agriculture news in marathi huge incoming of vegetable in Pune APMC | Agrowon

पुण्यात फळे, भाजीपाल्याची प्रचंड आवक

टीम अॅग्रोवन
बुधवार, 25 मार्च 2020

पुणे : कोरोना विषाणूचा फैलाव आणि प्रादुर्भाव रोखण्यासाठी पुणे कृषी उत्पन्न बाजार समिती बुधवार (ता.२५) पासून बंद ठेवण्याच्या शक्यतेने मंगळवारी (ता.२४)  बाजार आवारात भाजीपाल्याची प्रचंड आवक झाली

पुणे : कोरोना विषाणूचा फैलाव आणि प्रादुर्भाव रोखण्यासाठी पुणे कृषी उत्पन्न बाजार समिती बुधवार (ता.२५) पासून बंद ठेवण्याच्या शक्यतेने मंगळवारी (ता.२४)  बाजार आवारात भाजीपाल्याची प्रचंड आवक झाली. खरेदीसाठी घाऊक विक्रेत्यांसह किरकोळ खरेदीदारांनी मोठी गर्दी केली होती. गर्दी नियंत्रणासाठी ग्राहकांना रांगेमध्ये बाजारात प्रवेश दिला जात होता. 

दरम्यान १० वाजल्यानंतरही गर्दी नियंत्रणात येत नसल्याने अखेर पोलीस आणि बाजार समिती प्रशासनाने जमावबंदीच्या कायद्याची अंमलबजावणी सुरू करत बाजार आवारात प्रवेश बंदीची अंमलबजावणी सुरू केली. भाजीपाला खरेदी झालेल्या ग्राहकांना आणि वाहनांना तातडीने बाहेर काढण्याची कारवाई सुरू केली होती.  कोरोनाच्या पार्श्वभूमीवर गेल्या आठवड्यात शुक्रवार, शनिवार आणि रविवार असे सलग तीन दिवस बाजार समिती बंद होती. यानंतर सोमवारी (ता.२३) बाजार समिती सुरू झाली. मात्र, रविवार (ता.२२) च्या जनता कर्फ्युमुळे शेतकऱ्यांनी शेतमालाची तोड न केल्याने घाऊक बाजारात शेतमालाची आवक कमी राहिली. यानंतर बुधवार (ता.२५) पासून बाजार बंद ठेवण्याच्या अडते असोसिएशन आणि कामगार संघटनांच्या भूमिकेमुळे मंगळवारी बाजारात भाजीपाल्याची आवक मोठ्या प्रमाणात झाली. 

दरम्यान, भाजीपाला खरेदीसाठी घाऊक व्यापारी, किरकोळ व्यापारी, पथारी आणि हातगाडी वरील विक्रेते आणि घरगुती ग्राहकांनी मोठ्याप्रमाणावर गर्दी केली होती. गर्दी नियंत्रणांसाठी ग्राहकांना रांगेमध्ये प्रवेश दिला जात होता. मात्र १० वाजल्यानंतरही गर्दी वाढल्याचे पाहून बाजार समिती प्रशासनाने पोलीस प्रशासनासह १४४ कलमाच्या अंमलबजावणी करत गर्दी नियंत्रणात आणण्यासाठी बाजार समितीमध्ये प्रवेश बंद केला. मात्र भाजीपाल्याची मोठ्याप्रमाणावर झालेली आवक आणि गर्दीवर आणलेल्या नियंत्रणामुळे दुपारपर्यंत ३० टक्के शेतमाल शिल्लक राहिला होता. या शेतमालाच्या विक्रीसाठी दिवसभराची परवानगी अडते असोसिएशनने बाजार समितीकडे मागितली, ती मंजूर करण्यात आली होती.  

असे राहिले घाऊक दर (प्रति दहा किलो) : फ्लॉवर, कोबी ३० ते ६०, भेंडी २००-३००, गवार ४०० ते ५००, टोमॅटो १४० ते १६०, काकडी ८० ते १२०, आले ५०० ते ५५०, हिरवी मिरची ५०० ते ६००, शेवगा २०० ते ३००, वांगी १०० ते २००, घेवडा, दोडका १५० ते २५०, ढोबळी मिरची २५० ते ३५०, तोंडली, कारली १५० ते २००, बीट ४० ते ५०
 


इतर ताज्या घडामोडी
दिवे लावण्यापेक्षा पंतप्रधानांनी आशेचा ...मुंबई: दिवे लावण्यापेक्षा पंतप्रधानांनी आशेचा...
विनाकारण बाहेर फिरणाऱ्यांची ओवाळली आरतीअकोला ः ग्रामीण भागात ‘कोरोना’ची धास्ती वाढलेली...
नांदेड, परभणी, हिंगोली जिल्ह्यात केळी...नांदेड : लॅाकडाऊनमुळे वाहतुकीवर परिणाम झाला आहे....
मुंबई बाजार समितीत फळांची आवक वाढली मुंबई : जीवनावश्यक वस्तूंचा योग्य पुरवठा व्हावा,...
आंब्याची वाहतूक, वितरण व्यवस्थेतील...मुंबई : एप्रिलपासून आंब्याचा हंगाम सुरू झाला आहे...
कोल्हापुरात वाहतुक बंदीचा रेशीम कोषाला...कोल्हापूर : वाहतूक बंद असल्यामुळे शेतकऱ्यांचे...
मुख्यमंत्री साहायता निधीसाठी ‘कृषी’च्या...नाशिक: कोरोना विषाणूच्या प्रादुर्भावामुळे...
खानदेशात कडब्याच्या दरांवर दबाव जळगाव : खानदेशातून परराज्यासह इतर जिल्ह्यांत कडबा...
मदत व पुनर्वसन मंत्री देणार ४० हजार...चंद्रपूर ः खऱ्या अर्थाने पालकत्वाची जबाबदारी पार...
खानदेशात धान्याची शिवार खरेदी, मार्केट...जळगाव : खानदेशात धान्याची शिवार खरेदी बंद आहे....
भंडारा बॅंक देणार १५ एप्रिलपासून...भंडारा ः ‘कोरोना’ विषाणूचा प्रादुर्भाव...
नंदुरबार जिल्ह्यात पपईची कवडीमोल दराने...नंदुरबार : लॉकडाऊनचा फटका सर्वसामान्य...
जळगाव जिल्ह्यातील बॅंका पीक कर्ज...जळगाव : जिल्ह्यात अपवाद वगळता बॅंकांनी नव्याने...
हिंगोलीत एका व्यक्तीचा कोरोना चाचणी...हिंगोली : हिंगोली येथील जिल्हा रुग्णालयात भरती...
शब-ए-बारात, डॉ. आंबेडकर जयंतीला घरुनच...मुंबईः सध्या ‘कोरोना’ने सर्वत्र धुमाकूळ घातला...
खासगी डेअरीची संकलन यंत्रणा तोकडी;...नांदेड ः ‘कोरोना’ विषाणूचा संसर्ग रोखण्यासाठी...
नाशिक बाजार समितीमध्ये केवळ लिलावाला...नाशिक : ‘कोरोना’ विषाणूच्या वाढत्या...
पुणे, मुंबईत भाजीपाल्याची घरपोच सुविधा पुणे ः शहरातील नागरिकांसाठी भाजीपाला पुरवठा...
पुसदमध्ये शेतकरी कंपन्यांतर्फे...यवतमाळ : ‘लॉकडाऊन’च्या पार्श्‍वभूमीवर पुसद येथे...
लातूर जिल्ह्यातील द्राक्ष उत्पादक...चापोली, जि. लातूर : ‘कोरोना’चा फैलाव...