agriculture news in marathi, icrisat to help boost farmers income, vidarbha, Maharashtra | Agrowon

विदर्भात शेतकरी उत्पन्नवाढीसाठी इक्रीसॅटचा प्रकल्प
विनोद इंगोले
शुक्रवार, 22 सप्टेंबर 2017

येत्या रबी हंगामापासून याची अंमलबजावणी होईल आणि ११ जिल्ह्यांत प्रत्येकी ५ हजार हेक्‍टरवर हा कार्यक्रम असेल.
- गजानन सावरगावकर, वरिष्ठ शास्त्रज्ञ, इक्रीसॅट

नागपूर ः आत्महत्याग्रस्त विदर्भातील शेतकऱ्यांचे उत्पन्न दुप्पट करण्याचा महत्त्वाकांक्षी प्रकल्प येत्या रब्बी हंगामापासून राबविण्यात येणार आहे. ११ जिल्ह्यांत प्रत्येकी पाच हजार हेक्‍टरवर या प्रकल्पाची अंमलबजावणी होणार अाहे. त्याकरिता आंतरराष्ट्रीय दर्जाचे तंत्रज्ञान उपलब्धतेची जबाबदारी हैदराबाद येथील इक्रीसॅट (आंतरराष्ट्रीय अर्धकोरडवाहू पीक संशोधन संस्था) उचलणार आहे.

पंतप्रधान नरेंद्र मोदी यांनी शेतकऱ्यांचे उत्पन्न दुप्पट करण्याची घोषणा केली होती. त्यानुसार, शेतकरी आत्महत्याप्रवण तसेच कृषी क्षेत्रात पिछाडीवर असलेल्या भागात इक्रीसॅटच्या मदतीने आधुनिक तंत्रज्ञानाच्या मदतीने पारंपरिक पिकांची उत्पादकता वाढविण्यावर भर दिला जाणार आहे. उत्तर प्रदेशातील बुंदेलखंड भागात असा प्रकल्प राबविला जात आहे. त्यानंतर आता महाराष्ट्रातील विदर्भाची याकरिता निवड करण्यात आली आहे.

पीक लागवड ते कापणी अशा सर्व टप्प्यात पारंपरिक पिकांकरिता आंतरराष्ट्रीय आणि राष्ट्रीयस्तरावर असलेले आधुनिक तंत्रज्ञान या प्रकल्पाच्या माध्यमातून शेतकऱ्यांना उपलब्ध करून दिले जाईल. ११ जिल्ह्यांत प्रत्येकी ५ हजार हेक्‍टर क्षेत्रावर हा कार्यक्रम राबविला जाईल. त्याकरिता कृषी विभागाच्या कर्मचाऱ्यांची स्थानिकस्तरावर मदत घेतली जाणार आहे.

इक्रीसॅटकडून या महत्त्वाकांक्षी उपक्रमाकरिता प्रत्येक जिल्ह्यासाठी संपर्क अधिकाऱ्यांची नियुक्‍ती करण्यात आली आहे. या संपर्क अधिकाऱ्यांमार्फत कृषी अधिकाऱ्यांना प्रशिक्षण दिले जाईल. त्यासोबतच तंत्रज्ञानाचा अवलंब केलेल्या शिवाराला वेळोवेळी भेटीही दिल्या जातील.

भौगोलीकस्थिती, हवामान बदलाचा अभ्यास
राज्य शासनाकडून या प्रकल्पाची येत्या रब्बी हंगामातच अंमलबजावणी करण्याचे आदेश देण्यात आले आहेत. त्यानुसार लवकरच प्रकल्पाकरिता तालुक्‍यांची निवड केली जाणार असल्याचे कृषी विभागाच्या सूत्रांनी सांगीतले. प्रकल्पाच्या अंमलबजावणीपूर्वी इक्रीसॅटकडून विदर्भातील ११ जिल्ह्यांच्या भौगोलीकस्थिती व वातावरणातील बदलाचा झालेला परिणाम याचा अभ्यास करण्यात आला.

