेळी...
लाचखोर तलाठ्यास कारावासवर्धा : सातबारावरील चूक दुरुस्तीसाठी पंधरा...
‘गोकूळ’ देणार दूध संस्‍थांना दरफरकापोटी...कोल्‍हापूर : कोल्‍हापूर जिल्‍हा सहकारी दूध...
केंद्राने महाराष्ट्राच्या हक्काचे ३०...मुंबई : कोरोना संकटामुळे महाराष्ट्रासमोर आर्थिक...
बिहारला मदत, मग महाराष्ट्राला का नाही?...मंगळवेढा, जि. सोलापूर : केंद्र शासनाने बिहारमध्ये...
शेतकऱ्यांशी सरकारला देणेघेणे नाही ः...करमाळा, जि. सोलापूर : मुख्यमंत्री उद्धव ठाकरे हे...
पिकांचे पंचनामे करून प्रस्ताव तातडीने...सोलापूर : नुकसानग्रस्त शेतकऱ्यांच्या जीवनाला...
सोलापूर जिल्ह्यातील तब्बल ७५ महसूल...सोलापूर :  जिल्ह्याला अतिवृष्टीचा मोठा...
सांगली जिल्ह्यात कृष्णाकाठावरील कृषिपंप...सांगली : जिल्ह्यात गेल्या आठवड्यात अतिवृष्टी झाली...
रत्नागिरीत भातशेतीवर अस्मानी संकटरत्नागिरी : ‘‘ऑक्टोबर महिन्यातील मुसळधार...
नाशिक जिल्ह्यात मका विक्रीत...येवला, जि. नाशिक : सध्या बाजार समित्यांसह खासगी...
नुकसानपातळी अधिक, केंद्रानेही मदत करावी...नाशिक : ‘‘परतीच्या पावसामुळे कापणी योग्य झालेली...
कृषी कायद्यांविरोधात पंजाबकडून स्वतंत्र...चंडीगड : केंद्र सरकारने मंजूर केलेल्या तीन...