agriculture news in Marathi if have dare then demolish government Maharashtra | Agrowon

हिंमत असेल तर सरकार पाडून दाखवाः उद्धव ठाकरे 

टीम अॅग्रोवन
मंगळवार, 27 ऑक्टोबर 2020

राज्यातील आघाडी सरकार पाडण्यासाठी नेहमी नव्या तारखा दिल्या जात आहेत. तुमच्यात हिंमत असेल तर सरकार पाडून दाखवा.

मुंबई: राज्यातील आघाडी सरकार पाडण्यासाठी नेहमी नव्या तारखा दिल्या जात आहेत. तुमच्यात हिंमत असेल तर सरकार पाडून दाखवा. आम्ही तुमच्यासारखे सत्तेच्या ढेपेला चिकटणाऱ्या मुंगळ्यासारखे नाहीत, अशी टीका मुख्यमंत्री आणि शिवसेना पक्षप्रमुख उद्धव ठाकरे यांनी दिले. 

कोरोनाच्या पार्श्वभूमीवर शिवसेनेचा दसरा मेळावा रविवारी स्वातंत्र्यवीर सावरकर स्मारकात संपन्न झाला. यावेळी उद्धव ठाकरेंनी भाजपाचा भरपूर समाचार घेतला. 

उद्धव ठाकरे मुख्यमंत्री झाल्यानंतरचा हा पहिला दसरा मेळावा होता. कार्यक्रम सुरु होण्यापूर्वी मुख्यमंत्री उद्धव ठाकरेंनी सहकुटुंब शिवसेनाप्रमुख बाळासाहेब ठाकरे यांच्या स्मृतीस अभिवादन केले. यावेळी बोलताना उद्धव ठाकरे यांनी नारायण राणे कुटुंबीय, भाजप नेते, राज्यपाल यांच्यावर जोरदार टीका केली. ‘‘सगळ्या राज्यात पाडापाडी कशासाठी करताय? पक्षावर लक्ष द्या, पण थोडे लक्ष देशावरही द्या. देश रसातळाला चालला आहे. देश कोणत्याही एका पक्षाची मक्तेदारी नाही.

क्रांतिकारकांनी भाजपसाठी हा देश स्वतंत्र केलेला नाही. मुंबईला पाकव्याप्त काश्मीर म्हणणे हा पंतप्रधान मोदींचा अपमान आहे. संपूर्ण देशात फार विचित्र परिस्थिती सुरु आहे. आर्थिक घडी नीट बसण्याऐवजी ते इतरांचे सरकार पाडण्यात मग्न आहेत, अशी टीकाही त्यांनी केली. 

ते पुढे म्हणाले, सत्तेत आल्यापासून आमच्यावर आरोप केले जात आहेत. खोटेनाटे आरोप करताना शिवसेना गप्प कशी? असे विचारले जाते. याचे उत्तर आज मी देतो असे म्हणत काही लोक गुळाच्या ढेपेला मुंगळे चिकटून बसतात, तसे बसून असतात. आम्ही तुमच्यासारखे ढेपेला चिकटणाऱ्या मुंगळ्यासारखे नाहीत. आमच्या वाटेला जाल तर मुंगळा कसा डसतो, हे दाखवू' असे सांगत 'हिंमत असेल तर सरकार पाडून दाखवा', असे आव्हानही ठाकरे यांनी भाजपाला दिले. 

महाराष्ट्राच्या एकजुटीला तडा जाईल, असे कोणतेही कृत्य आपण करता कामा नये. मराठा समाजासह इतर सर्व समाजांना मी न्याय देणारच, ज्याच्या-त्याच्या वाट्याचे सर्वांना मिळेल. पण, जातीपातीच्या कारस्थानांना बळी पडू नका. हिंदू म्हणजे काय हे तुमच्या सरसंघचालकांकडून शिकून घ्या. हिंदुत्व हे राष्ट्रीयत्व म्हणणारी शिवसेना तुम्हाला नको आहे. मोहन भागवतांना राष्ट्रपती करण्याची मागणी करणाऱ्या शिवसेनेला हिंदुत्ववाद शिकवणारे संघमुक्त भारताची घोषणा करणाऱ्या नितीशकुमारांच्या गळ्यात गळे घालत आहेत, अशी टीकाही त्यांनी केली. 

