Agriculture news in Marathi How the bank stopped crop insurance despite the ruling | Page 2 ||| Agrowon

शासन निर्णय असूनही बँकानी पीकविमा रोखला कसा : 'स्वाभिमानी'चा प्रश्न

टीम अॅग्रोवन
रविवार, 31 मे 2020

बुलडाणा ः गेल्या दोन महिन्यांपासून शेतकऱ्यांच्या खरीप सोयाबीन पीकविम्याची रक्कम जिल्ह्यातील राष्ट्रीयीकृत बँकांनी कर्ज खात्यात जमा केली आहे. ती रक्कम विनाविंलब शेतकऱ्यांना देण्यात यावी, अशी मागणी स्वाभिमानीने लावून धरली आहे. याच अनुषंगाने शुक्रवारी (ता. २९) संघटनेच्या कार्यकर्त्यांनी जिल्हा अग्रणी बँक व्यवस्थापकांची भेट घेत या विषयावर दोन तास चर्चा केली.

बुलडाणा ः गेल्या दोन महिन्यांपासून शेतकऱ्यांच्या खरीप सोयाबीन पीकविम्याची रक्कम जिल्ह्यातील राष्ट्रीयीकृत बँकांनी कर्ज खात्यात जमा केली आहे. ती रक्कम विनाविंलब शेतकऱ्यांना देण्यात यावी, अशी मागणी स्वाभिमानीने लावून धरली आहे. याच अनुषंगाने शुक्रवारी (ता. २९) संघटनेच्या कार्यकर्त्यांनी जिल्हा अग्रणी बँक व्यवस्थापकांची भेट घेत या विषयावर दोन तास चर्चा केली. यावेळी ‘स्वाभिमानी’चे विदर्भ अध्यक्ष प्रशांत डिक्कर, घाटाखालील जिल्हाध्यक्ष शाम अवथळे, जिल्हाध्यक्ष डॉ. ज्ञानेश्वर टाले यांची उपस्थिती होती.

शासन निर्णय असून बँका शेतकऱ्यांचा पीकविमा कर्ज खात्यात रोखून ठेवत असतील तर अशा बँक अधिकाऱ्यांवर तत्काळ कारवाई करा, अशीही मागणी यावेळी त्यांनी केली. पीकविम्याच्या प्रश्नावर जोपर्यंत तोडगा निघणार नाही. तोपर्यंत कार्यालय सोडणार नाही अशी भूमिकाही यावेळी व्यक्त केली. या प्रश्‍नांवर दोन दिवसात शेतकऱ्यांना दिलासा मिळेल, असा तोडगा काढण्यात येईल, असे आश्‍वासन अधिकाऱ्याने दिला.

कोरोना रोगाच्या दहशतीच्या वातावरणात बँकांनी शेतकऱ्यांची खरीप सोयबीन पीकविम्याची रक्कम कर्ज खात्यात जमा करुन शेतकऱ्यांवर दुहेरी संकट निर्माण केले आहे. या लॉकडाऊनमुळे संपूर्ण व्यवहार ठप्प झाले असून विम्याच्या पैशासाठी शेतकरी बँकेत चकरा घालत आहेत. पेरणीचे दिवस जवळ आल्याने शेतकऱ्यांच्या चिंतेत अधिक भर पडत आहे.

शेतकऱ्यांना शेतीच्या मशागतीसाठी, रासायनिक खते, बी बियाणे, खरेदी करण्याकरिता पैशांची गरज आहे. अशा स्थितीत बँकांनी शेतकऱ्यांचा पीकविमा कर्ज खात्यात जमा करणे पूर्णपणे चुकीचे आहे. २२ मे २०१९ रोजी काढलेल्या शासन निर्णयानुसार खरीप पीकविम्याची रक्कम कंपनीने बँकेला अदा केल्यानंतर ७ दिवसांच्या आत बचत खात्यात जमा करणे हे बँकेला बंधनकारक आहे. पंरतु बँका या शासन निर्णयाचे उल्लंघन करीत असल्याचे उघड झाले आहे.

