Agriculture News in Marathi If power supply is not restored Jalasamadhi movement in Dhora river | Agrowon

वीज पुरवठा सुरळीत न केल्यास  ढोरा नदीत जलसमाधी आंदोलन 

टीम अॅग्रोवन
मंगळवार, 7 डिसेंबर 2021

महावितरणने थकीत वीज बिलासाठी खंडीत केलेला तालुक्यातील कृषी पंपाचा वीज पुरवठा त्वरीत सुरळीत करावा.

शेवगाव, जि. नगर : महावितरणने थकीत वीज बिलासाठी खंडीत केलेला तालुक्यातील कृषी पंपाचा वीज पुरवठा त्वरीत सुरळीत करावा, अन्यथा जोहरापूर (ता. शेवगाव) येथे नेवासे रस्त्यावरील गोदावरी नदीत गुरुवारी (ता. ९) रोजी शेतकरी जलसमाधी आंदोलन करणार असल्याचा इशारा स्वाभिमानी शेतकरी संघटना व महाराष्ट्र राज्य किसान सभेतर्फे नायब तहसिलदार रमेश काथवटे यांना निवेदनाद्वारे दिला. 

निवेदनात म्हटले आहे की, थकीत बिलाच्या वसुलीसाठी महावितरणने तालुक्यातील कृषी पंपाचा १५ दिवसांपासून वीज पुरवठा खंडीत केला आहे. अतिवृष्टी व पुराच्या संकटातून बाहेर पडलेल्या तालुक्यातील शेतकऱ्यांना महावितरणने कोंडीत पकडले. राज्यातील इंदापूर, बारामती, नेवासे, कन्नडसह राज्यातील बहुतांशी तालुक्यात थकीत वीज बील न भरता वीजपुरवठा सुरळीत सुरू केला आहे. 

तालुक्यात या वर्षी अतिवृष्टीमुळे खरीप हंगाम वाया गेल्यानंतर आता शेतकऱ्यांची रब्बी हंगामासाठी तयारी सुरू आहे. विहिरी व कुपनलिकांना मुबलक पाणी असताना महावितरणने वीज पुरवठा खंडीत केल्याने पिकांना पाणी देणे अशक्य झाले. त्यामुळे पाणी असूनही कांदा, गहू, हरभरा, तुरी व इतर बागायती पिके हातून जाण्याचा मार्गावर आहेत. अशा परिस्थितीत महावितरणने योग्य तोडगा काढून तालुक्यात इतर तालुक्यासारखा वीज पुरवठा सुरळीत करून शेतकऱ्यांना दिलासा द्यावा. अन्यथा, महावितरण व राज्य सरकारच्या विरोधात गुरुवारी (ता. ९) रोजी जोहरापूर (ता. शेवगाव) येथील ढोरानदीत स्वाभिमानी शेतकरी संघटना व महाराष्ट्र राज्य किसान सभेतर्फे शेतकऱ्यांसह जलसमाधी आंदोलन करणार आहेत. याची जबाबदारी महावितरणची राहील, असे संघटनांच्या कार्यकत्यानी दिलेल्या निवेदनात म्हटले आहे. 

निवेदनावर किसान सभेचे संजय नांगरे, स्वाभिमानी शेतकरी संघटनेचे जिल्हा उपाध्यक्ष दत्तात्रेय फुंदे, शहराध्यक्ष भाऊ बैरागी, दीपक ढाकणे, संजय लांडे, आदित्य लांडे, आजिनाथ उगलमुगले, गणेश लांडे, नितीन लांडे, विनायक नांगरे, संजय पांडव, अजिनाथ हरवणे, माऊली कराड, अजय कराड, संदिप बडधे, मनोज बडधे यांच्या सह्या आहेत.


इतर बातम्या
महाराष्ट्रात ३५ धान्य आधारित इथेनॉल...वृत्तसेवा - केंद्र सरकारने (Central Government)...
रशियासाठी निर्यातीच्या द्राक्ष दराचा...पुणे - महाराष्ट्र राज्य द्राक्ष बागायतदार संघाने...
युपी काँग्रेसची घोषणा : कर्जमाफी, गहू-...वृत्तसेवा - उत्तर प्रदेशमध्ये सत्तेत आल्यास...
मराठवाड्यातील पाणीसाठा ८५ टक्‍क्‍यांवर औरंगाबाद : मराठवाड्यातील सर्व प्रकल्पांमधील...
कोरोना संसर्गाच्या निदानासाठी चाचण्या...बुलडाणा : ‘‘कोरोनाची तिसरी लाट सध्या सुरू आहे. या...
ग्रामपंचायतीचे शंभर टक्के कर भरल्यास...पुणे : थकीत कर वसुलीसाठी मावळ तालुक्यातील घोणशेत...
अमरावती : पोलिस अधिकाऱ्याच्या...अमरावती ः भारतीय पोलिस सेवेत असलेल्या एका युवा...
पंढरपुरातील विकासकामे दर्जेदार व्हावीत...सोलापूर ः पंढरपुरात वारीनिमित्त लाखो भाविक येतात...
अमरावती विभागात १५ हजार हेक्‍टर पिकांचे...अमरावती ः खरिपानंतर रब्बी हंगामातील पिकांनादेखील...
कोल्हापुरातील १६, तर सांगलीतील चार...कोल्हापूर : कृषी ग्राहकांची चालू व थकीत...
जळगावमधील १७५ गावांमध्ये पाणी योजना...जळगाव : जिल्ह्यातील १७५ गावांचा पाणीप्रश्‍न...
22 तारखेला कुठे होणार पाऊस?20 तारखेला दिवसभर राज्यातले हवामान कोरडे...
पंजाबात मोहरीच्या क्षेत्रात वाढ, मात्र...वृत्तसेवा - पंजाबमध्ये मोहरीची लागवड ३३ हजार...
लाळ्या खुरकूत साथीमुळे मलिग्रेत चार...आजरा, जि कोल्हापूर ः मलिग्रे पंचक्रोशीत लाळ्या...
वारणा साखर कारखान्याची निवडणूक...वारणानगर जि. कोल्हापूर : येथील श्री. तात्यासाहेब...
संपादित जमिनीला वाढीव मोबदला द्या अकोला : जिल्ह्यातील पारस येथील औष्णिक विद्युत...
ज्युनिअर आर. आर पाटलांनी कवठेमहांकाळचं...सांगली - संपूर्ण राज्याचं लक्ष लागलेल्या...
गडचिरोलीचे हत्ती गुजरातला नेण्याचा घाटगडचिरोली : जिल्ह्यातील सिरोंचा वनविभागातील अहेरी...
उन्हाचा चटका वाढला, गारठा ओसरला पुणे : राज्यात उन्हाचा चटका वाढू लागला असल्याने...
साखर कारखान्यांच्या माल तारण  कर्जावरील...कोल्हापूर : साखर कारखान्यांच्या माल तारण...