agriculture news in Marathi ignore fraud for promotion Maharashtra | Agrowon

बढत्या देताना गैरव्यवहाराकडे दुर्लक्ष 

टीम अॅग्रोवन
रविवार, 18 ऑक्टोबर 2020

राज्याच्या कृषी खात्यातील अधिकाऱ्यांना बढत्या देताना गैरव्यवहाराच्या मुद्द्यांकडे मंत्रालयातील ‘आयएएस लॉबी’ सोयीस्कर दुर्लक्ष करीत असल्याचे आयुक्तालयातील सूत्रांचे म्हणणे आहे.

पुणे: राज्याच्या कृषी खात्यातील अधिकाऱ्यांना बढत्या देताना गैरव्यवहाराच्या मुद्द्यांकडे मंत्रालयातील ‘आयएएस लॉबी’ सोयीस्कर दुर्लक्ष करीत असल्याचे आयुक्तालयातील सूत्रांचे म्हणणे आहे. 

कृषी खात्यात सध्या संचालक बढतीसाठी जोरदार लॉबिंग सुरू आहे. त्यासाठी चार आयएएस अधिकाऱ्यांची समिती नेमकी काय भूमिका घेते याकडे कर्मचाऱ्यांचे लक्ष लागून आहे. 

बढत्यांच्या फाईल्सचा प्रवास आयुक्तालयाच्या आस्थापना विभागाकडून कृषी सचिवालयात व तेथून सामान्य प्रशासन विभाग असा होतो आहे. सामान्य प्रशासन विभागाकडून मंजुरी मिळाल्याशिवाय कृषी संचालक कोण ठरणार नाही. मात्र, या विभागाला आस्थापना मंडळाची मान्यता बंधनकारक असते. 

‘‘विदर्भात विविध कामांमध्ये घोटाळे करणाऱ्या एका अधिकाऱ्याला पदोन्नती देताना मागील कारनामे झाकण्याच्या सूचना दिल्या गेल्या आहेत. त्यामुळे कागदपत्रे त्याच पद्धतीने तयार करण्यात आली आहेत. या अधिकाऱ्याबाबत आस्थापना मंडळ देखील गप्प बसले आहे,’’ असे एका जबाबदार अधिकाऱ्याने स्पष्ट केले. 

आस्थापना मंडळात फक्त ‘आयएएस’ अधिकारी आहेत. त्यात अल्पसंख्याक विकास विभागाच्या अतिरिक्त मुख्य सचिव जयश्री मुखर्जी, अर्थ सचिव राजीव कुमार मित्तल, सामान्य प्रशासन विभागाचे सचिव किशोरराजे निंबाळकर यांचा समावेश आहे. 

कृषी आयुक्तालयात सध्या गुणनियंत्रण संचालकपदासाठी सर्वांत जास्त रस्सीखेच आहे. या पदावर सहसंचालक दिलीप झेंडे यांना बढती मिळण्याची शक्यता जास्त आहे, असे अधिकारी सांगतात. दुसऱ्या क्रमांकाची रस्सीखेच मृदसंधारण व पाणलोट क्षेत्र विकास संचालकपदासाठी आहे. अमरावतीचे सहसंचालक सुभाष नागरे यांची वर्णी लागण्याची चिन्हे आहेत. 

विस्तार संचालकपदी कोकणचे सहसंचालक विकास पाटील तर फलोत्पादन संचालकपदी डॉ. कैलास मोते यांची नियुक्ती होण्याची शक्यता व्यक्त केली जात आहे. ‘‘कोणत्या सहसंचालकाला कोणते पद मिळेल हे शेवटपर्यंत निश्चित होत नाही. कारण, गुणनियंत्रण विभागाच्या संचालकपदाची निवड शेवटच्या दिवशी बदलण्यात आली होती,’’ अशी माहिती सूत्रांनी दिली. 