बँकाना शेतकऱ्यांची पीकविम्याची रक्कम कर्ज खात्यात जमा करण्याची कोणत्याही प्रकारची गरज नाही. त्यामुळे कर्ज खात्यात जमा केलेले शेतकऱ्यांचे पीकविम्याचे पैसे शेतकऱ्यांच्या बचत खात्यात जमा करण्याकरिता बँकांना तत्काळ निर्देशित करण्यात येईल, असे आश्वासन अधिकाऱ्याने दिले. बँकाकडून पीकविमा शेतकऱ्यांना न दिल्यास स्वाभिमानी शेतकरी संघटना जिल्हाभर आंदोलन करेल, असा इशारा यावेळी प्रशांत डिक्कर, श्याम अवथळे, डॉ. ज्ञानेश्वर टाले, गणेश जुनधळे, पवन मेटांगळे, बालाजी टाले आदींनी निवेदनातून दिला.


इतर ताज्या घडामोडी
सांगली जिल्ह्यात खते, बियाण्यांच्या ६९...सांगली :‘कृषी विभागाने जिल्ह्यातील ६९ किटकनाशके,...
परभणी जिल्ह्यात आधार प्रमाणिकरणाचे २९...परभणी : महात्मा जोतिराव फुले शेतकरी कर्जमुक्ती...
सजीव प्रजातींची सर्वमान्य यादी...पृथ्वीवरील सर्व ज्ञात प्रजातींची जागतिक पातळीवर...
नाशिक जिल्ह्यात सोयाबीन बियाणे न...नाशिक : खरिपाच्या सुरुवातीला चांगला पाऊस झाला....
वऱ्हाडात कृषी विक्रेत्यांचा कडकडीत बंदअकोला : सोयाबीन बियाणे न उगवल्या प्रकरणी...
नाशिक जिल्ह्यात कृषी निविष्ठा...नाशिक : कृषी निविष्ठा विक्री केंद्रांवरील...
विदर्भात दहा हजार कृषी केंद्रांना टाळेनागपूर : कृषी विक्रेत्यांच्या न्याय्य...
पुणे जिल्ह्यात कृषी सेवा केंद्रे बंदपुणे : महाराष्ट्र फर्टिलायझर्स, पेस्टीसाईड्स...
सोलापुरात कृषी सेवा केंद्रांचा बंद...सोलापूर : बियाणे उगवणीबाबत झालेल्या तक्रारीच्या...
‘जिल्हा परिषद, ग्रामपंचायत अधिकारी, ...मुंबई : कोरोना विषाणूचा प्रादुर्भाव रोखण्यासाठी...
थेट विक्री बंदीची नोटीस मागे घ्या,...पुणे ः शेतकऱ्यांना पुणे शहरात थेट शेतमाल विक्रीला...
हमाल कोरोनाग्रस्त, जळगावात खतांचे रेक...जळगाव ः मालधक्क्यावर रेल्वे रेक रिकामे करणाऱ्या...
भात रोपवाटिकेत खोडकिडीचा प्रादुर्भावऑक्टोबर, नोव्हेंबरमध्ये खरिपातील भात पीक...
परभणीत भेंडी १२०० ते २००० रुपये...परभणी : ‘‘येथील पाथरी रस्त्यावरील फळे, भाजीपाला...
केळीवरील करपा रोगाचे नियंत्रणसध्या केळी पिकाच्या पील बागेत करपा रोगाचा...
वऱ्हाडातील शेतकऱ्यांचा सोयाबीनकडे अधिक...अकोला ः खरिपातील पेरण्या अंतिम टप्प्यात पोचल्या...
औरंगाबादमध्ये निम्म्याच शेतकऱ्यांची मका...औरंगाबाद  : जिल्ह्यात आधारभूत किमतीने भरड...
नांदेड, परभणी, हिंगोलीतील १२४ मंडळांत...नांदेड  ः नांदेड, परभणी, हिंगोली जिल्ह्यातील...
औरंगाबाद जिल्ह्यात आठवड्यात १५१ खत कृषी...औरंगाबाद : ‘‘कृषी विभाग व जिल्हा परिषद...
दुभत्या जनावरांच्या किमतीतही चाळीस...नगर ः दुधाचे दर कमी-जास्ती झाले की दुभत्या...