Agriculture news in Marathi Hurricane 'Rose' will hit the east coast today | Page 2 ||| Agrowon

‘गुलाब’ चक्रीवादळ आज पूर्व किनाऱ्याला धडकणार

टीम अॅग्रोवन
रविवार, 26 सप्टेंबर 2021

बंगालच्या उपसागरात तयार झालेल्या कमी दाब क्षेत्राची तीव्रता वाढत असल्याने या भागात कमी तीव्रतेचे वादळ (डीप डिप्रेशन) तयार झाले आहे. शनिवारी (ता. २५) सायंकाळी या भागात ‘गुलाब’ चक्रीवादळ घोंगावू लागले आहे.

पुणे : बंगालच्या उपसागरात तयार झालेल्या कमी दाब क्षेत्राची तीव्रता वाढत असल्याने या भागात कमी तीव्रतेचे वादळ (डीप डिप्रेशन) तयार झाले आहे. शनिवारी (ता. २५) सायंकाळी या भागात ‘गुलाब’ चक्रीवादळ घोंगावू लागले आहे. उद्या (ता. २६) संध्याकाळपर्यंत हे चक्रीवादळ दक्षिण ओडिशा आणि उत्तर आंध्रप्रदेशच्या किनाऱ्याला धडकण्याचा इशारा देण्यात आला असून, ही वादळी प्रणाली महाराष्ट्राकडे येण्याची चिन्हे आहेत.

बंगालच्या उपसागराच्या ईशान्य भागात तयार झालेली कमी दाबाचे क्षेत्राची तीव्रता वाढली असून, आज पहाटे त्याचे कमी तीव्रतेच्या वादळात (डीप डिप्रेशन) रूपांतर झाले होते. शनिवारी (ता. २५) रात्री ‘गुलाब’ चक्रीवादळाची निर्मिती झाली. ही प्रणाली ओडिशाच्या गोपाळपूरपासून अग्नेयेकडे ३७० किलोमीटर, तर आंध्रप्रदेशच्या कलिंगापट्टणमपासून ४४० किलोमीटर पुर्वेकडे समुद्रात होती. हे वादळ आज (ता. २६) प्रणाली आंध्रप्रदेश आणि ओडिशाच्या किनाऱ्यावर असलेल्या विशाखापट्टणम, गोपाळपूर आणि कलिंगापट्टणम जवळ किनाऱ्याला धडकण्याचा इशारा देण्यात आला आहे.  

पूर्व किनाऱ्यालगतच्या असलेल्या समुद्रात उंच लाटा उसळण्यास सुरूवात झाली असून, आज (ता. २६) सायंकाळपर्यंत ही वादळी प्रणाली किनाऱ्याकडे येणार असून त्यावेळी ताशी ७५ ते ९५ किलोमीटर वेगाने वारे वाहण्याबरोबरच, आंध्र प्रदेश, आडिशा, तेलंगणा राज्यामध्ये मुसळधार पावसाची शक्यता आहे. पूर्व किनाऱ्यावर मोठ्या प्रमाणावर नुकसान होण्याची शक्यता असल्याने स्थानिक प्रशासनाला सतर्कतेचे आदेश देण्यात आले आहेत. प्रणाली किनाऱ्याला धडकताना आंध्रप्रदेशातील श्रीकाकुलम, विजयनगरम, ओडिशातील गंजम या जिल्ह्याच्या किनाऱ्यालगतच्या सखल भागात अर्धा मीटर उंचीच्या लाटा शिरण्याची शक्यता आहे.

महाराष्ट्राकडे येणार वादळी प्रणाली
उपसागरातील वादळी प्रणालीचा संभाव्य मार्ग पाहता उद्या (ता. २६) किनाऱ्याला धडकून, उत्तर आंध्रप्रदेश, दक्षिण ओडिशा, छत्तीसगड, तेलंगणातून सोमवारपर्यंत (ता. २७) महाराष्ट्रातील पूर्व विदर्भाकडे येण्याचे संकेत आहेत. किनाऱ्याला धडकल्यानंतर या प्रणालीची तीव्रता कमी होत जाणार असली तरी, या काळात जोरदार वाऱ्यासह मुसळधार पावसाची शक्यता आहे. उद्या (ता. २७) विदर्भ, मराठवाड्यात तर सोमवारी (ता. २८) कोकण आणि उत्तर महाराष्ट्रात मुसळधार पाऊस पडण्याची शक्यता आहे.

