हुडकेश्‍वर, नरसाळा गावाची हद्द मोजण्यासाठी ‘ड्रोन`चा वापर

हुडकेश्‍वर, नरसाळा गावाची  हद्द मोजण्यासाठी ‘ड्रोन`चा वापर
हुडकेश्‍वर, नरसाळा गावाची हद्द मोजण्यासाठी ‘ड्रोन`चा वापर

नागपूर : पिकावरील फवारणीकामी ड्रोनचा वापर करण्यात आल्यानंतर आता गावाची हद्द मोजण्यासाठी, वाळू घाटांवर पाळत ठेवण्यासाठी ड्रोनचा उपयोग करण्यात येणार आहे. राज्यात प्रथमच गावाची हद्द मोजणीसाठी नागपूर जिल्ह्यात ड्रोनचा उपयोग केला जाणार असल्याची माहिती भूमिअभिलेख विभागाच्या अधिकाऱ्यांनी दिली.

हुडकेश्‍वर व नरसाळा ग्रामपंचायत नागपूर महानगरपालिका हद्दीत २०१३ मध्ये सामील करण्यात आली. हुडकेश्‍वर हनुमाननगर, तर नरसाळा ग्रामपंचायतचा भाग नेहरूनगर झोनमध्ये सामील करण्यात आला. ही दोन्ही गावे महानगरपालिका हद्दीत समाविष्ट झाल्यानंतरही गावातील जमिनीची नोंद मात्र खसऱ्यावर (सातबाऱ्यावर) आहे. या गावाचा सिटी सर्व्हे करण्याची मागणी महानगरपालिकेने भूमिअभिलेख विभागाकडे केली होती. त्यानुसार या दोन्ही गावांची हद्द मोजण्यात येणार आहे. यासाठी ड्रोनचा उपयोग करण्यात येणार आहे.

महाराष्ट्र रिमोट सेन्सिंग अप्लिकेशन सेंटर यांच्या मदतीने ड्रोनचा उपयोग करून ही मोजणी होईल. धारकांनी जमिनीची हद्द दाखविण्यासाठी कर्मचाऱ्यांना सहकार्य करण्याचे आवाहन जिल्हा भूमिअधीक्षक जी. बी. डाबेराव व उपअधीक्षक महेश राजगुरू यांनी केले आहे. 

तेलंगणामध्ये प्रयोग गावाची हद्द मोजण्यासाठी किंवा रस्ते कामात ड्रोनचा वापर तेलंगणा, आंध्र प्रदेश या राज्यांनी यापूर्वीच केला आहे. आंध्र प्रदेशची प्रस्तावित राजधानी अमरावतीच्या कामातदेखील ड्रोनचा प्रभावी वापर केला गेल्याचे सूत्रांनी सांगितले. हैदराबाद येथील थॉनोस या ड्रोन उत्पादक कंपनीच्या पुढाकारातून नुकताच अकोल्यात पिकावर फवारणीकामी ड्रोनचा वापर केला गेला.

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com