मंत्रालयातून आलेल्या फाईलवरच निर्णय 
बढत्या देताना आस्थापना मंडळ स्वतःहून काहीही मुद्दा उपस्थित करीत नाही. कृषी मंत्रालयातून आलेल्या फाईलवरच निर्णय होतो. त्यामुळे मंत्रालयात जाणारी फाईल ‘टापटीप’ कशी राहील याची दखल आस्थापना विभाग घेतो. या विभागाची ‘काळजी’ अधिकारी घेतात. त्यामुळे गैरव्यवहार, निलंबन, चौकशी असा पूर्वेतिहास असूनही संचालकपदी बढती दिली जाते, अशी माहिती प्रशासन विभागाच्या सूत्रांनी दिली. 
 


इतर अॅग्रो विशेष
पांढऱ्या कापसाचे काळे वास्तवदेशातील सूत गिरण्या आता ९५ टक्के कार्यक्षमतेने...
शेतकऱ्यांच्या कष्टाचे झाले निर्माल्यरिमझिम पाऊस, थेंब पाकळीवर पडला ओघळून जाताना...
अतिवृष्टीचा मराठवाड्यात २३ लाख हेक्टरला...औरंगाबाद : यंदा खरिपात अतिवृष्टी व सततच्या...
केळी पीक विम्याबाबत आज बैठकजळगाव ः हवामानावर आधारित फळपीक विमा योजनेत केळी...
राज्यात पावसाचा प्रभाव कमी झालापुणे ः राज्यात गेल्या काही दिवस जोरदार पाऊस...
राज्यात तुरळक ठिकाणी मुसळधार पाऊसपुणे ः राज्यातील काही भागात पावसाने उघडीप दिली...
पीक विमा तक्रार निवारणासाठी कोठे जाल?राज्यात यंदा खरीप हंगामात उत्तम पेरा झाला होता....
राज्यात पावसाचा कमीअधिक जोर राहणारपुणे ः राज्यातील अनेक भागात पावसाने काहीशी उघडीप...
पणन सुधारणा कायदे शेतकरी हिताचेच!शेतीमालाच्या मार्केटमध्ये दराच्या बाबतीत कधीही...
रिसोर्स बॅंक ः स्तुत्य उपक्रमहवामान बदलाच्या चरम सीमेवर आता आपण आहोत. खरे तर...
कांदा दर नियंत्रणासाठी केंद्र सरकारचा...मुंबई : कांदा दर नियंत्रणासाठी केंद्र सरकारचा...
‘बायोमिक्स’ विक्रीतून कृषी विद्यापीठाला...परभणी ः वसंतराव नाईक मराठवाडा कृषी विद्यापीठातील...
जरासं पहा ना साहेब, पाणीच पाणी वावरात...परभणी ः सदोष बियाण्यांमुळे दुबार, तिबार पेरणी...
परतीचा मॉन्सून राज्यातून चार दिवसांत...पुणे ः परतीच्या पाऊस सुरू असताना बंगालच्या...
कृषी कायद्यांविरोधात पंजाबकडून स्वतंत्र...चंडीगड : केंद्र सरकारने मंजूर केलेल्या तीन...
खारपाणपट्ट्यातील समस्यांवर...दापुरा (ता. जि. अकोला) येथील स्वप्नील व संदीप या...
सुर्डीतील तरुणांनी तेरा पाझर तलावांना...वैराग, जि. सोलापूर ः ‘वॉटर कप’ स्पर्धेत राज्यात...
कापूस विक्रीसाठी नोंदणी थांबविलीजळगाव ः शासकीय केंद्रात कापूस विक्रीसाठी बाजार...
प्रयोगशील दुग्ध व्यवसायातून पुढारले...माळीसागज (जि. औरंगाबाद) गावात कोरडवाहू क्षेत्र...
पाच हजार शेतकऱ्यांची ‘रिसोर्स बॅंक’कऱ्हाड, जि. सातारा ः शेतकऱ्यांवर सातत्याने...