अमरावती जिल्ह्यात नजीकच्या काळात ड्रायझोन वाढीस लागत असल्याचे या अभ्यासात दिसून आले आहे. त्याआधारे या जिल्ह्यात पीक उत्पादकता वाढीच्या उपाययोजना इतर जिल्ह्याच्या तुलनेत वेगळ्या असतील, असे इक्रीसॅटच्या तज्ज्ञांनी सांगीतले.

विदर्भातील शेकऱ्यांचे उत्पन्न दुप्पट करण्याचा महत्त्वाकांक्षी उपक्रम इक्रीसॅटच्या माध्यमातून राबविला जाणार आहे. तीन वर्षे कालावधी त्याकरिता निश्‍चित करण्यात आला आहे. येत्या रबी हंगामापासून याची अंमलबजावणी होईल आणि ११ जिल्ह्यांत प्रत्येकी ५ हजार हेक्‍टरवर हा कार्यक्रम असेल, असे इक्रीसॅटचे वरिष्ठ शास्त्रज्ञ गजानन सावरगावकर यांनी स्पष्ट केले.

इतर अॅग्रो विशेष
परीक्षा शुल्क परतीचा खर्च सात लाख रुपयेयवतमाळ ः परीक्षा रद्द झाल्यानंतर उमेदवारांचे पैसे...
दुबार पेरणीसाठी सरकारची तयारीः डाॅ....पुणे: पावसाचा काही प्रमाणात खंड पडला आहे....
डोणगावात होणार खजूर लागवडअकोला ः पारंपरिक पिकांना पर्याय शोधण्यासाठी...
रक्तक्षय दूर करण्यासाठी लोहयुक्त तांदूळनाशिक : दैनंदिन आहारातून अत्यल्प प्रमाणात लोह...
असंमत बियाणे लागवडीला बोंडअळी कारणीभूत...नवी दिल्ली : देशात २०१८ मध्ये गुलाबी...
दुष्काळामुळे द्यावा लागणार पाणी...पुणे ः सततच्या दुष्काळामुळे आता पाणी...
पीक पोषणात महत्त्वाची अन्नद्रव्ये पिकांच्या सुदृढ वाढीसाठी १८ अन्नद्रव्यांची...
मिल्क केक बनविण्याची प्रक्रियामिल्क केक हा दिसायला कलाकंदप्रमाणे असला तरी...
मराठवाड्यात ठिकठिकाणी हलक्या ते जोरदार...पुणे ः राज्यात पावसासाठी पोषक वातावरण तयार...
सोयाबीनवरील कीडीची ओळख सोयाबीन हे राज्यातील महत्त्वाचे पीक असून, त्यावर...
नांदेड जिल्ह्यात अन्नधान्य पिकांच्या...नांदेड : जिल्ह्यात गुरुवारपर्यंत (ता. १८) ६ लाख...
एकाच गावातील ७५० एकरांत ७५०० कामगंध...जालना : गतवर्षी नियंत्रण मिळविलं म्हणून कपाशीवरील...
जलसंधारणाचा खामगाव पॅटर्न देशभरात जाणारअकोला ः राष्ट्रीय महामार्गाचे काम करताना त्यासाठी...
कृत्रीम शीतपेयांना शोधला कोकणी नैसर्गिक...कोकणातील निसर्गरम्य कोळथर (ता. दापोली, जि....
फुलांनी आणला आयुष्यात बहर, अॅग्रोवनची...पुणे जिल्ह्यात रुई येथील सुहास लावंड यांनी...
जलव्यवस्थापनातील हुशारीतून फुलतेय ...दुष्काळाशी लढताना औरंगाबाद जिल्ह्यातील गाढेजळगाव...
दुष्काळातही कडवंची गावच्या अर्थकारणाची...भूगर्भीय सर्वेक्षण आधारित पाणलोटाची कामे, मृद...
मातीची सुपीकता टिकविणे आव्हानात्मक: डॉ...कोल्हापूर : कोल्हापूर विभागात मातीची सुपीकता...
साखर कारखान्यांना कर्ज न देणाऱ्या...मुंबई: आगामी हंगामासाठी साखर कारखान्यांना...
कृषी कौशल्य विकासासाठी सहकार्याचा करारअकोला ः  केंद्र शासनाची पंतप्रधान कौशल्य...