कमी दाब क्षेत्रांची साखळी
बंगालच्या उपसागरात चक्रीवादळ घोंगावत असतानाच अग्नेय अरबी समुद्रात पाकिस्थानच्या किनाऱ्यालगत कमी दाब क्षेत्राची निर्मिती झाली असून, ते आणखी ठळक होण्याचे संकेत आहेत. तर सोमवारी (ता. २७) बंगालच्या उपसागरात पुन्हा चक्राकार वाऱ्यांची स्थिती निर्माण होणार असून, मंगळवारपर्यंत (ता. २८) या भागात नवीन कमी दाबाचे क्षेत्र तयार होण्याचे संकेत हवामान विभागाने दिले आहेत.

वादळाची तीव्रता

  • वादळामुळे ताशी ७५ ते ९५ किलोमीटर वेगाने वारे वाहणार 
  • किनाऱ्यालगत समुद्रात उंच लाटा उसळण्यास सुरुवात
  • आंध्र प्रदेश, आडिशा, तेलंगणात मुसळधार पावसाची शक्यता
  • किनाऱ्यालगत सखल भागात अर्धा मीटर उंचीच्या लाटा शिरण्याची शक्यता
  • नवीन कमी दाबाचे क्षेत्र तयार होण्याचे संकेत
     

इतर बातम्या
नांदेड जिल्ह्यात रब्बीची पेरणी सुरुनांदेड : जिल्ह्यात मागील काही दिवसांपासून थंडी...
तापमानातील तफावत वाढलीपुणे : राज्यात थंडीची चाहूल लागली असतानाच...
शेतकऱ्यांना तत्काळ कर्जासाठी कृषी कर्ज...नगर : राज्यातील शेतकऱ्यांना वेळेत व सुलभरीत्या...
तलाठ्यांच्या संपामुळे कामे खोळंबली नगर : तलाठ्यांच्या कामकाजासंदर्भात समन्वय...
तेलबिया आणा अन् खाद्यतेल घेऊन जापुणे : महात्मा फुले कृषी विद्यापीठाच्या शिवाजीनगर...
पूर्व विदर्भात करडईची होणार चार हजार...नागपूर ः देशाची खाद्यतेलाची गरज भागविण्याकरिता...
सोयाबीनच्या आवकेसह मागणीही वाढणारपुणे : देशभरातील बाजारात चालू सप्ताहात दैनंदिन...
परभणी कृषी विद्यापीठाकडून कुशल...परभणी ः वसंतराव नाईक मराठवाडा कृषी विद्यापीठ यंदा...
पुणे : रब्बीसाठी ३३,५०० क्विंटल...पुणे : पुणे जिल्ह्यात रब्बी हंगामाची तयारी सुरू...
परभणी : सव्वा लाखावर पंचनामे प्रलंबित परभणी : जिल्ह्यातील पंतप्रधान पीकविमा...
हिंगोलीत सोयाबीनचे दर  ४६५० ते ४८५०...हिंगोली : येथील कृषी उत्पन्न बाजार समितीअंतर्गत...
 कांदा दरात पुन्हा झाली घसरण नगर : दर मिळेल या आशेने गत वर्षीचा उन्हाळी,...
नागपुरात १९ हजार हेक्टरवरील पिके नष्ट नागपूर : ऑगस्ट व सप्टेंबर महिन्यादरम्यान झालेली...
कांद्याचे भाव वाढल्यावरच  का पाडले...येवला, जि. नाशिक : उन्हाळ कांद्याचे भाव वाढून...
पीक नुकसानी भरपाई मिळणार वाढीव दराने  येवला, जि. पुणे : निसर्गाच्या आपत्तीत अतिवृष्टी व...
राष्ट्रीय स्तरावरील साखर उद्योगातील...कोल्हापूर : नवी दिल्लीच्या राष्ट्रीय सहकारी साखर...
दहा वर्षांवरील हरभरा वाणांना अनुदान नाहीपुणे ः राज्यात रब्बी हंगामासाठी शेतकऱ्यांना हरभरा...
यंदा कापूस तेजीतच राहणारपुणे : महाराष्ट्र, गुजरात आणि मध्य प्रदेशात...
पावसाने वाढली सोयाबीनची आवक नागपूर ः मध्य प्रदेशात पावसाच्या शक्‍यतेमुळे...
ड्रायपोर्टमुळे संत्रा निर्यातीला चालनानागपूर : वर्धा जिल्ह्यातील सिंधी रेल्वे येथे...