गोव्यात गोवंश हत्येला बंदी का नाही? 
महाराष्ट्रात गोवंश हत्या कायदा करता, मग गोव्यात गोवंश हत्येला बंदी का नाही? असा प्रश्नही उद्धव ठाकरे यांनी भाजपाला केला. राज्यात कोरोनासोबत इतरही संकटे आहेत. जीएसटीचा परतावा केंद्र सरकारकडून अजूनही देण्यात आलेला नाही. ३८ हजार कोटी केंद्र सरकारने दिलेले नाहीत. मग पैसे येणार कुठून? असा प्रश्नही ठाकरे यांनी उपस्थित केला. 
 


इतर ताज्या घडामोडी
परभणी जिल्ह्यात शेतकऱ्यांच्या खात्यांवर...परभणी : अतिवृष्टिग्रस्त पिकांसाठी मंगळवार (...
नगर जिल्ह्यात रब्बीच्या पेरणीला वेग...नगर ः रब्बीची पेरणी सुरु होऊन एक महिन्याचा...
`जायकवाडी’तून रब्बीसाठी सुटले आवर्तनपरभणी : मराठवाड्यातील सर्वात मोठा सिंचन प्रकल्प...
तेल्हारा तालुक्यात मका, ज्वारीच्या...अकोला : जिल्ह्यात मका, ज्वारी पिकांचे सर्वाधिक...
मराठवाडा विभागातील ऊस गाळप हंगामाला गतीऔरंगाबाद : मराठवाड्यातील औरंगाबाद येथील प्रादेशिक...
धान उत्पादक गडचिरोलीत ज्वारीचे क्षेत्र...गडचिरोली : धान उत्पादक अशी ओळख असलेल्या...
खानदेशात लाल कांद्याची आवक रखडलीजळगाव : खानदेशातील प्रमुख बाजारांमध्ये कांद्याचे...
धुळे जिल्ह्यातील अतिवृष्टिबाधित...शिंदखेडा, जि.धुळे : धुळे जिल्ह्यात जून ते...
देशव्यापी संपात २५ कोटी कर्मचारी सहभागीनवी दिल्ली : सरकारच्या आर्थिक धोरणाविरोधात...
भंडारा जिल्ह्यात धान खरेदी...भंडारा : हमीभाव केंद्राच्या मर्यादित संख्येमुळे...
सांगलीत हमाल पंचायतीतर्फे जोरदार...सांगली : कामगार आणि शेतकरी विरोधी कायदे त्वरित...
पांढरकवडा येथे कापसाला ५ हजार ८२७...चंद्रपूर : बाजार समिती कार्यक्षेत्रातील...
पंतप्रधान पीकविमा योजना शेतकऱ्यांसाठी...नांदेड : शेतीपिकांच्या नुकसानीपश्‍चात भरपाई...
अवघे जग कोरोनामुक्त होऊ दे : अजित पवारपंढरपूर, जि. सोलापूर : कोरोना विषाणूवरील लस लवकर...
संत श्री नामदेव महाराज जन्मोत्सव सोहळा...हिंगोली ः श्रीक्षेत्र नरसी नामदेव येथे संत...
ठिबक सिंचनातून खतांचा कार्यक्षम वापरठिबक सिंचन संचाची आखणी आणि उभारणी, जमिनीचे भौतिक...
राज्यात पेरू ३०० ते ३५०० रुपयेजळगावात २५०० ते ३५०० रुपये दर जळगाव : ः...
पेरलेला कांदा काढणीला येवला, जि. नाशिक : यंदा वातावरणामुळे रोपे सडली....
महाबीज’ कर्मचाऱ्यांच्या संपामुळे बियाणे...अकोला ः महाराष्ट्र राज्य बियाणे महामंडळाच्या (...
माजी मुख्यमंत्री यशवंतराव चव्हाण यांना...कऱ्हाड, जि. सातारा ः आधुनिक महाराष्ट्राचे...